Kayan9896
Kayan9896

24歲Kayan9896劣化大走樣 網民不滿反擊:連登仔愈踩愈紅!

影視娛樂

廣告

Kayan9896吳家忻由YouYube頻道「試當真」一手捧紅,已正式加入娛樂圈,拍劇出歌更成為廣告竉兒。近日有網民在連登討論區出post,指Kayan9896出道日子尚短但已嚴重劣化,狠批人氣只是虛火:「只係連登仔用嚟反Ca姐(Jessica)嘅工具嚟咋﹗」引起網上激烈討論!

Kayan9896 Kayan9896兩年前第一條試當真片,一片爆紅!
Kayan9896兩年前第一條試當真片,一片爆紅!(圖片來源:YouTube@試當真截圖)

被批劣化掀網民罵戰

Kayan9896吳家忻前年拍攝「試當真」短片,連登仔指出道兩年的Kayan9896「呢兩年劣化得愈嚟愈勁,初初出道靚好多,而家個樣奇怪,又瘦到全身比例好奇怪」,即有網民反擊:「你覺得奇怪啫,廣告商鍾意咪得囉」、「我反而覺得而家愈嚟愈有自己風格,又可以carry到不同造型,係新一代模特女王,藝人嚟講又夠多元化」、「大品牌鍾意喎,會唔會ching你眼光獨特咋」、「唔覺佢劣化,仲覺得佢愈來愈正,只係唔符合連登仔標準啫。」

Kayan9896 有網民開post指Kayan9896劣化。
有網民開post指Kayan9896劣化。(圖片來源:IG@kayan9896)
Kayan9896 日前出席叱咤記招,被大會拍下行紅地毯的相,被指如同照妖鏡。
日前出席叱咤記招,被大會拍下行紅地毯的相,被指如同照妖鏡。(圖片來源:IG@cr881903)
Kayan9896 靜態相變番靚女!
靜態相變番靚女!(圖片來源:IG@kayan9896)
Kayan9896 有網民指瘦了的Kayan9896身材比例變奇怪,下身粗上身瘦!更請她不要再減肥!
有網民指瘦了的Kayan9896身材比例變奇怪,下身粗上身瘦!更請她不要再減肥!(圖片來源:IG@kayan9896)

大好友力撐:你有你反,錢佢袋晒!

亦有網民指娛樂圈欠缺新血,令Kayan9896成功攝上位!「無計啦,大台嗰批完全唔掂仲要扮上菜,Kayan9896感覺胋地,呢啲叫時勢做英雄,大牌係咪都要搵人代言㗎啦,咪做到廣告女王囉」、「你有你反,周圍都見到佢代言啲廣告,錢佢就袋咗」、「佢收入應該勁過好多女藝人,今次講一講又多人留意,試當真快啲多謝樓主啦」、「行出嚟班妹豬叫得出佢個名,唔同大台嗰啲,做咗十幾年都無人識,呢啲就係人氣指標」、「連登仔鍾意阿儀,梗係踩kayan9896啦。」

Kayan9896 大牌的代言幾乎佢摷晒!
大牌嘅代言幾乎佢拎晒!(圖片來源:IG@kayan9896)
Kayan9896 Kayan9896同Jeffrey已成為廣告吸金王,曝光率超高,幾乎日日出活動。
Kayan9896同Jeffrey已成為廣告吸金王,曝光率超高,幾乎日日出活動。(圖片來源:IG@kayan9896)

「只係連登仔用嚟反Ca姐」

有不少網民指其實一直唔覺得Kayan9896靚女,亦加入爭論「賓妹樣」、「不嬲唔靚只係連登仔用嚟反Ca姐嘅工具」、「連登仔吹奏出嚟啫,一直係賓妹樣」、「佢啲歌好難聽,唱歌唔打開把口,不嬲唔鍾意佢」、「一直唔明佢點解爆到上嚟,無身材又黑」、「呢幾年啲人好奇怪,盲吹奏一輪之後突然醒番,根本由始至終都無靚過,完全無賣點」、「有冇聽過沉默的大多數?一向有大班人唔覺得佢靚,只係粉絲最惡最大聲,當有人出聲講中好似今次話佢劣化,班人先夠膽衝講自己嘅意見,你睇12鏡仔就知」。

Kayan9896 Kayan9896最愛公開拍攝前的真面目,被指夠貼地唔造作!
Kayan9896最愛公開拍攝前的真面目,被指夠貼地唔造作!(圖片來源:IG@kayan9896)
Kayan9896 成日被人話大鼻似成龍,不過Kayan9896懶理,最愛分享搞笑相!
成日被人話大鼻似成龍,不過Kayan9896懶理,最愛分享搞笑相!(圖片來源:IG@kayan9896)
Kayan9896 進軍樂壇,努力排舞!
進軍樂壇,努力排舞!(圖片來源:IG@kayan9896)

Kayan9896出道兩年成廣告女王

24歲的吳家忻畢業於城大媒體與傳播系,前年為「試當真」拍短片「唔通佢有男朋友」即受網民關注,並正式加入該頻道,更有翻版周子瑜稱號,翌年參演ViuTV重女劇 《YOLO的練習生》,並featuring MC $oHo & KidNey首《係咁先啦》歌曲,其後亦進軍樂壇,相繼推出了個人單曲《Be Around》、《Not Too Close》、《Hell No》。正式當歌手同時又拍劇,新劇有《#她和她的戀愛小動作》,同時繼續拍「試當真」片,是各大品牌的代言,過去一年已成廣告紅人。

Kayan9896 Kayan9896廣告類似乜都有,衣食住行乜都有,街頭一定見到佢代言的廣告,佢自己都忍唔住打卡。
Kayan9896廣告類似乜都有,衣食住行乜都有,街頭一定見到佢代言的廣告,佢自己都忍唔住打卡。(圖片來源:IG@kayan9896)
Kayan9896 大牌廣告代言接到手軟!
大牌廣告代言接到手軟!(圖片來源:IG@kayan9896)
Kayan9896 早前的脫毛廣告,首次水著示人!
早前的脫毛廣告,首次水著示人!(圖片來源:IG@kayan9896)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地(部分內容轉載自New Monday)圖片來源:IG@kayan9896、LIHKG 討論區截圖