MIRROR演唱會
MIRROR演唱會

MIRROR演唱會|郭富城指內部需檢討 官方回應萬人聯署訢求即時修正

影視娛樂

廣告

MIRROR紅館演唱會機關多多,Frankie(陳瑞輝)喺第二場演出時更不幸墮台受傷,嚇到一班鏡粉發起「關注MIRROR演唱會安全問題」聯署,希望主辦機構會正視演出安全問題,至噚晚第三場,官方已修正幾個表演環節保鏡仔安全!

MIRROR演唱會 MIRROR演唱會舞台機關意外頻生,一眾dancer、鏡粉,以及MIRROR的歌唱老師都有開聲批評。
MIRROR演唱會舞台機關意外頻生,一班鏡粉發起「關注MIRROR演唱會安全問題」聯署,希望主辦機構會正視演出安全問題。(圖片來源:[email protected]

MIRROR演唱會表演環節1)Anson Lo 取消90度瞓落台危險動作

教主Anson Lo本身唱完《King Kong》,會喺煙火效果下向後90度直瞓落台,去到第三場經已睇唔到咁震撼嘅畫面。Anson Lo 第三場唱完《King Kong》就企定定等升降台降落返台底換衫。

MIRROR演唱會 mirror 教主就係咁90度瞓落台下,不過安全措施做得足,有驚無險!
Anson Lo喺MIRROR第一場紅館演唱會90度瞓落台,場面驚嚇,嚇到台下嘩聲四起!!(圖片來源:郭進榮攝)
MIRROR 第三晚再睇唔到教主Anson Lo向後90度直瞓落台。
第三晚再睇唔到教主Anson Lo向後90度直瞓落台。(圖片來源:官方提供)

MIRROR演唱會表演環節2)Frankie轉平地自白

MIRROR「隱形人」Frankie 原本會喺升降台上面自白,自第二場發生摔落台事件後,第三場已改為喺平地進行,皮皮可以放心四圍行,唔使驚無啦啦整親。Frankie呢晚一出場就話:「皮皮噚日跌低咗,今日都起返身。」勉勵大家唔好怕遇上挫折,只要夠硬淨就一定捱得過。

MIRROR Frankie第三晚一出場就話:「皮皮噚日跌低咗,今日都起返身。」
Frankie第三晚一出場就話:「皮皮噚日跌低咗,今日都起返身。」(圖片來源:官方提供)
MIRROR演唱會 mirror Frankie的自白,場面感人。
Frankie的自白,場面感人。(圖片來源:郭進榮攝)
MIRROR演唱會 Frankie 掉到台下。
演唱會第二晚,Frankie突然由升降台掉下,全場觀眾嚇呆!。(圖片來源:網上截圖)
MIRROR演唱會
事後Frankie亦有即時在個人IG上分享自己的傷勢,左手有明顯擦傷,寫道:「令到大家擔心Sorry,講得太入神,只係擦傷咗啲啫,我福大命大!」(圖片來源:[email protected]

MIRROR演唱會表演環節3)《狂人日記》X《九》舞蹈員冇再反身跳台底

Frankie(陳瑞輝)、Jer(柳應廷)、Stanley(邱士縉)同Jeremy(李駿傑)合唱《狂人日記》《九》部分,本身表演設計咗一班舞蹈員會由升降台反身跳去台底。嚟到第三晚,咁危險嘅舞蹈表演都取消埋。

MIRROR Frankie陳瑞輝)、Jer柳應廷)、Stanley邱士縉)同Jeremy李駿傑)合唱《狂人日記》《九》部分,舞蹈員本身會由升降台反身跳去台底,嚟到第三晚經已取消。
Frankie(陳瑞輝)、Jer(柳應廷)、Stanley(邱士縉)同Jeremy(李駿傑)合唱《狂人日記》《九》部分,舞蹈員本身會由升降台反身跳去台底,嚟到第三晚經已取消。(圖片來源:官方提供)

MIRROR演唱會表演環節4)高空天橋巡場仍然冇影

MIRROR十二子第一晚會企喺狹窄天橋上面巡場合唱,觀眾第一晚完場後就大力批評似企喺搖搖板表演,升降天橋對接位高低不平,狀態跟未完工一樣,完全冇考慮MIRROR成員安全。去到第二晚主辦順應民意收起天橋,第三晚高空天橋巡場環節仍然冇影。

MIRROR MIRROR十二子第一晚企喺狹窄天橋上面巡場合唱,被網民批評似搖搖板後,去到第二晚被取消,第三晚高空天橋仍然冇影。
MIRROR十二子第一晚企喺狹窄天橋上面巡場合唱,被網民批評似搖搖板後,去到第二晚被取消,第三晚高空天橋仍然冇影。(圖片來源:官方提供)
MIRROR演唱會的升降天橋對接位不齊,頭場結束後被鏡粉鬧爆。
MIRROR演唱會的升降天橋對接位不齊,頭場結束後被鏡粉鬧爆。(圖片來源:YouTube@ Viu1 HK)

MIRROR演唱會表演環節5) 鏡粉自發收斂燈牌

唔少熱情鏡粉頭兩晚都帶埋超強燈牌入場,燈牌火力十足,勁到影響舞台效果,Do姐(鄭裕玲)都話啲燈牌太殘眼,令佢睇唔到姜濤solo嗰陣係有spotlight照住。鏡粉經勸喻要收斂燈牌後,去到第三晚,情況終於有改善。鏡粉大部分時間都只係舉團燈、手燈,當MIRROR成員Solo歌就放低燈牌,去到團歌先再拎起,演唱會舞台燈光效果終於睇得見。

MIRROR 鏡粉燈牌火力十足,勁到影響舞台效果。
鏡粉燈牌火力十足,勁到影響舞台效果。(圖片來源:官方提供)

MIRROR排舞師大讚官方有聽取意見

MIRROR排舞師Rock Sir喺第三場MIRROR演唱會完騷後,發文表示演唱會團隊有細心聆聽大家意見,並迅速作出相應改善,值得大讚,「睇到第三晚成個騷順利完成,知唔知我究竟有幾開心? 終於見到大家嘅努力冇白費,亦帶到俾觀眾一個精采嘅表演,謝謝幕後團隊聽到大家嘅意見,已經將好多有潛在危險嘅地方改善。」

MIRROR MIRROR吊威也出場方式有得留低。
MIRROR吊威也出場方式有得留低,不過觀眾依然對此有擔心。(圖片來源:官方提供)

MIRROR演唱會現場直擊|Anson Kong險遇機關意外跌落台+重溫首場11大亮點

鏡粉萬人聯署要求停用機關

有鏡粉發聯署,名為「關注MIRROR演唱會安全問題」,目前已累積1.1萬人簽名,當中寫道:

全港鏡粉對MIRROR首個紅館演唱會期待已久,但開始前一天卻驚聞有舞蹈員受傷入院,揭發不但排練時間不足,各機關的安全性亦成疑,演出人員之安全並未得到保障。直至昨天正式演出,整個過程險象環生,今天第二場Frankie更叉錯腳跌下舞台,情況令人擔心!」然後促請主辦方停用未必要機關:「現希望主辦方正視問題,保障所有表演者(包括MIRROR 12子及所有舞蹈員)等之安全,在未能提供適當安全措施前,請考慮暫停使用非必要之機關或升降台。相信入場鏡粉寧願眾人在平地演出,亦不想有人因此受傷!希望各關注此問題的鏡粉一同聯署,促請主辦盡快回應。

MIRROR演唱會 有鏡粉發起聯署要求停用非必要舞台機關。
有鏡粉發起聯署要求停用非必要舞台機關。(圖片來源:網頁截圖)

MIRROR歌唱老師爆粗鬧爆

MIRROR成員中,盧瀚霆(Anson Lo)、呂爵安(Edan)、邱士縉(Stanley)同李駿傑(Jeremy)都跟隨歌唱老師Guddy(陳傑龍),在舞台意外發生後,他於IG出post狠批MIRROR演唱會的安排,亦替鏡仔們擔心,他寫道:「但願每一位歌手都不是要擔心台面機關,不是沒得睡,不是演唱會前都要趕錄音、趕活動,不是要擔心自己身體狀態或是身邊工作人員的安危,而是他X的好好安排恆常練歌、一齊練歌、練舞、休息、repeat,心身安康。我們看到的不單是安排不當,是對藝術訓練的無知,還有對藝術工作者的無理要求。」

MIRROR演唱會 MIRROR部份成員的御用歌唱老師都睇唔過眼舞台安全問題,爆粗出post鬧。
MIRROR部份成員的御用歌唱老師都睇唔過眼舞台安全問題,爆粗出post鬧。(圖片來源:[email protected]
MIRROR演唱會 鏡仔的歌唱老師狠批:「們看到的不單是安排不當,是對藝術訓練的無知,還有對藝術工作者的無理要求。」
鏡仔的歌唱老師狠批:「們看到的不單是安排不當,是對藝術訓練的無知,還有對藝術工作者的無理要求。」(圖片來源:[email protected]@guddynalyvaiko)

MIRROR演唱會|郭富城稱兩日踩台時間太短

被稱為「舞台王者」的郭富城出席活動時接受傳媒訪問,聞得MIRROR演唱會意外頻生,Frankie更一度踏空失足掉下台,他亦不忘分享自己的經驗,直指只得兩日踩台板時間的確太短,自己一般都會有三、四日。另一方面,他指出場務同事有責任提醒演出者的角舞台地勢以及危險位置,以避免意外發生。從此之外,他認為演出者應該專注在表演部分,所有事情應該由內部去檢討,解決問題後再向表演者表達,若然要歌手自己解決「係唔合理」。

MIRROR演唱會 mirror
(圖片來源:新傳媒資料庫)

重溫頭場表演情況:

即重搵首場最危險一幕。

常見問題

MIRROR演唱會安全問題連天王郭富城都要出聲?

演唱會第二場發生墮台事件後,天王郭富城亦隨即分享自己經驗,佢直指場務同事有責任⋯⋯詳見:官方回應五大危機即時修正

Frankie墮台事件引發粉絲聯署?

演唱會第二場發生墮台事件,安全問題再度引起關注,有粉絲發起萬人聯署要求官方停用機關,而官方終於有所回應⋯⋯詳見:萬人聯署停用機關

撰文:東方新地圖片來源:新傳媒資料庫、[email protected][email protected][email protected]、網頁截圖、官方提供資料或影片來源:[email protected]

最新吃喝玩樂資訊