error 開騷
error 開騷

ERROR海報涉抄襲 本地Rapper組合The Low Mays咬住唔放+同花姐早有牙齒印+中回力鏢!

影視娛樂

廣告

ERROR日前(21日)公佈下月16-18日在九展舉行「明星生活ERROR Live Show 2022」,被網民指控Live Show名與本地Rapper組合「米奇老味神奇屋」(The Low Mays)去年推出的歌曲《明星生活》撞名,米奇老味更連出多個IG Story轟ERROR涉抄襲!

error 開騷 ERROR昨日21日)公佈下月16-18日在九展舉行「明星生活ERROR Live Show 2022」
ERROR公佈下月16-18日在九展舉行「明星生活ERROR Live Show 2022」,海報設計捲抄襲風波。(圖片來源:FB@ERROR)
error 開騷 而本地Rapper組合The Low Mays即時連出多個IG Story狂轟ERROR抄襲。
而本地Rapper組合The Low Mays即時連出多個IG Story狂轟ERROR抄襲。(圖片來源:IG@thelowmays)

The Low Mays:唔好抄成咁啦

ERROR在社交網公佈消息:「出歌、拍劇、自肥,試過。死亡行星、地陷、成身曱甴,都試過。經歷過高低起跌,ERROR終於再次開show,話你知ERROR式明星生活!」四子在海報中擺出chok爆甫士,其他人舉機拍攝。而本地Rapper組合The Low Mays即時連出多個IG Story狂轟ERROR抄襲:「點解冇人同我講ERROR想幫我哋搞返場演唱會」、「大佬你抄我哋功課,都唔好抄成咁啦」、「真係無橋到要抄咩」。米奇老味去年推出歌曲《明星生活》,並以《人生贏家2:明星生活》為名出專輯,封面主題為各成員在後台的眾生相。

error 開騷
(圖片來源:IG@thelowmays)

網民:有冇尊重過老味

TheLowMays繼續投訴:「ERROR完全冇問過我哋就直接用咗我哋《明星生活》呢條橋。下次抄咗功課,記得要改咗先交。」甚至連以往與ERROR合作無間的Mike導都有畀like。有fans戥米奇老味不值,到ERROR IG聲討:「原來人哋唔知情嘅。係咪真係要做到咁肉酸?」、「咁樣抄人,有冇尊重過老味… 本身想支持都支持唔落。」、「第一眼仲以為老味開演唱會。」、「以為你哋一齊搞」、「直頭以為佢哋問準咗你哋用」、「仲以為佢哋係特登向你哋致敬」。

error 開騷 網民對抄襲事件反應兩極,有心水清網民記得MIRROR亦曾捲海報抄襲風波。
網民對抄襲事件反應兩極,有心水清網民記得MIRROR亦曾捲海報抄襲風波。(圖片來源:FB留言區)
error 開騷
(圖片來源:IG@thelowmays)

網民撐ERROR:「明星生活」四字相當普通

但亦有網民指「明星生活」四字相當普通:「即真係明星的不可以講自己的明星生活嗎?」、「除咗撞名有邊忽抄?人哋張poster靚好多wor,係咪以後唔用得『明星生活』四個字,同『見字飲水』一樣」、「除咗明星生活四個字之外有咩係一樣?可唔可以具體講下?唔好咁癲啦」。而1960年就曾有一本影集名為「明星生活」,又有一款手機遊戲採用了「明星生活」四字,難怪不少網民認為今次純粹撞名,並沒有牽涉任何抄襲成份。

error 開騷
(圖片來源:IG@thelowmays)
error 開騷 網民反而指米奇老味神奇屋抄迪士尼。
網民反而指米奇老味神奇屋抄迪士尼。(圖片來源:FB留言區)

The Low Mays與ViuTV早有牙齒印

事實上,The Low Mays與ViuTV早有牙齒印,成員之一的蜜蜂翁曾經報名《全民造星II》,當時蜜蜂翁曾出post表示自己被監製花姐寸:「以為佢想叫我做過(個)明星評判,點知比(俾)人點咗上佢個垃圾節目唱歌跳舞!花姐仲要睇睇下我嘅CV個陣中途走咗,話我啲歌冇可能有超過五百萬人聽。要求《全民造星》公開同我道歉。」

error 開騷 The Low Mays與ViuTV早有牙齒印,成員之一的蜜蜂翁曾經報名《全民造星II》,當時蜜蜂翁曾出post表示自己被監製花姐寸。
The Low Mays與ViuTV早有牙齒印,成員之一的蜜蜂翁曾經報名《全民造星II》,當時蜜蜂翁曾出post表示自己被監製花姐寸。(圖片來源:IG@The Low Mays)

花姐疑不滿蜜蜂翁態度輕佻

《造星II》播出時亦有輯錄蜜蜂翁面試片段,蜜蜂翁稱參賽原因是:「被人屈、被人玩。」、「明星fans叫我嚟就嚟。」花姐疑不滿蜜蜂翁態度輕佻,拋下一句︰「好,你要玩,我就同你玩,Play隻歌畀佢唱。」未等到蜜蜂翁開口唱她已起身走人。面對蜜蜂翁的舞姿,旁白君說:「我哋節目雖然係騎呢咗啲,不過連基本尊重都冇,我諗我哋真係高攀唔起你喇。」

MIRROR團歌《We All Are》海報啡色主調及佈局極相似

其實MIRROR 10月推出新團歌《We All Are》,已有網民發現MIRROR的宣傳海報與韓團BTS(防彈少年團)在2020年拍攝的一個電動車廣告照十分相似。在BTS的電動車廣告照中,背景同樣是天空,但色調與MIRROR的海報照有所不同,而在BTS七位成員中,有3位同樣或站或坐在台階上,而成員們的衣著亦大都是以啡色為主調的西裝打扮,所以整體感覺十分相似,令網民質疑MIRROR今次的宣傳海報是否向BTS「致敬」。

error 開騷 MIRROR復出 MIRROR MIRROR新歌《We Are All》海報公開。
MIRROR今年出團歌《We Are All》海報公開。(圖片來源:[email protected]
error 開騷 MIRROR復出 MIRROR BTS在2020年拍攝的廣告照。
BTS在2020年拍攝的廣告照。(圖片來源:廣告官方圖片)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:FB@ERROR、IG@thelowmays資料或影片來源:原文刊於東方新地