mc 張天賦
mc 張天賦

MC張天賦澳門演唱會|唱到青筋現晒形 台上爆著墊高鞋墊自嘲係「小矮」

影視娛樂

廣告

新一代人氣歌手張天賦(MC)一連兩晚在澳門舉行《This is MC LIVE IN MACAU》演唱會,這是MC首次在澳門開Show,佢就將香港演唱會喺澳門還原,MC仲打破咗會場四面台單場入座率最高成績…
mc 張天賦 張天賦 mc MC喺澳門舉行咗一連兩場演唱會!
MC喺澳門舉行咗一連兩場演唱會!(圖片來源:大會提供)

MC搵小肥做嘉賓 自嘲可以做小矮

今次將香港演唱會帶到澳門,MC找來澳門實力派歌手代表小肥擔任兩晚個唱嘉賓,分別合唱《寵物》及《時光機》。台上MC更與小肥自嘲外表,表示兩人可以組成最新組合「小矮小肥」,小肥則搞笑稱組合外號可以是「M Fat」或者「Medium Fat」,笑爆全場!

mc 張天賦 張天賦 mc 請嚟小肥做嘉賓!
請嚟小肥做嘉賓!(圖片來源:大會提供)
mc 張天賦 張天賦 mc 小肥一連唱咗兩首歌送畀現場Fans。
小肥一連唱咗兩首歌送畀現場Fans。(圖片來源:大會提供)
mc 張天賦 張天賦 mc 小肥一連唱咗咗兩首歌,分別係《寵物》及《時光機》
分別係《寵物》及《時光機》(圖片來源:大會提供)

MC目標要搵矮過佢嘅人做演唱會嘉賓

MC隨後繼續用身高開玩笑,說:「我一路尋找緊矮過我嘅人做嘉賓,大家都知我著緊鞋墊啦,他朝一日搵到矮過我嘅人,就會除咗鞋墊好自信企喺佢旁邊!」

而小肥就拿出身份證,以證自己有172高,透露了澳門身份證是會列明身高。席間小肥感謝MC邀他做嘉賓及選唱他的歌之餘,也大讚他的唱功,說:「一直其實唔係太多歌手會唱我嘅歌,因為冇咩人唱到。」令全場歡呼,而小肥也感謝「賦二代」的應援食物的創新,有「世一瑞士雞翼」、「小心地滑椰青」,自己品嘗了後者,感謝他們愛屋及烏!

mc 張天賦 張天賦 mc MC自嘲身高。
MC自嘲身高,話有一日要除鞋墊。(圖片來源:大會提供)

MC將紅館演唱會還原去澳門

今次MC將香港紅館演唱會原汁原味帶到澳門,一樣以四面台示人,同時加插唱出香港個唱後推出的新歌《花海》、《第二人格》、《抽》及《與我無關》,但MC一輪勁歌熱舞後已經爆汗變成水人,大嗌:「我耳機水浸!」!有「賦二代」醒目遞上紙巾,亦有不少看到MC飲水時即尖叫聲四起,MC笑言:「幾好,飲水都有人嗌!早知我唔排舞排得咁辛苦啦,啲尖叫聲差唔多!」

mc 張天賦 張天賦 mc MC唱得非常賣力!
MC唱得非常賣力!(圖片來源:大會提供)

導演禁握手環節 MC懶理照同Fans互動

去到歌迷們非常喜歡的超市手推車環節,MC於澳門站則改裝成漢堡包車,令他指著漢堡包車說:「次次開騷都話要腹肌,你望下!」然後乘坐漢堡包車被dancers推著繞場一周,「賦二代」順勢衝到台邊與偶像近距講離接觸,可惜MC表示:「安全問題,導演唔俾我握手呀!」MC唯有與「賦二代」自拍補數,而尾場中段在熱情歡呼聲下,MC最終也忍不住破戒,火速繞場和Fans來個快握。

mc 張天賦 張天賦 mc 超市手推車變咗漢堡車。
超市手推車變咗漢堡車。(圖片來源:大會提供)
mc 張天賦 MC張天賦 MC唱到《反對無效》的時候,突然手持自拍棍地坐上超市推車!
香港話係超市手推車!(圖片來源:東方新地)
mc 張天賦 張天賦 mc 同Fans近距離接觸。
同Fans近距離接觸。(圖片來源:大會提供)

MC自掏腰包拎出六位數換成籌碼畀台前幕後

演唱會尾聲,MC回憶起上次於香港紅館個唱尾場哭成淚人,望向觀眾時都望不清楚,今次就希望與「賦二代」開開心心地合唱出《時候不早》,感謝樂迷支持令兩晚全院滿座!最後成功以笑容代替了淚水。另外MC為感謝台前幕後努力,自掏腰包拿出六位數字換成籌碼,在慶功宴上親手送給每位,感謝大家辛苦幫手更重要是希望為大家帶來好運和祝福。

mc 張天賦 張天賦 mc
(圖片來源:大會提供)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:大會提供