PTGF出租女友
PTGF出租女友

PTGF出租女友│開鏡拜神女角晒冷 鄧月平密實扮cool 沙律黑衫遮肉失色 郭奕芯大方襟撈最受歡迎

影視娛樂

廣告

蕭定一旗下的「hmvod」去年12月宣布開拍的話題港產片《#PTGF出租女友》,之前已公布男女主角定為趙善恆及鄧月平,另外仲有前空姐及去年在招募活動中脫穎而出的14位新女演員參演,而招募當日以為做硬男主角的林作,最後因為鍾培生係投資者之一,無份同班囡囡一齊拍戲喇!《#PTGF出租女友》未開拍已事先張揚重女陣容,不過這日開鏡拜神,女主角鄧月平與沙律張沛樂竟然令人好失望……

撰文:東方新地 圖片:東星圖片

PTGF出租女友
《#PTGF出租女友》進行開鏡拜神儀式,由投資者之一的鍾培生帶領眾演員切燒豬。
PTGF出租女友
出品人蕭定一亦有現身開鏡,女主角鄧月平當然要企老闆側邊啦!

《#PTGF出租女友》女演員鬥搶fo

《#PTGF出租女友》電影改篇自真人真事網絡小說,早前公布演員名單,除了男女主角趙善恆及鄧月平,還有張建聲、沙律張沛樂、程美段、郭奕芯、岑珈其、馬俊怡(Rose Ma)、張松枝、秦楚瀅(娜美)、張家希(Jon Jon)、前空姐Shanne以及14位新女演員。這日開鏡拜神女演員齊集,不過唔係個個都搶到fo。

PTGF出租女友
三大女角左起沙律張沛樂、鄧月平及郭奕芯,一個用長髮遮心口、一個打扮密實冇睇頭,好彩仲有一個肯大方。
PTGF出租女友
男角方面除了企中間的男主角趙善恆,還有張建聲及岑珈其。

鄧月平全程黑面

照演員名單來看,女主角鄧月平與沙律張沛樂知名度最高,平時放在社交網的照片張張都好養眼,偏偏在開鏡這日二人都黯然失色,令人大跌眼鏡。先講鄧月平,她最大的賣點除了甜美的樣貌,還有出眾的身材,不過這日她選擇全身包到冚,完全冇睇頭都算,鄧月平仲黑面扮cool,影單人相都係唧都唔笑!

PTGF出租女友
鄧月平上身淺粉紅下身熒光粉紅,顏色係好搶眼,不過同其他性感打扮的女演員相比就好失色囉!
PTGF出租女友
由頸包到落腳的鄧月平,拍照時更板起塊面。

沙律自我放棄mode

至於曾在第一季《向西聞記》單元主演《PTGF》的沙律張沛樂(沙律),平時好大方性感絕對冇問題,這日她竟以黑衫黑裙現身,件衫睇落好似有啲透視,不過都係冇少料到,唯一中間有少少Deep V都畀佢一頭長髮遮晒,自從同Error的保錡拍拖後,沙律似乎自我放棄,心廣體胖變得愈來愈大隻!

PTGF出租女友
沙律一身黑色打扮以為可以遮肉顯瘦,點知顯得好壯健。
PTGF出租女友
電影公司在招募活動中精挑細選的新演員,大家點睇?

郭奕芯打頭陣出場

兩大女主角都放軟手腳,性感女星郭奕芯見機不可失,谷盡4吋事業線出席開鏡拜神,成為傳媒焦點,她接受訪問時透露在片中客串演「PTGF」波波,由於是片中首位出場,導演要求效果震撼兼人如其名,故戲服相對性感,但毋須上演激情戲,頂盡是性感篤波!

PTGF出租女友
25歲的性感女星郭奕芯青春迫人,Deep V加短裙把美好身材表露無遺。
PTGF出租女友
郭奕芯是戲中第一個出場的PTGF波波,問到現實中有否被撩過當PTGF?她說:「細個時唔興,加上我唔係經常上網,近兩年先多咗上網,試過有網友問價,開價幾百萬都有,我覺得太誇張,一定係騙局,所以從來唔回覆。」

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..