Signal Wong 位已上?!《EU超時任務》感人得攪笑又得

1. 大結局深情嘅演技! 好好好好感人

一開始話唔比阿風去冒險嘅深情對白令人非常感動，但真正令人流眼淚嗰part肯定係阿風引爆炸彈救渠頭嗰度！嗚嗚～睇多次都眼濕濕。

再加上佢極痛苦嘅表情，佢表達感情表達得咁好，簡直爆哂seed！

選擇穿越返到去4月1號嘅渠頭表示為咗可以見返阿風，絕不後悔！返到去之後仲決定要幫阿風完成所有事，幫佢捉賊、捉賀展祥；又同joyce講清楚；仲要忍受阿風唔記得佢嘅苦楚，好偉大啊！

返到去見到阿風，渠頭嘅表情完全表達到嗰種「我就站在你的面前，你卻不知道我愛你」嘅感覺啊～

2. 深情得、搞笑亦得

王浩信迅速上位都咪話唔係冇原因，今次《EU超時任務》圍村村長角色表現出位搶眼，又有唔少嘅生鬼表情同搞笑嘢，大結局深情演技掂，平時生鬼對白表情都掂！

話說渠頭為咗氹返joyce而當街跳艷舞就肯定係佢搞笑事跡之一。

渠頸哥平時仲好多好生鬼誇張嘅表情，唔知點解唔覺得假，仲覺得好match～

講真《EU》裏面渠頭呢個角色同王浩信平時做開嗰啲又唔太同，可能唔係佢做開嗰種有錢仔角色，反而更加令人覺得有驚喜。就好似佢同阿風表白完之後，興奮到又跳舞又唱歌，又真係好好笑喎。

3. 上位之路

老老實實，王浩信出道以來大大話話都拍咗十幾廿套劇，紅嘅真係唔多，最有話題嘅都係佢比人摑嗰兩套：《名媛望族》同《法外風雲》。好在近年開始有位可以上，今套《EU超時任務》係繼《樓奴》後第二次做男一，今次咁收得，之後應該開始有多啲男一做啦掛～

以上截圖：MyTV

延伸閱讀：
太陽的後裔 「綁鞋帶」紙板登陸香港 粉絲們有福了!
剩女也很光榮! SK-II新片感動全國單身女性！