霸王芒
霸王芒

重提當年霸王硬上芒事件 Mango王秀琳再爆男主角有6次非禮前科

影視娛樂

廣告

近年已淡出娛樂圈的Mango王秀琳,上「鬼王」潘紹聰的網上節目做嘉賓,估唔到冇公開露面咁多年,網民仲好記得佢,不停留言指摘Mango拜金和屈某男星非禮等,Mango當場扯火唔順氣,自爆當年遭非禮後要啞忍的內幕,以及一個從未公開的驚天秘密……

撰文:東方新地 圖片:東方新地圖片、Mango微博圖片、尹天照微博圖片、《恐佈在線》影片截圖

Mango
近年淡出娛樂圈的Mango,上鬼王潘紹聰的網上節目做嘉賓。
Mango
Mango於01年出道,黎明同郭富城都同佢傳過緋聞,黎明更寫過歌畀佢,歌名叫《24小時》,當年Mango好出位,負面新聞不絕。

Mango要為自己平反

Mango被邀請上潘紹聰個節目《恐怖在線》本來是講有關靈異事件,最後卻演變為自己大平反,對於當年曾捲入「霸王硬上芒」事件,Mango事後被指造新聞博上位,她在節目中說:「我都唔會怪人,好多以前新聞誤會我人格,而我冇機會去解釋、平反,加上以前唔夠膽去講,就算係事實,但公司都想我講少句,等大家淡忘件事。但其實唔係咁囉,我離開咗都係咁,到你死嗰刻都係帶住呢樣嘢去死。」

Mango
非禮事件發生於04,Mango當年被經理人安排召開記者會,喊晒講述事件經過。
Mango
發生非禮事件後,Mango形象亦大受影響,她更被封過期芒、霸王芒。

Mango被網民咬住唔放

Mango在節目中被不少網民咬住唔放,留言話佢當年屈某男星非禮,Mango表示有時睇到鬧自己的留言會睇到喊,即使信了佛,仍難以放下,她還在節目中爆料說:「啲人話我冤枉某某人非禮我單新聞,講真當時自己戇居,公司幫我開記者會我只識喺度喊,唔識去解釋,因為好驚,一個女仔二十出頭,唔會生安白造,咁冇面嘅嘢。」

Mango
Mango星途麻麻,不過緋聞、戀情就未停過,被指專交富二代男友一心釣金龜,又突然變得富貴,斥過千萬開食店,財來自有方。
Mango
Mango被指當年為上位屈人非禮造新聞。
Mango
網民普通對Mango的印象都好差。
Mango
大家都覺得Mango未紅過。
Mango
有網民直指Mango當年是夜場常客。

Mango自怪當年唔識處理

Mango在節目中憶述當時情況:「當日係開鬼門關嘅日子,我喺清水灣亞視間廠拍嘢,平時劉以達同佢老婆好錫我,每次都會車我返屋企。但嗰日冇佢戲份,但嗰位演員,唔想開名,走埋嚟話收工一齊去食飯,就一齊去食消夜,嗰次係我第一次接觸呢位『男主角』。食完飯佢話住將軍澳,順路兜埋我,就成個人好快咁擒上我身上,唔係誇張,唔好話發毒誓,總之我唔會講大話,我係要求佢放我走,佢好大力壓落嚟,我係咁喊,求佢放我走,真係喊到唔敢返屋企,只搵一位好姊妹講,之後又返公司繼續開工,點知位『男主角』當冇事發生,我嗰刻真係好想殺咗佢!」

Mango
當年Mango打扮好進擊。
Mango
Mango經常被影到蒲夜店。

Mango再爆男主角係慣犯

對於被質疑事發時為何不即時去報警,Mango說:「我驚吖嘛。但後來我又覺得係喎,點解唔報警,我咪去囉,好似係藍田差館,太耐唔記得,但當時一位madam錄口供,話嗰個人喺佢哋差館有6次非禮人嘅紀錄,我真係發誓我冇講大話,但以前冇咁多天眼,衫都洗埋啦!我成日畀人去鬧去話,我已經好慘,當時細個發生呢啲事俾人話我屈佢,好慘。」而潘紹聰打圓場說:「人比鬼更加恐怖,放下啦!」

Mango
當年被捲入事件中的尹天照,曾與Mango合作拍劇。
Mango
據知當年萬綺雯公開力撐拍檔尹天照。
Mango
網民對當年的事件議論紛紛。
Mango
當年尹天照的回應都幾好笑。

男主角反指Mango造新聞

翻查當年的新聞,Mango參與過亞視《我和殭屍有個約會3永恆國度》,04年8月她聲稱遭同劇對手非禮,指對方於駕車送她回家途中,強行拖手、強吻,甚至想伸手入其衫內,四十五分鐘後她才成功逃脫。嫌疑人尹天照表示樂意與Mango當面對質,Mango最終報警,尹天照公開否認非禮她,更雙手發誓表示自己清白,直斥對方想借他提高知名度。雙方各執一詞,引發不少爭議,後來警方表示不予起訢,事件告一段落。

Mango
尹天照指只載了Mango從片廠到吃飯的地方,一段很短的路程,並與同劇演員陳寶轅的車非常接近。事後尹天照曾被帶返警署問話,一度令他形象盡毀。
Mango
尹天照近年專注在內地發展,信主後的他亦表示因宗教問題不會再拍《殭屍》系列。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地