error演唱會 尾場
error演唱會 尾場

ERROR演唱會|尾場肥仔孖WinWin合唱惹負評、193道歉被健吾起新朵

影視娛樂

廣告

ERROR一連四場《明星生活ERROR Live Show 2022》已圓滿結束,12月19日(星期一)尾場上,ERROR搵來古巨基擔任壓軸嘉賓,全場大合唱《勁歌金曲》,氣氛超熱烈!不過同一場中和肥仔合作跳唱的嘉賓Win Win,就引來不少網民負評!

error演唱會 尾場 ERROR演唱會 ERROR 古巨基在尾場Encore部份驚喜現身,令全場氣氛High爆!
古巨基在尾場Encore部份驚喜現身,令全場氣氛High爆!(圖片來源:ERROR演唱會發相)

ERROR演唱會尾場:古巨基承諾為ERROR做串燒歌監製

古巨基一出場就同ERROR四子合唱《勁歌金曲》,令網民都大嗌好驚喜!基仔笑指今次為ERROR尾場擔任嘉賓,是因為Do姐鄭裕玲、黃子華、張家輝和他老婆Lorraine的關係。基仔又多謝ERROR為大家帶來好多歡樂,仲搞笑話《勁歌金曲》係上一代樂壇的總結,希望ERROR可以出返首串燒歌去總結當今樂壇,並承諾會幫ERROR做監製!

error演唱會 尾場 ERROR演唱會 ERROR 基仔仲喺台上大擺心心手勢!
基仔仲喺台上大擺心心手勢!(圖片來源:ERROR演唱會發相)

肥仔踢爆邀請古巨基真正原因

基仔承諾幫ERROR做串燒歌監製,事後ERROR四人都話超Surprise和期待,肥仔仲感慨話以前四人無被人當係歌手,依家有種被肯定的感覺。不過阿Dee自爆原來當初邀請基仔做嘉賓,只是想像唱K一樣佔時間,於是想起了《勁歌金曲》這首歌,可以做到全場大合唱,再請埋古Sir,咁一定冇得輸!最後肥仔再加一句「真話」踢爆:「其實我哋好膚淺,淨係諗住請晒啲大星過嚟!」

error演唱會 尾場 ERROR演唱會 ERROR 肥仔踢爆話請基仔做嘉賓,係因為想請晒啲大星過嚟!
肥仔踢爆話請基仔做嘉賓,係因為想請晒啲大星過嚟!(圖片來源:ERROR演唱會發相)

肥仔跳足四場冇晒力

訪問中保錡、肥仔同阿Dee又講到開四場演唱會已「夠晒皮」,因為每場的體力消耗都十分巨大,肥仔話已經跳到冇力,Dee更話精神壓力好大,只得193話未夠喉,他解釋話因為每日都覺得可以做好啲,更話自己仲係「鞭鞭有力」!

error演唱會 尾場 ERROR演唱會 ERROR 只開四場演唱會193話未夠喉。
只開四場演唱會193話未夠喉。(圖片來源:YouTube@Viu1 HK)

連肥仔跳舞都有人派嬲:連Headsets都冇

講到跳了9分鐘郭富城Medley舞蹈,肥仔話細細個已經好鍾意城城的舞曲,而且他擔心ERROR要三年才能開一次騷,但三年過後他未必再夠體力跳足9分鐘舞,所以才選擇在今次搏到盡!不過有網民就批評肥仔跳舞得但唱歌唔得,亦有網民指他跳舞時慳錢到連Headsets都冇,要揸住支咪跳,好影響發揮。

error演唱會 尾場 ERROR演唱會 ERROR 肥仔跳足9分鐘郭富城舞曲。
肥仔跳足9分鐘郭富城舞曲。(圖片來源:ERROR演唱會發相)

WinWin跳唱變廁所位、阿Dee棟篤笑唔好笑

演唱會尾場肥仔更孖WinWin(楊安妮)合作表演跳唱,雖然WinWin跳舞獲得不少讚賞,但唱歌方面,網民都指她唱到走晒音,不少睇直播的網民都話頂唔順,令這part變成廁所位!此外阿Dee的棟篤笑亦有網民批評笑唔出!

error演唱會 尾場 ERROR演唱會 ERROR WinWin孖肥仔表演跳唱,被網民狠批唱到走晒音。
WinWin孖肥仔表演跳唱,被網民狠批唱到走晒音。(圖片來源:ERROR演唱會發相)
error演唱會 尾場 ERROR演唱會 ERROR
(圖片來源:連登留言截圖)
error演唱會 尾場 ERROR演唱會 ERROR 阿Dee的棟篤笑就被網民批評笑唔出。
阿Dee的棟篤笑就被網民批評笑唔出。(圖片來源:IG@esthersundiary)
error演唱會 尾場 ERROR演唱會 ERROR 尾場演唱會嘉賓仲有小肥。
尾場演唱會嘉賓仲有小肥。(圖片來源:ERROR演唱會發相)

之前3場嘉賓有Heidi、欣宜

睇翻之前的3場ERROR演唱會,首場嘉賓有Super Girls成員Heidi(李靜儀)和鄭欣宜,第二場有「黑仔」姜皓文,第三場則有謝安琪和張繼聰。

error演唱會 尾場 ERROR演唱會 ERROR 保錡視嘉賓Heidi為女神,想同佢拼個心出嚟,不過Heidi淨係畀咗隻手指公佢。
保錡視嘉賓Heidi為女神,想同佢拼個心出嚟,不過Heidi淨係畀咗隻手指公佢。(圖片來源:ERROR演唱會發相)
error演唱會 尾場 ERROR演唱會 ERROR 首場壓軸嘉賓為鄭欣宜,她將蝴蝶結放在頭上,話要將自己當成禮物送畀ERROR!
首場壓軸嘉賓為鄭欣宜,她將蝴蝶結放在頭上,話要將自己當成禮物送畀ERROR!(圖片來源:ERROR演唱會發相)
error演唱會 尾場 ERROR演唱會 同ERROR合作拍ViuTV劇《極度俏郎君》的姜皓文亦有上台做嘉賓。
同ERROR合作拍ViuTV劇《極度俏郎君》的姜皓文亦有上台做嘉賓。(圖片來源:FB@姜皓文Philip Keung)
error演唱會 尾場 ERROR演唱會 謝安琪、張繼聰夫妻檔齊撐ERROR。
謝安琪、張繼聰夫妻檔齊撐ERROR。(圖片來源:IG@louischeung2013)

193被健吾起新朵

193之前在開騷前中招,雖然已康復,但仍要靠打類固醇開聲,頂硬上開騷,不過之前他為講錯說話道歉,就引來不少網民負評,健吾更為此發文,並為193起了個新外號,此外有網民指:「叫原本因『燒畀你』夠直率而喜歡佢嘅人情何以堪」,健吾竟引用楊千嬅的《烈女》歌詞回應。

error演唱會 尾場 ERROR演唱會 ERROR
(圖片來源:FB@健吾)
error演唱會 尾場 ERROR演唱會 ERROR
(圖片來源:FB@健吾)
error演唱會 尾場 ERROR演唱會 ERROR
(圖片來源:FB@健吾)

193認錯 被指邊喊邊唱

193之前在演唱會中重提去年做生意的小額錢債糾紛,一句「燒畀你」令他衰足一年,他表示已知錯唔敢再衰多口,最後又被指邊喊邊唱新歌《越州公路193》,同時向粉絲表白:「冇你哋行唔到今日!」不過之後有粉絲為他解釋,指他唱歌時並冇爆喊,只係爆汗啫!

error演唱會 尾場 ERROR演唱會 ERROR 有粉絲指193之前只係爆汗。
有粉絲指193之前只係爆汗。(圖片來源:ERROR演唱會發相)
error演唱會 尾場 ERROR演唱會 ERROR
(圖片來源:FB留言截圖)

《毒舌大狀》團隊撐「師爺」Dee

ERROR尾場演唱會仲有《毒舌大狀》團隊,包括王丹妮、廖子妤、楊偲泳、栢天男、谷德昭及導演吳煒倫,一齊現身為「毒舌師爺」Dee(何啟華)撐場,當阿Dee在台上首次演繹《毒舌大狀》電影主題曲《毒舌神曲》時,王丹妮、廖子妤、楊偲泳及栢天男就在台下揮動「毒舌師爺Dee世一」的燈牌,為阿Dee打氣!

error演唱會 尾場 ERROR演唱會 ERROR 《毒舌大狀》團隊在開show前後都有到後台打氣,ERROR四子在完騷後與《毒舌大狀》團隊共聚。
《毒舌大狀》團隊在開show前後都有到後台打氣,ERROR四子在完騷後與《毒舌大狀》團隊共聚。(圖片來源:《毒舌大狀》發相)
error演唱會 尾場 ERROR演唱會 ERROR 其他到場睇騷的嘉賓仲有MIRROR成員。
其他到場睇騷的嘉賓仲有MIRROR成員。(圖片來源:ERROR演唱會發相)
error演唱會 尾場 ERROR演唱會 ERROR P1X3L
P1X3L(圖片來源:ERROR演唱會發相)
error演唱會 尾場 ERROR演唱會 ERROR Stephy
Stephy(圖片來源:ERROR演唱會發相)
error演唱會 尾場 ERROR演唱會 ERROR 葛民輝
葛民輝(圖片來源:ERROR演唱會發相)
error演唱會 尾場 ERROR演唱會 ERROR 陳子豐、Hailey、Alice、Yoyo、Brian陳安立。
陳子豐、Hailey、Alice、Yoyo、Brian陳安立。(圖片來源:ERROR演唱會發相)
error演唱會 尾場 ERROR演唱會 ERROR 森美、Jackal@Dear Jane。
森美、Jackal@Dear Jane。(圖片來源:森美, Jackal@Dear Jane)
error演唱會 尾場 ERROR演唱會 ERROR 盧覓雪
盧覓雪(圖片來源:ERROR演唱會發相)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:ERROR演唱會發相、YouTube@Viu1 HK、FB@健吾、《毒舌大狀》發相資料或影片來源:原文刊於東方新地