30歲Coffee林芊妤網教瑜珈月吸廿萬 「殘廁Gathering 」成功洗底變師奶OL偶像

影視娛樂

廣告

新冠肺炎疫情籠罩下,香港人連月來留家抗疫,全港學校已經停課幾個月,興趣班亦大受影響,實體學校冇運行,身為瑜伽導師的Coffee(林芊妤),肺炎疫情下瑜伽班難逃停課厄運,向來最識轉危為機的她,近月便轉型主力網拍教學,除了出動一歲得意囝囝「伯伯」吸Like,連老公都落場幫拖做示範,早前開了個人YouTube運動頻道的她,連月閉關在家,透過社交網密集式Po片,一家三口網上教學,每條片動輒有數十萬個Like,威過唔少天王巨星,月吸廿萬疫市有出路。

原文刊於《東方新地》

Coffee林芊妤靠瑜珈成功洗底 私人教學$2,000/hr

一舉成名天下知,唔理好事定醜事,只要有了知名度,原來都是一個商機,14年爆出「殘廁Gathering 」事件令在無綫六年來寂寂無聞的Coffee(林芊妤)一夜成名,雖然被無綫炒魷,卻並未打沉Coffee意志,未幾在網上頻開live晒fit爆身材,更加做埋瑜伽導師,令她廣受關注,前年嫁銀行高層翟德彥做埋人妻,去年誕下得意米之蓮囝囝「伯伯」,更令她人生逆轉。

其實早在12年,Coffee已考獲國際認可的瑜伽導師專業資格,近年她全力發展瑜伽事業,由於身材長年有睇頭,產後十日便成功收身,加上她經常在網上示範瑜伽大顯身手,同網友分享運動與健美心得,為她吸盡人氣,成功洗底成為唔少師奶及OL追捧偶像,開班授徒客路大增,每次開堂極速爆滿,團體班要500元一堂,個別教授更高達2,000元一小時,後來更成為圈中藝人如胡杏兒的私人教練,賺錢能力今時唔同往日!

0
近年成功轉型做瑜伽導師的 Coffee,隨著囝囝出世形象更健康正面,即使比堅尼出Po,一樣正評如潮,成為人氣網紅的她,就算肺炎疫情瑜伽班停課,靠網絡人氣仍為她帶來賺錢商機。
0
Coffee 離巢無綫後專心做瑜伽教練,人氣更勝做藝人時,早前獲ViuTV邀請,為伍詠薇主持的《埋嚟睇埋嚟玩》 做嘉賓。
0
胡杏兒生完大仔 Brendan,坐完月後,搵Coffee做私人教練,於產後四個月成功修身,多得口中「魔鬼教練」Coffee。
0
避免同人接觸唔可以公開上堂,Coffee就密集式網拍教學,繼續賺錢。

運動頻道有百萬訂閱囝囝老公助陣

不過,近月受新冠肺炎疫情影響,瑜伽班全面停課,加上近日政府立法「限聚令」,瑜伽班復課遙遙無期,以往真身落場上堂及網上開班多線發展的她,兩個月以來,便轉型全力網教,在個人社交網密集式出post,拉埋老公及囝囝落場幫手做示範,一家三口吸客。據知情者透露:「Coffee大肚時喺網上大玩高難度動作,令班師奶同OL睇到嘩然,令佢響晒朶,囝囝出世之後,成功洗底,每次同囝囝一齊出鏡特別受歡迎,爆發肺炎疫情,佢好快已經轉型,實行全力網上出Po,仲拉埋老公囝囝落場,佢喺YouTube嘅運動頻道,有近百萬訂閱,好多廣告商睇中佢形象健康,由服裝、電器、入廚用具等都落廣告喺佢度,囝囝仲有童裝贊助,只要佢喺社交網出個Po就有錢落袋,疫境個個冇工開,叫苦連天,佢可以話賺到笑!」

識得睇準時機,一家三口發放正能量,又抵Coffee狂收Like嘅!

0
Coffee 不時素顏,居家服上鏡,又不時分享家庭片段,予人感覺親切平易近人,已經成為網上紅人。
0
肺炎疫情賦閒在家的Coffee,近月密密出Po,更拉埋老公及囝囝玩高難度瑜伽動作,大晒溫馨家庭樂又畀網友學到嘢,難怪出親Po都有極大回響。同老公一齊做運動,每條片輕鬆吸幾十萬Like。
0
畀寶貝仔「伯伯」趴喺心口,Coffee拍的教瑜伽片夠娛樂性,成功吸 Like!
0
同外形高大威猛的銀行高層老公一齊玩瑜伽晒恩愛,夠晒真性情!
0
除咗教人玩瑜伽,Coffee近來出Po亦好識得奇招突圍,試過陀B時挺住巨肚玩倒立,又Po出餵母乳照片,以及同囝囝洗白白共浴照,相當吸睛。
0
在無綫六年,最為人印象深刻是拍《衝上雲霄 II》胸壓馬明,不過,當時靠身材招徠的她,形象並不討好!直至14年「殘廁 Gathering 」事件後,被無綫炒魷的 Coffee卻轉危為機,成功轉型成為瑜伽導師,敏捷身手為她洗底兼加分。