COLLAR
COLLAR

COLLAR出道「前夫反擊戰」狂吸過6萬成員 張建聲公開加入 自爆係呢一位粉絲

影視娛樂

廣告

目前已有超過35萬位成員的Facebook Group「我老婆嫁左比Mirror導致婚姻破裂關注組」由一班老婆係鏡粉的「前夫」所成立,近日因應ViuTV新女團COLLAR出道,「前夫」們開了一個新Group「前夫反擊戰」,在周三(1月12日)晚6時半COLLAR正式出道成團後,「前夫反擊戰」就吸納了超過6萬名成員,其中連藝人張建聲都公開加入,仲自認係一位女團候選人的粉絲!

文:東方新地|圖:Facebook@前夫反擊戰、Facebook@COLLAR

前夫齊撐COLLAR 前妻:榴槤會賣斷市

Facebook Group「前夫反擊戰」自周二(1月11日)成立,短短兩日就吸引了6.7萬人加入,但有成員分析,當中應該有2萬係「前妻」、3萬係「花生友」,只得1萬係「前夫」(先夫)!有「前妻」就在Group內出post,預言「d榴槤會賣斷市」!更有「姜糖」踩場揚言:「我只願意同Candy Share前夫,不過屋企所有空間同埋牆壁只可屬於姜濤!」

Facebook Group「前夫反擊戰」由一班「前夫」成立,開宗明義話:「大家都忍辱負重左3年,係時候啦!前夫們出擊啦!」(圖片來源:Facebook@前夫反擊戰)
Facebook Group「前夫反擊戰」由一班「前夫」成立,開宗明義話:「大家都忍辱負重左3年,係時候啦!前夫們出擊啦!」(圖片來源:Facebook@前夫反擊戰)
COLLAR目前在Facebook的專頁只得1.3萬人follow,少過「前夫反擊戰」。(圖片來源:Facebook@COLLAR)
COLLAR目前在Facebook的專頁只得1.3萬人follow,少過「前夫反擊戰」。(圖片來源:Facebook@COLLAR)
花生友指真正「前夫」最多得1萬。(圖片來源:Facebook@前夫反擊戰)
花生友指真正「前夫」最多得1萬。(圖片來源:Facebook@前夫反擊戰)
有不少「前妻」已入侵「前夫反擊戰」出post。(圖片來源:Facebook@前夫反擊戰)
有不少「前妻」已入侵「前夫反擊戰」出post。(圖片來源:Facebook@前夫反擊戰)
有「姜糖」踩場話只願意同Candy Share前夫。(圖片來源:Facebook@前夫反擊戰)
有「姜糖」踩場話只願意同Candy Share前夫。(圖片來源:Facebook@前夫反擊戰)
「前妻」話要幫「前夫」娶二奶。(圖片來源:Facebook@前夫反擊戰)
「前妻」話要幫「前夫」娶二奶。(圖片來源:Facebook@前夫反擊戰)
有「前妻」預言榴槤會賣斷巿,仲出埋示範圖。(圖片來源:Facebook@前夫反擊戰)
有「前妻」預言榴槤會賣斷巿,仲出埋示範圖。(圖片來源:Facebook@前夫反擊戰)
花生友們更提出除榴槤外各種懲罰「前夫」的道具。(圖片來源:Facebook@前夫反擊戰)
花生友們更提出除榴槤外各種懲罰「前夫」的道具。(圖片來源:Facebook@前夫反擊戰)

張建聲:君子報仇,十年未晚

而這超過6萬名成員當中,原來包括有藝人張建聲(Justin),他早在COLLAR正式出道前一晚,已於「前夫反擊戰」中出post表示:「君子報仇,十年未晚,起頭呀,各位兄弟,成個男人返晒嚟。#補充番我係win粉」又貼出榴槤和鍵盤照,向Group友揚言:「唔好畀啲無謂嘢影響到我地!」可惜Win Win最終未能成為COLLAR成員。

張建聲出post叫各位兄弟「起頭」。(圖片來源:Facebook@前夫反擊戰)
張建聲出post叫各位兄弟「起頭」。(圖片來源:Facebook@前夫反擊戰)
張建聲叫Rose Ma滾出Group,話呢度係佢哋振夫綱嘅基地。(圖片來源:Facebook@前夫反擊戰)
張建聲叫Rose Ma滾出Group,話呢度係佢哋振夫綱嘅基地。(圖片來源:Facebook@前夫反擊戰)
但Win Win未能入COLLAR,有網友建議搞個女版《敗者重生戰》,被張建聲否決。(圖片來源:Facebook@前夫反擊戰)
但Win Win未能入COLLAR,有網友建議搞個女版《敗者重生戰》,被張建聲否決。(圖片來源:Facebook@前夫反擊戰)

前夫:教細路認新媽咪

在「前夫反擊戰」中,還有不少「前夫」表示:「今晚開始教啲細路認新媽咪!」、「明晚攞正牌出軌!」、「快啲出底褲、EPS、電話、保險,乜都買晒佢,我日日排隊買自己嘅野!我現在宣佈以後無時間排隊買Mirror嘅野,要排自己排」、「個佬追緊女團而你介入人哋可以叫『小三』」、「留意前妻有無買定玻璃!」等等。

黃建東都有在「前夫反擊戰」中留言。(圖片來源:Facebook@前夫反擊戰)
黃建東都有在「前夫反擊戰」中留言。(圖片來源:Facebook@前夫反擊戰)
「前夫」大膽叫「前妻」做「小三」。(圖片來源:Facebook@前夫反擊戰)
「前夫」大膽叫「前妻」做「小三」。(圖片來源:Facebook@前夫反擊戰)
仲話要帶個仔去見識真女人!(圖片來源:Facebook@前夫反擊戰)
仲話要帶個仔去見識真女人!(圖片來源:Facebook@前夫反擊戰)
又話要整「攬枕」(寫錯做攪枕)。(圖片來源:Facebook@前夫反擊戰)
又話要整「攬枕」(寫錯做攪枕)。(圖片來源:Facebook@前夫反擊戰)

專頁創立人係Day粉絲

「前夫反擊戰」專頁創立人Kent接受傳媒訪問時,透露自己鍾意Day(許軼)同Sica(何洛瑤),又話之後想改Group名,因為個Group只係畀大家圍爐取暖,但「反擊戰」可能會令人諗到負面嘢。有不少網友紛紛向他提出新Group名建議,包括「我振夫綱娶返COLLAR力爭世界和平討論區」、「前夫去追Collar報復前妻們關注香港婚姻美好組」、「你前夫娶左Collar令到婚姻美好關注組」等,不過亦有網友力撐「前夫反擊戰」個名短短哋又易記,無需更改。

有「前夫」預言「前妻」會要求跟COLLAR衣著。(圖片來源:Facebook@前夫反擊戰)
有「前夫」預言「前妻」會要求跟COLLAR衣著。(圖片來源:Facebook@前夫反擊戰)
有「前夫」分享已同「前妻」開戰。(圖片來源:Facebook@前夫反擊戰)
有「前夫」分享已同「前妻」開戰。(圖片來源:Facebook@前夫反擊戰)
花生友都唔睇好「前夫」們可以成功反擊!(圖片來源:Facebook@前夫反擊戰)
花生友都唔睇好「前夫」們可以成功反擊!(圖片來源:Facebook@前夫反擊戰)
預先向「先夫」致敬。(圖片來源:Facebook@前夫反擊戰)
預先向「先夫」致敬。(圖片來源:Facebook@前夫反擊戰)
但有「前夫」話「怯就輸一世」!(圖片來源:Facebook@前夫反擊戰)
但有「前夫」話「怯就輸一世」!(圖片來源:Facebook@前夫反擊戰)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
COLLAR
圖片來源:圖:Facebook@前夫反擊戰、Facebook@COLLAR