C君上場劃清界線 表明《#後生仔傾吓偈》被cut唔關佢事 只負責度橋唔會大刀闊斧
C君上場劃清界線 表明《#後生仔傾吓偈》被cut唔關佢事 只負責度橋唔會大刀闊斧

C君上場劃清界線 表明《#後生仔傾吓偈》被cut唔關佢事 只負責度橋唔會大刀闊斧

C君(鄭詩君)於9月1日宣布出任無綫J2台創意總監一職,未幾《#後生仔傾吓偈》即宣布月底停播,新官上場時間啱啱好,不過C君就劃清界線,表明這個決定與他無關,仲話自己只負責度橋,冇權做決定,叫大家都係叫番佢做「C君」,千祈唔好叫「鄭總」!

撰文:東方新地 圖片:C君及黃天頤IG、無綫娛樂新聞台影片截圖

C君強調Cut節目與他無關

榮升為無綫J2台創意總監的C君(鄭詩君),日前聯同袁偉豪、陳自瑤、朱智賢等錄影《思家大戰》,對於上任後《#後生仔傾吓偈》即被停播,C君強調這個決定與他無關︰「不關我的事,我只返了工3日,未有新任務,而且我只負責度橋。」

C君日前接任J2台創意總監,對於節目《#後生仔傾 偈》告終,C君否認是他新官上任所致,表示只是一班後生仔工作多,公司另有安排。(圖片來源:無綫娛樂新聞台影片截圖)
C君日前接任J2台創意總監,對於節目《#後生仔傾 偈》告終,C君否認是他新官上任所致,表示只是一班後生仔工作多,公司另有安排。(圖片來源:無綫娛樂新聞台影片截圖)
C君日前與袁偉豪、陳自瑤等一齊上《思家大戰》錄影。(圖片來源:無綫娛樂新聞台影片截圖)
C君日前與袁偉豪、陳自瑤等一齊上《思家大戰》錄影。(圖片來源:無綫娛樂新聞台影片截圖)

最開心是C嫂

身份唔同晒的C君,接受訪問時請大家繼續稱呼他做「C君」,不要叫「鄭總」,他說有二十年沒有返寫字樓工,自覺很新鮮,不過最開心就是老婆黃天頤,因為C君終於會早睡早起。至於為何曾志偉會欽點他做這個職位,C君猜測是因為與曾志偉相識十幾年,可能覺得他的頭腦古靈精怪,不如過去J2台試做創作,而C君自己亦喜歡做創作,覺得J2台是一個很好的空間,所以就決心一試。

陳自瑤帶頭恭喜C君升任高層,叫他一定要好好關照佢哋!(圖片來源:無綫娛樂新聞台影片截圖)
陳自瑤帶頭恭喜C君升任高層,叫他一定要好好關照佢哋!(圖片來源:無綫娛樂新聞台影片截圖)
C君話自己只是負責J2台,工作唔啱幾位一線小生花旦。(圖片來源:無綫娛樂新聞台影片截圖)
C君話自己只是負責J2台,工作唔啱幾位一線小生花旦。(圖片來源:無綫娛樂新聞台影片截圖)

批評公司:依家的確係唔鮮明

對於曾志偉指以J2台與ViuTV競爭,C君稱不知道是否競爭,不過J2有條件做古靈精怪的想法,但不是一下子大變動,他會慢慢推動發展,不會大刀闊斧去改:「唔好成日諗去改,我哋係要諗唔好重覆Jade(翡翠台)嘅嘢,依家的確係唔鮮明,要慢慢來。我唔知咩叫踩界,好多嘢我都唔知係踩界,我冇任何班底,公司都有好多新人,正喎,不如就佢哋嚟拍啲新節目。」

C君話轉做幕後工作,每日都早睡早起作息定時,老婆黃天頤就最開心。(圖片來源:黃天頤IG)
C君話轉做幕後工作,每日都早睡早起作息定時,老婆黃天頤就最開心。(圖片來源:黃天頤IG)
C君笑言無論他做甚麼,在Do姐眼中他永遠都是垃圾。他又指農夫會繼續音樂創作,不過有共識除音樂以外的幕前工作會盡量減少。(圖片來源:農夫IG)
C君笑言無論他做甚麼,在Do姐眼中他永遠都是垃圾。他又指農夫會繼續音樂創作,不過有共識除音樂以外的幕前工作會盡量減少。(圖片來源:農夫IG)

最新吃喝玩樂資訊