J Music｜冼靖峰獻唱新歌自爆愛情遺憾！網民驚訝發現「全方位」抄足張敬軒

冼靖峰深情獻唱《由天台記載》 自爆歌曲暗藏愛情遺憾

在節目「來自聲聲的你」環節中，冼靖峰（Archie）現場演繹最新派台歌《由天台記載》，他以充滿感情的聲線，將歌曲中溫柔而又帶點爆發力的情感詮釋得淋漓盡致，穩定的高音技巧更盡顯功架，聽得人相當動容。談到歌曲創作意念，Archie親自解畫：「呢首歌關於愛情上面嘅遺憾，而天台就係去講呢種遺憾出嚟嘅地方。」

Archie激讚MV女主角盧映彤 爆對方為拍MV犧牲染髮

Archie在節目中更首次公開新歌《由天台記載》MV的幕後故事，原來MV女主角正是同場的女團MYNT成員盧映彤（Skylar）。Archie對這位拍檔讚不絕口，更大爆對方為了MV的一個鏡頭，竟專程去染了一頭粉紅色頭髮，敬業精神讓他非常佩服：「呢個故事講青春，Skylar 年紀輕有青春感，佢因為呢個 MV 專登去染粉紅色頭髮，非常專業。」

網民發現Archie唱腔跟足張敬軒

節目內容引起網民熱議，不少觀眾都對Archie的新歌和MV故事表示期待：「Archie啲高音真係冇得彈！新歌好好聽！」
「kylar好專業，好敬業！」，另外有網友發現Archie唱腔、表情、連小動作等跟足前輩張敬軒：「離遠睇真係好似扮緊Hins」、「佢似側田多D」、「扮咗咁多年仲扮緊」。