edan mirror
edan mirror

Edan呂爵安呻「爵屎」被投訴無禮貌 大方回應MIRROR負評:我哋都要反思下

影視娛樂

廣告

MIRROR成員Edan呂爵安的後援會於今年10月宣布解散,後援會Admin被狂數5大罪之餘,更被踢爆經常鬧「爵屎」(Edan粉絲名稱)做白卡,引起軒然大波。雖然沒有了後援會,但Edan依然非常愛錫粉絲,經常在社交網站與粉絲交流傾偈,昨日(10日)他在Threads中連環發文抒發心情,表示自己經常聽到外界對「爵屎」印象差,又認為MIRROR成員接連負評不斷,自己都需要反思……

edan mirror Edan一向都是敢言的偶像之一。
Edan一向都是敢言的偶像之一。(圖片來源:IG@edanlui)

Edan回應MIRROR負評不斷:我哋都要反思下

Edan事隔20星期再回歸荒廢多時的Threads,原本以為是輕鬆的話題,然而卻竟然是「認真mode」︰「看見很多人都在threads裏暢所欲言,甚麼都可以亂說亂分享一通,而我為甚麼這麼久沒有玩threads,因為對我而言這裏跟ig沒分別啊。我還是不能想說甚麼就說甚麼,我不想一會兒又被放大然後上新聞,但我今天鼓起勇氣了,我要嘗試盡量地想分享甚麼就分享,所以我現在要亂說一通了,大家準備好了嗎?」他之後隨即轉載一個由KOL所寫的帖文:「鏡仔進場大家可以另覓新淨土了」,即有感而發分享外間對MIRROR或成員們的負評不斷的感受︰「好老實講外界/鏡圈外好多時都會驚咗negative feeling’s towards鏡仔/鏡粉/鏡仔粉大家可以選擇唔理dun give a _,哩(呢)個都係個客觀事實,所以可能有時我哋都要反思下點解會咁同點樣,盡量唔好俾到啲唔好嘅印象其他人(禾甘duck ng duck?)。」

edan mirror 對於MIRROR負評不斷,Edan認為要反思一下。
對於MIRROR負評不斷,Edan認為要反思一下。(圖片來源:IG@edanlui)
edan mirror
(圖片來源:Threads@edanlui)

Edan自爆工作人員反映粉絲冇禮貌

他又反思自己可能因為表現不好,因此才會令人有負面觀感:「我要做嘅就係下次做好啲而希望大家會見到。如果我心態永遠只係『你唔鐘意就算囉bye,你一定係hater。』咁我永遠都唔會可以做得更好,令人改觀。」由於後援會解散之前曾經被踢爆鬧「爵屎」做白卡,令外界對爵屎的印象大減,他亦表示都有聽過演唱會工作人員向他反映「你啲fans真系好冇禮貌」:「冇禮貌嘅未必係睇緊哩篇文嘅你,但當有其他人係咁嘅時候,人哋對『爵屎』嘅印象就會變成冇禮貌。」

edan mirror 呂爵安 edan Edan Edan粉絲後援會宣佈解散!
Edan粉絲後援會宣佈解散!(圖片來源:IG@edanlui_fansclub)

Edan教粉絲要互相做好少少

他又重提早前fansclub重組一事,見到好多起底、嘈交等等不斷互相惡意攻擊,Edan呼籲各大粉絲做好少少:「甚至最後5強其中一隊候選人托同事送禮物俾我又被扭曲成『賄賂』定唔知咩。哩啲所有一切都係我最唔想見到嘅嘢,點解要咁呢?所以可能只要大家都做好少少,互相提點,互相尊重,有禮貌地去表達觀點可能大家對我哋嘅印象都會好啲。」

edan mirror
(圖片來源:Threads@edanlui)
edan mirror
(圖片來源:IG@edanlui)

Edan:太多嘢要顧慮

Edan抒發完情緒之後,笑稱自己也不知道自己可不可以這麼真實,因為實在有太多要顧慮的東西,但又非常想講:「既然演唱會都講咗要做『ED偶像』,咁我就講下啦。明嘅就明,唔明嘅就點都唔會明。」回帶到今年8月Edan的個人演唱會,他提到可用3句金句「感恩感恩」、「應該可以嘅,但我要問下經理人先」及「呢條係一條好好嘅問題」去回應擊退各方批評或刁難和攻擊,不過卻一度被網民批評不顧偶像形象兼小家。

edan mirror
(圖片來源:Threads@edanlui)
edan mirror Edan Edan在演唱會提出要用「偶像三大金句」來回應網民攻擊。
Edan在演唱會提出要用「偶像三大金句」來回應網民攻擊。(圖片來源:IG@edanlui)

連日公開酸民DM:皇帝唔急太監急

Edan在一連三場演唱會中瘋狂自抽,重提自己向姜濤舉中指、提醒好兄弟不要隨便開餐廳做生意,更拿姜濤和髮型師Lydia的緋聞開玩笑等,引來不少同隊成員粉絲不滿,紛紛向Edan DM投訴。Edan當然唔啞忍,一一轉發酸民DM的截圖,不但反擊酸民指「皇帝唔急太監急」,又話「你dmX人就得,人哋公開就唔得,我遮名都好仁慈啦下話」。

edan mirror Edan 有同隊成員粉絲向Edan表達不滿,Edan就反擊對方「皇帝唔急太監急」。
有同隊成員粉絲向Edan表達不滿,Edan就反擊對方「皇帝唔急太監急」。(圖片來源:IG@edanlui)

大篇幅回應網民批評

Edan今日就發出千字文反駁網民批評,對於外界指自己小家,他回應指自己一直「接受理性、坦白嘅意見」,不介意有禮貌的批評獲意見,但部分網民故意DM人身攻擊、刻意扭曲自己的原意,所以才會轉發DM對話表達自己的不滿。他直言:

「梗係知我咁樣做有人會覺得我好小家(所以我係唔會鬧佢㗎☺️),覺得一個公眾人物唔應該咁做。喂!啲天皇巨星都唔會咁做啦!你啱啊!我真係唔係天皇巨星level啊嘛。」

「我想同haters講,你哋做緊嘅嘢,係同樣地有人會對你偶像咁樣做,而佢哋亦都會受困擾,我相信你哋都唔會想佢哋suffer。所以,己所不欲,勿施於人。」

edan mirror Edan Edan指一直虛心接受各界的意見,只是不接受為攻擊而攻擊的評論。
Edan指一直虛心接受各界的意見,只是不接受為攻擊而攻擊的評論。(圖片來源:東方新地)

企出嚟為藝人發聲:我唔認同做藝人就要啞忍

Edan指雖然有網民會叫自己「唔好理啲haters、無視佢Block咗佢就算」,但Edan指藝人都係人,有權表達不滿或反擊網民的攻擊,但外界卻以「偶像、藝人係唔應該反擊」的潛規則去禁止藝人表達感受:「藝人都係人,藝人都會有感受,但個世界好似禁止咗藝人有感受/表達感受」、「好多人就係藉住『偶像、藝人係唔應該反擊』哩條規則而為所欲為。而好多Artist都因為哩條『潛規則」而選擇『啞忍』,殊不知內心已經千瘡百孔,甚至情緒病。」

edan mirror Edan Edan向來敢言,今次更為一眾藝人們發聲,認為藝人有權表達不滿或反擊網民的攻擊。
Edan向來敢言,今次更為一眾藝人們發聲,認為藝人有權表達不滿或反擊網民的攻擊。(圖片來源:東方新地)

網民大讚Edan反駁得有條理

今次Edan出盡力反擊網民挑機,為一直受到攻擊的藝人發聲,不少網民都留言大讚Edan反駁得有條有理:「有文有路既,講野公道、識撈」、「認同既,但佢夠多fans先講得先多人支持,呢堆野係tvb人講就一定比人鬧死,希望佢都幫下一直被欺凌既藝人發聲」、「佢願意用自己嘅影響力去講都算係咁」、「今次反鏡都撐佢」。

edan mirror Edan 網民大讚Edan今次反駁得有條理,就連「反鏡粉」都留言力撐。
網民大讚Edan今次反駁得有條理,就連「反鏡粉」都留言力撐。(圖片來源:東方新地)

Edan反駁網民攻擊全文:

好啦,本身諗住開Live先講,但見有人開始擔心我冇PR,覺得我係嬲豬,覺得我個人唔humble,我惟有早啲同大家分享下我嘅諗法同目的啦☺️(白紙黑字寫低都好嘅👍🏻)

1. 你係咪唔可以俾人話啊?

其實不嬲我都好接受理性、坦白嘅意見(如果唔係我都唔會cut短talk part啦😮‍💨),因為我都好想做好啲繼續進步
好唔好睇,好唔好聽,好唔好笑,完全係base on個人喜好,咸魚青菜,各有所好,唔鍾意係完全冇問題,我亦都好樂意接受。
但如果係直接msg我一啲人生攻擊,完全扭曲我原意嘅嘢,我就真係想講句「有心啦!」❤️

2. 你唔好理啲haters啦!無視佢Block咗佢就算啦!

其實個個都會咁講,但我可以分享一個比喻俾大家feel下其實係咩感受😂
「你俾人好大力打咗一巴落塊面到,然後身邊嘅人同你講:「算啦,有佢啦。」」
喂大佬!我塊面仲痛緊㗎喎!點無視啊!
藝人都係人,藝人都會有感受,但個世界好似禁止咗藝人有感受/表達感受。

3. Po dm出嚟好小家,好冇PR。

首先,講真,你公海_我我真係算數😂你直接msg我,但係又唔俾我公開(名都遮埋啦喎),哩個係咩logic?😂😂
再講真,我梗係知我咁樣做有人會覺得我好小家(所以我係唔會鬧佢㗎☺️),覺得一個公眾人物唔應該咁做。
喂!啲天皇巨星都唔會咁做啦!
你啱啊!我真係唔係天皇巨星level啊嘛🤣🤣🤣🤣

咁點解我要咁樣做呢?就係因為我想俾大家知道做偶像做藝人每日係會suffer啲乜嘢
好多人就係藉住「偶像、藝人係唔應該反擊」哩條規則而為所欲為。
而好多Artist都因為哩條「潛規則」而選擇「啞忍」,殊不知內心已經千瘡百孔,甚至情緒病。
我比較好彩,我心臟真係算強大,情緒都算係比大部分人穩定。但當我發現連我都會被哩啲嘢牽動情緒嘅時候,我想嘗試去做少少嘢,想嘗試去改變少少嘢。
我唔認同做藝人就要啞忍、就要硬食,我相信只要你唔係發脾氣,你有道理,你有禮貌地表達,總有明白事理嘅人係會明白你係會支持你。

4. 將心比己

其實老實講,街外大把唔鍾意我嘅人,但佢哋係唔會浪費時間特登走去睇我啲嘢仲走嚟dm我㗎😂😂
所以我想同haters講,你哋做緊嘅嘢,係同樣地有人會對你偶像咁樣做,而佢哋亦都會受困擾,我相信你哋都唔會想佢哋suffer。所以,己所不欲,勿施於人。
我想改變嘅嘢唔係淨係想唔好再有人嚟_我(我亦都冇咁天真覺得我咁樣講完就會冇),而係希望大家可以將心比己,其實大家無仇無怨,冇必要製造咁多負面嘅情緒,哩啲完全係vicious cycle。
如果你哋控制唔到,發現_完我先會舒服啲嘅,咁不如你哋dm鬧完之後同我講聲:「辛苦晒,我舒服了。」咁我可能都可以當係做咗善事,唔放喺心到🙏 (當然可能你哋就係想我放喺心😂😂)

5. 總結

講咁多,其實都係想大家做人relax啲,同埋想話俾大家知其實所有人都只係一個普通人。
哩一年發覺,做人要經常開心事事順利身體健康其實一啲都唔容易,每日都有好多不幸嘅事情發生,其實好多人都過得好「苦」。
喺咁嘅前提下,點解仲要想去製造更多嘅「苦」,又何必呢?
不如真係試吓放鬆啲,嘗試欣賞多啲or用另一個角度去睇嘢,可能大家都會開心啲。
唔鍾意咪唔好睇囉,但冇必要傷害人姐,right?

最後我想講我唔係話個個人都要好似我用咁嘅方式去表達,每個人都有佢嘅自由同方法同capacity去應對,但我相信每一個人(包括藝人)都係絕對有權去有禮貌地表達自己的。

其實我個talk show就係想表達類似嘅嘢,有機會再同大家分享多啲😂歡迎大家去youtube參透下☺️

講完,感恩感恩

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:IG@edanlui、Threads@edanlui、IG@edanlui_fansclub、東方新地