JW王灝兒甩21磅細兩個碼 重回中學時期巔峰 自爆一個原因所致
JW王灝兒甩21磅細兩個碼 重回中學時期巔峰 自爆一個原因所致

JW王灝兒甩21磅細兩個碼 重回中學時期巔峰 自爆一個原因所致

JW(王灝兒)出道以來都珠圓玉潤,不過最近成個人唔同晒,面形變V身形亦明顯清減了不少,她自爆相比一年前少了21磅,重回中學時期巔峰狀態,不過JW透露無刻意減磅,而是因為…

撰文:東方新地 |圖片:JW王灝兒IG圖片、東方新地圖片

JW
JW上載了一張身穿牛仔短裙的照片,裙頭足足空出半個人的空間。
JW
JW又上載身穿小背心洗車的限時動態,明顯縮了兩個碼。

JW小背心騷Quali

JW(王灝兒)入行已經好有肉地,四年前撻著12億卓悅太子爺葉韋彤(Tarzan),一副唔憂做心態等做豪門少奶,工作量唔算多,全副精神融入男友富貴生活圈子,心體廣胖。這日她卻穿上昔日的迷你牛仔短裙,用手拉開裙頭,的確瘦足兩個碼,有近半個身形的空位;同時她又晒出以火辣小背心,配短褲上陣洗車的片段,盡騷苗條身段。

JW
修身成功的JW最近頻頻自拍。
JW
JW自爆拍劇的意外收獲是甩了21磅。

蔣家旻質疑JW之前磅數

去年開始,JW為無綫拍了《逆天奇案》及《欺詐劇團》,最近又開拍《痞子殿下》做第二女主角,她自爆身材有變是因為拍劇所致,不過好友蔣家旻就質疑:「你以前有冇咁肥呀?唔信!」JW即表示:「我成日著啲好大件嘅T恤遮住。」又笑指:「我上年年頭嘅體重真係自己都嚇親。」而好友生煎包王子蕭唯展都向JW請教瘦身方法,JW就邀請對方:「同我一齊拍劇。」

JW
JW的好友們都好大反應。
JW
楊潮凱笑指JW若在夏天拍古裝劇,兩個月後會返回小學時期的體重。

JW條路自己揀

JW一直被指等嫁,不過拍拖4年男友未有脫單計劃,至今婚期未有著落,JW惟有女人當自強,去年8月宣布加盟星夢娛樂,硬攻歌影視三棲,早前JW指自己已跟TVB加簽經理人合約,正式開始演員生活,仲話自己一直好恨拍劇。

JW
JW去年拍的《欺詐劇團》。
JW
JW與12億卓悅太子爺葉韋彤(Tarzan)拍拖4年,被指愈來愈有夫妻相。

JW被億萬男友拖婚

JW加入星夢後氣勢如虹,除了要在頒獎禮搶獎,更歌視同時發展。至今JW已有兩套劇完成拍攝,分別是《逆天奇案》及《欺詐劇團》。原本有傳JW會在《欺詐劇團》擔正女一,無綫為捧她更巴閉搵金牌監製潘嘉德回巢操刀,不過當提及男女主角人選,監製德哥卻直言:「對燈發誓,我冇份揀主角!」最終JW只擔任劇中配角,主角落實為蔣家旻。但睇嚟備受無綫力捧的JW,將來有機會可以跳過監製揀蟀一環。

JW
JW與卓悅太子爺葉韋彤經常人前放閃,拍拖四年屢傳婚,不過一直只聞樓梯響。二人不時被影到行街,之前JW身形一直保持圓潤,被指同男友襯到絕。
JW
出道十年的JW,15年離開黎明A Music轉到小型唱片公司發展,亦開始放慢演唱步伐,近年幕前演出不多,一副唔憂做姿態。過去五年最大Project,是18年1月才舉行首個紅館個人演唱會。JW更指現時體型比演唱會時更瘦﹗
JW
JW15年過檔小型唱片公司 ,推出歌曲〈矛盾一生〉在網上大受歡迎,17年與坤哥合唱〈原來只因深愛著〉,之後無以為繼。
JW
JW2019年客串無綫劇《逆天奇案》,突然事業心返晒嚟!

JW惟有寄情工作

JW近年可謂優哉游哉,經常做跟得女友陪男友出入馬場及生意應酬,不時在社交網分享同男友的家庭生活放閃,以為她快嫁人上岸,但原來JW太子爺男友仍然享受單身,至今未有結婚計劃,想升呢富貴人妻冇著落的JW,惟有寄情工作。據知情者透露:「同Tarzan(葉韋彤)拍拖之後,呢幾年JW已經冇乜事業心,寧願爭取時間陪男友,Tarzan出去生意應酬JW亦跟到實,為咗冧Tarzan又學整嘢食同陪打乒乓波,仲行埋奶奶政策,成日傍實未來奶奶出入,成個新抱仔咁款,明眼人都睇出佢有顆恨嫁嘅心,不過Tarzan就唔係咁諗,寧願同JW過吓同居生活先,搞到長期倚賴男友嘅JW,耐咗都覺得冇乜安全感,呢排仲好積極話要再衝事業㖭!」

JW
JW同卓悅太子爺拍拖生活優哉游哉,經常陪男友出入馬場,早已學定做豪門新抱。
JW
JW早已融入男友的家庭及生活圈子,今年農曆大年初一,JW在男友豪宅與男友一家團拜。
JW
JW經常陪男友在家打乒乓波。
JW
近年工作量不多,Hea爆的JW不時出埠旅遊享受生活。
JW
JW不時在男友豪宅搞party,早前更舉行泳池寵物派對。
JW
得閒拍拖行山,捕獲發哥。

雞仔聲難入咪、外形條件限制多

去年10月中JW開拍的劇集《欺詐劇團》,男主角是以部頭約回巢的敖嘉年,據知該劇演員名單還有鄭丹瑞、蔣家旻、張秀文、星夢新人劉子碩及上屆冠軍港姐黃嘉雯。不過對於毫無演出經驗的JW,外形條件限制多,有幕後爆料:「JW冇演戲經驗,又得嗰五呎高身材矮小,外形已經輸蝕,想搵男主角襯佢都唔容易,而且佢講嘢同唱歌好唔同,講嘢把雞仔聲好難入咪,如果真係拍戲,有好多嘢都要改進,無綫夾硬捧佢上都算好博!」

JW
JW去年8月初宣布加盟星夢娛樂,即在《勁歌》季選奪金曲獎,稍後還被安排唱無綫重頭劇主題曲,機會多多,氣勢已揮低一姐菊梓喬及早前加盟星夢的連詩雅。
JW
去年8月初JW大鑼大鼓宣布加入星夢娛樂,無綫出動一班星夢歌手力撐之外,還搵來大班公司監製撐場,突顯JW超然地位。

關鍵詞
JW王灝兒

最新吃喝玩樂資訊