ERROR自爆96小時
ERROR自爆96小時

ERROR自爆96小時|193郭嘉駿為乜又喊?重提「153事件」情緒大爆發!

影視娛樂

廣告

《ERROR自爆96小時》播出兩集,193郭嘉駿就喊足兩集,先為鍾意佢嘅粉絲受屈辱而喊,盡訴心中情希望喜歡自己的人不會被取笑,至於第二集,193就為了153曾志偉而喊,去年因為一句「J2係做咩?冇記錯係咪40幾歲仲話後生仔傾偈嗰個?」,又直呼無綫觀眾為「老嘢」,結果193因為敢言而人氣急升,但原來他一直為此事耿耿於懷,在節目中更情緒大爆發,沉殿過後193解釋當時自己並非針對曾志偉,更承認是一時衝動。

ERROR演唱會2022
ERROR自爆96小時 193 第一集節目中,193為了他的粉絲而喊。
第一集節目中,193為了他的粉絲而喊。(圖片來源:ViuTV影片截圖)

193去年反擊曾志偉一句而紅

193郭家駿@ERROR在去年無綫和ViuTV兩台電視大戰勢成水火時,因為反擊曾志偉評ViuTV收視只能媲美 J2,193不甘示弱反擊說「J2係做咩?冇記錯係咪40幾歲仲話後生仔傾偈嗰個?」仲稱呼無綫的觀眾為「老嘢」,結果引來兩極的批評,不過193人氣亦因此而急升。

ERROR自爆96小時 193 193在ERROR中最敢言,人氣也升得最快。
193在ERROR中最敢言,人氣也升得最快。(圖片來源:IG@deniskwok193)
ERROR自爆96小時 193 193在這集除了喊,仲表演騎厘舞姿。
193在這集除了喊,仲表演騎呢舞姿。(圖片來源:ViuTV影片截圖)

曾公開堅持率直個性

理直氣壯的193事後曾接受傳媒訪問,表示不怕見到無綫人會尷尬,甚至最想見到的無綫人是曾志偉,想親口對他說絕對唔係鬧任何人。當時亦有不少長輩批評193為人太囂張、對人沒禮貌、193回應時否認自己是寸嘴,只是性格直率。

ERROR自爆96小時 193
(圖片來源:ViuTV影片截圖)
ERROR自爆96小時 193
(圖片來源:ViuTV影片截圖)

節目中重提「153事件」

經過一年的沉殿,193其實成熟了不少,昨晚播出的《ERROR自爆96小時》第2集,導演問193是否自從「153事件」後人生有了突變?193說:「係呀!好大轉變,我嘅人生同事業都唔用晒,其實我想講番點解會有153事件,我係輕佻,係好無禮咁講嗰兩句說話出嚟,因為嗰日睇完口罩小姐綵排,佢哋表演得好差…我好嬲,我唔係針對住曾生講,我只不過針對住…我係我個台嘅藝人,我覺得我台拍嘅節目好好睇,我想維護我個台……你唔可以話我哋係小眾囉!你唔可以用你嘅觀點去話我個台唔好囉!」

ERROR自爆96小時 193
(圖片來源:ViuTV影片截圖)
ERROR自爆96小時 193
(圖片來源:ViuTV影片截圖)

193心痛同事為工作不眠不休

193愈講愈激動,仲崩潰爆喊續說:「我唔係針對一個人,我係針對緊嗰一句說話批評我哋個台…我入咗嚟幾年,好多人好努力做嘢…一日返廿幾個鐘工,喺公司瞓,所以嗰刻我聽到佢話冇人睇我哋,我好嬲,想維護我台先衝口而出,我都知我講錯咗…我真係唔係針對,佢係長輩,因為傳媒炒作,覺得我矛頭指向某一個人,我知澄清冇用…」

ERROR自爆96小時 193
(圖片來源:ViuTV影片截圖)
ERROR自爆96小時 193
(圖片來源:ViuTV影片截圖)

ERROR兄弟撐到底

193喊住解釋全因想維護自己公司,唔單止感動網民表示更加支持193的,ERROR其餘三子亦向193表明心跡,就算他繼續衝動出事都會繼續撐兄弟,保錡仲話冇晒廣告都唔緊要,真係四兄弟一條心。

ERROR自爆96小時 193
(圖片來源:ViuTV影片截圖)
ERROR自爆96小時 193
(圖片來源:ViuTV影片截圖)
ERROR自爆96小時 193
(圖片來源:ViuTV影片截圖)
ERROR自爆96小時 193
(圖片來源:ViuTV影片截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:ViuTV影片截圖、IG@deniskwok193