Lolly Talk演唱會｜Day@COLLAR做嘉賓超水準演出 網民慨嘆入錯團

Lolly Talk演唱會︳Day@COLLAR＠現身跳唱 全場high爆！

人氣女團Lolly Talk昨日舉行尾場演唱會，其間唱出多首女團經典名曲，包括《明愛暗戀補習社》、《心急人上》等，後來唱到《Candy Ball》時，元祖級始創成員，現時為COLLAR成員許軼Day驚喜現身，同Lolly Talk一齊重演返當時《造星IV》自選項目《Candy Ball》，令現場氣氛high爆！咁興奮就緊係唔好俾佢停，跟住再跳唱《光之美少女》，少女感爆棚！

一齊睇昨日佢哋又跳又唱精彩片段！

Lolly Talk演唱會︳COLLARLolly Talk叱咤5強！

最後訪問中亦提及Lolly Talk首次打入叱咤我最喜愛的組合5強，至於有沒有信心得獎，她們笑言：「入圍當贏咗！」另外成團至今，她們一直被外界與《造星》出身的女團COLLAR做比較，阿妹強調：「一直不覺得COLLAR是競爭對手，反而是一齊以女團身份打拼，大家一直互相都有同伴感覺，其實見到同時入到五強，感覺好開心。」

Lolly Talk首次打

Lolly Talk演唱會︳網民：Day真係入錯團

唔少人見到Day於今次Lolly Talk演唱會表演時，都認為Day似乎更應該入Lolly Talk，因為無論係年齡、風格上似乎更適合：「Day同班靚妹跳光之美少女，先最啱數，明明上弦一，最紅係佢，浪費晒兩年，冇歌冇影冇視」、「Day回歸Lollytalk組9人團算啦」、「揀錯團」，有網民甚至認為day喺Lolly Talk演唱會搶盡風頭，似乎solo都得：「Day B其實單拖都得啦」、「風頭比Day搶曬，係ViuTV 訓練之下 舞藝比參賽時吸睛，收放自如 輕鬆，Day 好鬼索 明年輪到佢solo」、「齋講跳舞，呀Day真係跳得最好」。

周國賢唔敢同Lolly Talk太近合照！

演唱會其中一個花生位便是周國賢，因為早前周國賢被網民批評與Lolly Talk成員合照太過親密，因此在昨天合照時候，周國賢主動離8女遠一點，並笑言要避免太過親密，不然又會被人上網責罵！

周國賢熱情狂攬Lolly Talk合照

早前在《未來音樂祭2023》上合作的周國賢和Lolly Talk舞台表演過後合照留念。唔知周國賢係唔係太錫後輩，每張合照都熱情伸出雙手熊抱各LT成員。有網民發現幾位LT成員都有故意用手臂擋胸，但Yanny就疑似被周國賢用手臂壓胸，睇到網民們眼火爆！