ERROR 愛情值日生
ERROR 愛情值日生

ERROR《愛情值日生》MV 謝安琪張繼聰8年後再度同框 夫妻轉投ViuTV男拍劇女拍MV

影視娛樂

廣告

ERROR新歌《愛情值日生》MV在情人節四日後(2月14+4)上架,新歌以80年代情懷做背景,不但找來黃偉文填詞,MV女主角亦終於開估,原來係人妻謝安琪,4分53秒的MV後段仲有張繼聰飾演佢哋嘅情敵,今次係「張氏夫妻」自2014年之後再度幕前合體!

ERROR 今次是講述四子冧阿Kay嘅故事。
今次是講述四子冧阿Kay嘅故事。(圖片來源:MV截圖)

ERROR四子情迷44歲謝安琪

MV入面四子完全唔介意各自冧阿Kay,每人負責星期一至四輪流做兵,但係每逢五六日就點都聯絡唔到對方。結果去到MV尾聲揭盅,發現原來有「第五人」包辦五六日,佢就係現實「正印」張繼聰。呢次仲係佢地兩夫婦首次同框拍MV,ERROR都好榮幸,攞咗佢地嘅第一次!其中保錡在IG就分享了在大埔邂逅謝安琪和張繼聰的故事:

ERROR 保錡就最多福利喇!
同是「大埔友」,保錡就最多福利喇!(圖片來源:[email protected]

人生中最意想不到能夠跟你們有合作機會
還記得我在大埔中心0264賣袋的時候
看見你們 我還衝上去找你們合照
我自己來說是一件非常感動的事

還記得有一次歌唱比賽完了後
又輸了
在回家途中聽著 3/8
一路聽眼淚不禁流下來

ERROR 肥仔又拖手,
肥仔又拖手,(圖片來源:MV截圖)
ERROR 又拍心口!
又拍心口!(圖片來源:MV截圖)

ERROR三子輪流肌膚之親 惟獨193無份

Kay仲喺IG度留言,話喺錯仔身上搵到「戀愛嘅感覺」,雖然自己唔係七師傅,但都希望透過呢個MV帶到快樂能量俾大家!不過今次阿Kay唔只發放正能量,仲向三子派福利有肌膚之親!惟獨193就因為飾演「電車男」而要保持距離,蝕晒喇。

ERROR Dee哥都有得拖手仔。
Dee哥都有得拖手仔。(圖片來源:MV截圖)
ERROR 193就距離最遠。
193就距離最遠。(圖片來源:[email protected]
ERROR 都叫有掂吓膊頭嘅!
都叫有掂吓膊頭嘅!(圖片來源:MV截圖)

張繼聰驚喜現身相隔8年再同框演出

張繼聰在MV片尾出現,原來對上一次「張氏夫妻」喺螢光幕上同框,已經係講緊2014年播出嘅TVB劇集《老表,你好hea!》,當時張繼聰仲自嘲形容謝安琪老公係「廢柴」,片段多年來在網上廣泛流傳⋯⋯近年夫妻二人絕少現身TVB(去年為宣傳抗疫電影張繼聰罕有再度踏足電視城),今次高調參與ERROR MV只係第一炮:

ERROR 張繼聰、謝安琪夫妻同框。
張繼聰、謝安琪夫妻同框。(圖片來源:MV截圖)
ERROR 仲有張繼聰初出道嘅相!超經典!
仲有張繼聰初出道嘅相!超經典!(圖片來源:MV截圖)

重溫當年劇集同場一幕:

ERROR 原來對上一次喺螢光幕上同框,已經係講緊2014年播出嘅TVB劇集《老表,你好hea!》
原來對上一次喺螢光幕上同框,已經係講緊2014年播出嘅TVB劇集《老表,你好hea!》(圖片來源:TVBUSA)
ERROR 「謝安琪BB」飾演自己,忽然現身天橋底派飯畀露宿者。
「謝安琪BB」飾演自己,忽然現身天橋底派飯畀露宿者。(圖片來源:TVBUSA)
ERROR 謝安琪身穿性感連身裙,被一班無家者包圍。
謝安琪身穿性感連身裙,被一班無家者包圍。(圖片來源:TVBUSA)
ERROR 呼應網民的奚落,親口自嘲「佢老公係廢柴!」
呼應網民的奚落,親口自嘲「佢老公係廢柴!」(圖片來源:TVBUSA)
ERROR 劇情講張繼聰都係「謝安琪BB」的Fans,但全場戲二人並無交流,謝安琪刻意眼尾都無望張繼聰一眼。
劇情講張繼聰都係「謝安琪BB」的Fans,但全場戲二人並無交流,謝安琪刻意眼尾都無望張繼聰一眼。(圖片來源:TVBUSA)

張繼聰帶老婆探班 深入ViuTV劇組

張繼聰最近忙於拍攝ViuTV劇集《季前賽》,飾演籃球教練,日日與193、Edan及姜濤練波,合作無間!而張繼聰在IG亦有張貼謝安琪親訪籃球場探班的畫面,未知會否客串一角?!

ERROR 六人並列,原來謝安琪同肥仔高度相若!
六人並列,原來謝安琪同肥仔高度相若!(圖片來源:[email protected]
ERROR 張繼聰最近忙於拍攝ViuTV劇集《季前賽》,與193、Edan及姜濤都有合作!
張繼聰最近忙於拍攝ViuTV劇集《季前賽》,與193、Edan及姜濤都有合作!(圖片來源:[email protected]

MV《愛情值日生》以2000年代作為背景

ERROR 西九龍中心係必要的場景!
西九龍中心係必要的場景!(圖片來源:[email protected]_p0k1)

而ERROR新歌MV以2000年代作為背景,除左喺最能代表當年拍拖勝地嘅商場同機舖拍攝外,畫面上出現過嘅電話、CD機等,都令成個畫面充斥住千禧世代嘅戀愛氣味!而肥仔仲變身當年台灣偶像劇帥哥;阿Dee就成個韓劇《藍色生死戀》嘅Oppa一樣;193搖身一變成日系電車男;而保錡就十足Local MK仔!保錡仲話MV呢個Look,同佢當年個樣似足9成,而且拍攝過程勾返起佢細個做屋村仔時嘅回憶,「So proud to be 90後MK叔!」

常見問題

ERROR新歌《愛情值日生》MV有什麼看點?

MV中謝安琪分別與4位成員談戀愛,MV的主題亦大玩懷舊以2000年代作背景…詳情請看

張繼聰最近有拍新劇嗎?

張繼聰最近忙於拍攝ViuTV劇集《季前賽》,劇中飾演…詳情請看

撰文:東方新地圖片來源:MV截圖、[email protected][email protected]、TVBUSA資料或影片來源:ERROR、TVBUSA

最新吃喝玩樂資訊