J2不正常愛情研究所 │ 港男慘遭知名男歌手派綠帽 靠安心出行酒店捉姦
廣告
J2台明晚（15日）11點播出《不正常愛情研究所》，由J2ers 黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持。今集研究題目係「捉姦攻略」，Koba揭露一位知名歌手做姦夫的事件，相信是《不正常愛情研究所》開播以來最爆一集。
苦主check女友安心出行去過酒店
明晚播出的《不正常愛情研究所》主題是「捉姦攻略」，今次Koba的故事最爆，既牽涉現役知名男歌手，難得是苦主的綠帽男不以為恥，反以女友同明星出軌為榮。事緣Koba有位男性友人，發覺女友經常聲稱到酒吧消遣，她說︰「朋友覺得奇怪，check女友手機嘅安心App，搵到去酒店記錄。等到女朋友再話去酒吧，朋友就去嗰間酒店樓下等。」最後見到女友親密撓住一名男子出來，當場斷正！
「個姦夫係好出名嘅男歌手」
Koba話事後男友人覺得好威威︰「因為個姦夫係好出名嘅男歌手。」現場即時起哄，紛紛要求Koba提供貼士，之後Jojo同Karen秒速估到，同時講出該歌手的特點，身份呼之欲出。到底她們得到甚麼貼士咁緊要？想知「偷食男歌手」是誰，明晚將在節目再爆料。
Jojo：個男仔被女朋友笠咗30頂綠帽
今集各位主持都有不少故事發表，好似總有一單「姦情」在附近。Jojo講的是自身經歷，前度出軌最後她憑直覺加上蛛絲馬跡，在社交媒體踢爆事件。她還分享了另一男友人的故事，她說︰「個男仔被女朋友笠咗30頂綠帽，都係唔肯分手，仲要跪喺地下同女朋友講『我知你笠咗我好多頂綠帽，但我求下你唔好走，唔好同我分手』。」Sususca深信同類事件，不會發生在自己身上，她自信說：「冇人會為第二個女人而放棄我囉！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
