error肥仔
error肥仔

ERROR肥仔女朋友宣布分手!肥仔正式回復單身 慘被七仙羽一語成讖

影視娛樂

廣告

近期因《ERROR自肥企画》再次人氣超爆發嘅「ERROR」,四子無論工作或感情事都備受大眾矚目,早前在節目中爆喊落淚的肥仔(梁業),原來日前跟初戀女朋友分手回復單身,到底係咩一回事?同七仙羽之前話撮合肥仔同娟仔(練美娟)又有冇關係?

編輯:東方新地|圖片:肥仔@IG、陳志雲網上節目截圖、《晚吹-今晚有酒吹》電視截圖、阿芬Facebook|原文:新Monday

ERROR肥仔正式回復單身

肥仔跟拍拖8年的初戀女友「阿芬」在舞蹈學會認識,二人曾分開過一段時間再復合。早前肥仔上陳志雲的節目,陳志雲笑言會免費做肥仔的婚禮司儀,又指「鋼琴王子」陳雋騫都會幫手搞現場音樂,肥仔當時回應:「好勁嘅助攻,好進擊!但我過唔到自己嗰關,希望事業有成先結婚,現在還可以,但希望可以再好啲」。

ERROR
肥仔上陳志雲的節目,講家庭講事業講女友,事後被網民大讚是好男人。
ERROR
肥仔被網友大讚。

肥仔事業起飛失去愛情

近年肥仔為事業拼博,與女友阿芬聚少離多,估唔到上完陳志雲節目一個月,與肥仔拍拖8年的初戀女友「阿芬」竟在facebook中宣布跟肥仔經已分開。

ERROR
肥仔與拍拖8年的初戀女友阿芬曾分開再復合,由肥仔參加《造星》開始,阿芬都在背後默默支持他。
ERROR
阿芬在她的fb宣布與肥仔分開了,表示因了解而分開。

網民感惋惜

外界一直都對肥仔與阿芬的戀情非常看好,再加上二人曾分開再復合,所以不少粉絲、網民都覺得今次分開很可惜,不過亦在阿芬的fb留言表示支持二人的決定,送上祝福。

ERROR
「阿芬」與肥仔經歷過8年的風風雨雨。

七師傅一早洩露玄機

事後有網民回憶之前七仙羽七師傅上ViuTV的節目醉酒後想幫肥仔搵女朋友,才驚覺分開原來早已有先兆。七師傅早前在《晚吹─今晚有酒吹》被娟姐爆料:「七師傅上次話要介紹位李先生畀我識,到依家都未有,仲未找數﹗」在旁的七師傅被娟姐質問,表現淡定話已經搵到適合對象介紹給娟姐,娟姐反問:「吓﹗你搵咗喇﹗你自己搵到,但唔話我知,哈哈哈﹗」

七師傅讚娟姐係單純潘金蓮 找數撮合同ERROER成員
娟姐聽到七師傅已為她找到合適的對象,原來是ERROR的肥仔,感到相當驚喜﹗
七師傅讚娟姐係單純潘金蓮 找數撮合同ERROER成員
大家聽到七師傅想撮合娟姐同ERROR肥仔都表示驚訝,嘉賓石詠莉更嚇到擘大個口。

七師傅話要撮合娟姐同肥仔

七師傅繼續氣定神閒話:「我搵到喇,吖﹗嗰個咩,嗰個ERROR個肥仔,一個武大郎,一個係潘金聯(蓮)(指住娟姐)一個單純嘅潘金蓮、一個專一嘅潘金蓮﹗」全場爆笑指未聽過潘金蓮可以用「單純」來形容。

七師傅讚娟姐係單純潘金蓮 找數撮合同ERROER成員
主持之一的詩詩都笑到停唔到:「第一次聽人用單純去形容潘金蓮﹗」

七師傅揚言:肥仔hold(吼)住娟姐好耐﹗

強尼笑住話:「娟姐肯做潘金蓮,但係肥仔未必肯做武大郎﹗」七師傅立即解答:「問咗肥仔意願喇,喺化妝間﹗肥仔佢一早Hold(吼)住咗好耐,不過呢排佢好忙,日日都唱歌,忙住唱〈呢啲(lady)Killer〉,所以冇時間去識女仔﹗」七師傅定睛望住娟姐胸部話:「肥仔留意咗你好耐,見到你覺得你幾好,肥仔都有意思,因為肥仔嘅搵錢能力高﹗」大家笑到收唔到科。由此可見七師傅極有可能早已知肥仔分手一事。

七師傅讚娟姐係單純潘金蓮 找數撮合同ERROER成員
七師傅的「譚仔腔」繼續為大家帶來笑料,將肥仔首歌〈 Lady Killer〉講成〈呢啲Killer〉,全場爆笑﹗
七師傅讚娟姐係單純潘金蓮 找數撮合同ERROER成員
七師傅話肥仔留意咗娟姐好耐,講時一直望住娟姐胸部。

超錫肥仔的初戀女朋友

早在《全民造星》被視為「黑馬」的肥仔,雖然最後以拉丁舞驚喜演出獲大讚,可惜最後仍在比賽中落敗。當時女友阿芬亦在到場打氣,在節目結束後在觀眾席忍不住哭了。肥仔亦曾在節目《辣伙頭》中大爆女朋友雖然廚藝差,不過亦曾為肥仔用心下廚足足兩小時慶祝情人節。而在「分訊」中,阿芬仍大方表示希望大家繼續支持ERROR。

ERROR
在朋友眼中,肥仔與阿芬非常合襯,而阿芬更是順得女友。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
Error肥仔
資料或影片來源:原文刊於NewMonday