植詠珊
植詠珊

ISWIM|植詠珊演Chur爆售貨員獲Edan讚 唔介意人氣輸畀阿媽媚姨

影視娛樂

廣告

由Edan(呂爵安)和Jeffrey(魏浚笙)等主演的ViuTV游水劇《ISWIM》中,日前出現了一位靚女Sales,在Edan為Miss買衫時「問題」多多,令觀眾留下深刻印象,原來這位靚女Sales叫植詠珊(Cathy),曾經同媚姨(陳月媚)以母女檔參加過ViuTV節目《阿女又戀嚟》,今次兩母女又一齊拍檔客串演出《ISWIM》,令網友都紛紛大叫好驚喜!

即睇《I SWIM》最新劇情劇透
植詠珊 I SWIM i.swim iswim 吳海昕 媚姨右)依家有份主持ViuTV節目《Auntie妳好》,分分鐘多人識過阿女!
媚姨(右)現時有份主持ViuTV節目《Auntie妳好》,仲多人識過阿女。(圖片來源:[email protected]_e_318)
植詠珊
(圖片來源:《I SWIM》截圖)

《ISWIM》Cathy植詠珊 勁讚Edan份人好好

今次客串《ISWIM》,同Edan一齊演出,植詠珊(Cathy)接受本刊記者訪問時第一句就大讚Edan份人好好,雖然拍劇時要keep住角色李馬榮cool爆的性格,但開機前後都有同Cathy傾偈,又提到有留意過《阿女又戀嚟》這個節目,講到同Cathy阿媽媚姨的對手戲時,又大讚媚姨好搞笑,Cathy仲特別提到Edan得知她已33歲時,對她說:「你唔似咁老!」真係好識𠱁人開心!

植詠珊 ISWIM Cathy指Edan話佢唔似咁老呢句係重點!
Cathy指Edan話佢唔似咁老呢句係重點!(圖片來源:受訪者提供圖片)

Cathy演技獲媚姨讚賞

今次Cathy同阿媽媚姨雖然都有份演出《ISWIM》,但Cathy透露兩人並無對手戲,而自己的戲份喇僅只一場,不過就透露媚姨仲有機會出場!Cathy還在社交網上載了一段媚姨的錄音,內容係媚姨大讚阿女的演技:「好自然,好好,好過我好多!」

植詠珊 ISWIM Cathy同媚姨分別同Edan有對手戲。
Cathy同媚姨分別同Edan有對手戲。(圖片來源:[email protected]
植詠珊 ISWIM 媚姨除咗打麻雀嘅戲份外,仲有機會出場,不過係咩劇情,Cathy就拒絕劇透。
媚姨除咗打麻雀嘅戲份外,仲有機會出場,不過係咩劇情,Cathy就拒絕劇透。(圖片來源:[email protected]_e_318)

客串電影《失衡凶間》拍檔任賢齊

講到有不少網友都大讚Cathy今次演得好自然,她表示現在正跟陳炳銓學做戲,希望可以轉型做演員。原來在拍《ISWIM》前,Cathy已拍過一部電影《失衡凶間》,都係由《ISWIM》導演馮志強執導,Cathy在其中客串一角,她笑言這次演出係做回老本行記者,雖然對白不算多,但最開心是可以和小齊哥(任賢齊)合作,仲有機會同小齊哥一齊傾計、食宵夜㖭!

植詠珊 ISWIM 之前Cathy在有線做娛樂新聞主播,現在則希望能夠轉型做演員。
之前Cathy在有線做娛樂新聞主播,現在則希望能夠轉型做演員。(圖片來源:[email protected]

人氣被反超被叫「媚姨囡囡」

現年33歲的Cathy曾做過空姐又做過報紙記者,到2018年加入有線做娛樂新聞主播,到2021年初離開有線後,與阿媽媚姨一同參加了ViuTV節目《阿女又戀嚟》,卻意外地令媚姨人氣急升,Cathy笑言她有好多朋友都好鍾意睇媚姨主持的節目《Auntie你好》:「以前啲人見到我阿媽都會叫佢做『植詠珊阿媽』,依家就變咗叫我做『媚姨囡囡』!」

植詠珊 ISWIM 小時候的Cathy和媚姨,還有阿哥。
小時候的Cathy和媚姨,還有阿哥。(圖片來源:[email protected]_e_318)

Cathy為Now體育台主持節目

雖然人氣被媚姨反超,但Cathy笑指「都係開心嘅」,而且媚姨的高人氣,亦帶挈到囡囡有更多人認識,對她的事業亦有幫助,現時她正在為Now體育台主持節目《他們的Day off》,介紹運動員們在訓練以外的日常生活,她直言雖然好想轉型做演員,但現階段她係咩都唔介意做,同時也會做足準備,等機會到來。

植詠珊 ISWIM Cathy早前都有上過媚姨主持的《Auntie你好》做嘉賓。
Cathy早前都有上過媚姨主持的《Auntie你好》做嘉賓。(圖片來源:[email protected]_e_318)

其他Cathy靚相合集:

植詠珊
(圖片來源:[email protected]
植詠珊
(圖片來源:[email protected]

撰文:東方新地圖片來源:[email protected][email protected]_e_318、受訪者提供圖片

最新吃喝玩樂資訊