COLLAR丨Ivy So同女Fans合照被比下去 新節目3大必睇點Candy勁有戀愛感
廣告
ViuTV女團COLLAR，近日除咗出新歌之外，仲有大搞「COLLAR COLLECTS」嚟個「一日食堂」！Marf邱彥筒、Gao沈貞巧、Day許軼、Candy王家晴、Winka陳泳伽、Ivy So蘇雅琳及Sumling李芯駖全員出動齊齊合作經營餐廳，廚房、水吧、收銀、樓面、派傳單全單接收，親力親為。「一日食堂」除咗COLLAR好睇之外，眼利的就發現最新「一日食堂下集」就有一位女粉絲似乎挑機Ivy So！一齊睇吓3大亮點。
COLLAR一日食堂丨Ivy So落街派全單無人識？場面尷尬
COLLAR YouTube新片「COLLAR COLLECTS」－「一日食堂」講女團COLLAR全員出動經營餐廳，上集講到招呼粉絲經營午市，今次下集難度升級要招呼街客，同埋無人幫手的情況。先講到Ivy So被派落街派全單大叫社恐，而且片中Ivy So明顯食咗幾次檸檬，甚至叫人拎全單完全被無視，網民話睇落好似無人識咁，場面尷尬，搞到餐廳都非常靜，完全無客人walk-in，搞到winka要落樓幫手拉客。唔少粉絲留言如果當日見到IVY SO拉客一定點都會上去「如果Ivy day Candy是但一個拉客我都會跟佢上去，約咗人都會甩底跟佢地走」「好羨慕」「今集做全港最靚傳單派發員」
COLLAR一日食堂丨Candy介紹餐牌都令人有戀愛的感覺 成MVP！
COLLAR成員Candy做樓面，非常勤力，做個唔停，一開始接待客人非常親切，為客人介紹餐單時，winka驚呼「以為佢拍緊拖」，簡直係令人有戀愛的感覺！最後Candy成為今集MVP，佢仲搞笑表示佢終於搵到自己的出路，日後唔做COLLAR，都可以自己開餐廳，或者做呢間餐廳。
COLLAR一日食堂丨顏值擔當Ivy So招竟被女粉絲比下去？
「一日食堂」去到尾聲時唔少客人都搵COLLAR成員打卡影合照，而眼利的網民就留意到其中搵Ivy So合照的女粉絲，力指簡直係挑機顏值擔當Ivy So！「fans身材很強」「女fans公開處刑ivyso」不過有網民就認為該女粉絲好普通，Ivy So正好多「公道講一個打工look，一個化曬妝」「根本Ivy靚好多」。
一齊睇片！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：youtube＠COLLAR資料或影片來源：原文刊於NewMonday
