ERROR自爆96小時
ERROR自爆96小時

ERROR自爆96小時|四子爆粗狂被「嘟」網民跪求粗口完整版 開騷請埋MIRROR?

影視娛樂

廣告

繼去年5月播出的《ERROR自肥企画》,ERROR終於拍攝新節目《ERROR自爆96小時》,這個節目即將在11月13日起逢星期日晚上8時半在ViuTV播出,硬撼TVB遊戲節目《開心無敵獎門人》,不過定檔在合家歡時段出街,卻令經常爆粗的ERROR成員都被「嘟」消音,因此有不少網民都跪求ViuTV推出網上完整版!

ERROR ViuTV新節目《ERROR自爆96小時》,紀錄了久未合體的ERROR四位成員,在遊艇上度過的4日3夜。
ViuTV新節目《ERROR自爆96小時》,紀錄了久未合體的ERROR四位成員,在遊艇上度過的4日3夜。(圖片來源:[email protected]

《ERROR自爆96小時》肥仔被指有早到問題

ERROR四子肥仔(梁業)、Dee哥(何啟華)、保錡(吳保錡)和193(郭嘉駿)今日(11月9日)召開記者會,為即將播出的節目《ERROR自爆96小時》宣傳,初出場肥仔好正經地講到下個月係ERROR成軍四周年,有好多歡樂同患難,Dee哥就以今次的4日遊艇之旅作比喻,指落船的時候成個人好飄。

ERROR自爆96小時 ERROR 節目將一連3個星期播出。
節目將一連3個星期播出。(圖片來源:[email protected]

之後肥仔指有人遲到,卻反被保錡和193圍攻,193更講到肥仔的早到問題好嚴重!他指準時的意思是Call七點就要七點正到,而肥仔早到就令化妝師同髮型師等都好大壓力,導致情緒低落,因此認為他有強逼症,應該去睇醫生!

ERROR自爆96小時 ERROR 肥仔被保錡和193圍插有早到問題。
肥仔被保錡和193圍插有早到問題。(圖片來源:[email protected]

保錡爆船上痾屎飄移兼反彈

ERROR自爆96小時 ERROR 肥仔被踢爆在節目中最赤裸,連他自己都話拍節目嗰陣冇著褲!
肥仔被踢爆在節目中最赤裸,經常只著四角底!(圖片來源:[email protected]

講到大家的優點方面,保錡就大讚肥仔經常請大家食好西,包括鮑魚、杏鮑菇等。肥仔就讚即使在船上點搖,Dee哥都仍然可以捉住化妝師一路搖一路對戲。Dee哥就自爆自己個鬧鐘由《ERROR遊》到現在都無換個,一早就響個幾鐘,嘈醒晒成間房的人,被193鬧人渣!而保錡就大爆在船上連痾屎都係飄移住痾,啲屎仲會反彈返上嚟!

ERROR自爆96小時 ERROR 193就被爆喺節目喊得最勁,喊足廿次!
193就被爆喺節目喊得最勁,喊足廿次!(圖片來源:[email protected]

193話唔介意收投訴

四子又講到拍攝的趣事係大家要不斷互相提醒節目係8點半播出,而嘉賓葛民輝係每一樣嘢都會變11點半。講到節目在禮拜日8點半播出,要受政府監管唔畀講粗口,193就話佢哋唔介意收投訴,但公司介意,又指這個節目比較靜態,唔鍾意ERROR的話會覺得超悶,所以要鍾意ERROR先好睇。不過之後Dee哥亦有補鑊,指這個節目其實好好笑,絕對唔悶㗎!

ERROR自爆96小時 ERROR 節目嘉賓有P1X3L。
節目嘉賓有P1X3L。(圖片來源:[email protected]
ERROR自爆96小時 ERROR 仲有葛民輝。
仲有葛民輝。(圖片來源:[email protected]

網民:擺明向153挑機

網民紛紛留言跪求ViuTV推出節目旳網上完整版,表示:「想睇啲唔出得街嘅對話」、「跪求無打格同無嘟版」、「將ERROR嘅綜藝擺八點半出街,本身就係一個ERROR嚟」、「會唔會成集都嘟嘟嘟」、「想要足本版」等等,亦有網民猜測節目放在8點半播出的原因,指「放8點半,擺明向153挑機」。

ERROR四位成員就表示從來無驚過節目內容出唔到街,因為要拍的都已經拍了,之後就係靠導演的功力,要睇佢剪成點,所以要驚的是導演!Dee哥又形容今次是他們拍過最真人騷的真人騷,保錡指他們是由內到外赤裸地呈現畀觀眾睇,193就話這是一個很慢的節目,而非嘩眾取寵的節目。

ERROR自爆96小時 ERROR 導演要不停提醒ERROR節目係8點半出街!
導演要不停提醒ERROR節目係8點半出街!(圖片來源:[email protected]

拒請MIRROR做嘉賓

此外ERROR又直指這個節目是為了宣傳他們接下來一連三場的九展演唱會,在記者會上,他們就公布了演唱會將於12月16至18日晚上8時15分舉行,但以他們的性格應該會遲到,觀眾可自行調節時間入場。他們又透露近日忙於拍劇,尚未有時間為演唱會進行排練,嘉賓方面,肥仔話真心想請郭富城,但之後193和Dee哥就愈講愈大,話想請G-dragon、岩士唐,甚至問米請Michael Jackson做嘉賓。但Dee哥就堅決話不會請MIRROR,因為看不起他們,但之後又話係肥仔叫他講的。193就指自己好尊重MIRROR每一位成員,無論上弦或下弦也是。

ERROR自爆96小時 ERROR ERROR公布了演唱會的舉行日期。
ERROR公布了演唱會的舉行日期。(圖片來源:[email protected]

保錡呼籲粉絲丟肚兜上台

期間193就搞笑叫粉絲可以帶Bra丟上舞台,保錡即刻叫佢唔好抄人,不如改丟肚兜,肥仔就提議丟紙底褲,點知保錡話紙底褲丟唔到上台,不如丟M巾!結果獲得193附議,話到時可以拍M巾廣告。保錡反而指丟M巾清潔費最貴,改為提議肥仔可以丟奶粉,因為佢好「撞得」!又再次提議粉絲可以丟肚兜給他,因為他好喜歡哪吒那款肚兜。Dee哥就話希望不要被人丟。193就話想大家丟金銀元寶上來,大叫「燒畀你」。保錡笑言以為丟金銀珠寶,意思係可以提早退休。193笑指紙紥公仔也可,丟女仔給我。不過太大不能入場,迷你就可以。

ERROR自爆96小時 ERROR 仲要193著住肚兜企喺車來車往的馬路邊。
193曾在節目《七福星》中著肚兜上陣。(圖片來源:《七福星》圖片)
ERROR自爆96小時 ERROR 為增廣告吸金力,保錡不惜親自戴Bra,仲連戴兩個。
保錡就連戴兩個Bra。(圖片來源:《七福星》圖片)

《ERROR自爆96小時》要不停嘟嘟嘟?

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節應如何選購禮物給伴侶?

情人節快來臨,揀好禮物未呢?小編為各位錫伴侶的讀者精選出18大實用情人節禮物2023女朋友篇男朋友篇推介,平價及名牌都有!另外,不少酒店及餅店都有推出情人節朱古力禮盒,例如半島酒店、GODIVA、Venchi等,而MUJI更推出自製朱古力DIY,手殘男女也能做到!即看:情人節朱古力禮盒2023。想自己動動手的朋友們有福了,大家可以在家跟著情人節甜品食譜,自我製造「多巴胺」。

撰文:東方新地圖片來源:[email protected][email protected]

最新吃喝玩樂資訊