Ben Sir
Ben Sir

Ben Sir被無綫束縛5年感迷惘 為博上位孤注一擲:唔爆我就繼續教書

影視娛樂

廣告

現年55歲的歐陽偉豪(Ben Sir)由大學講師轉戰幕前做主持,最近他約滿無綫回復自由身,日前他現身《Viu1人物專訪》,表示想打造一齣擺脫周星馳影子的喜劇。講到自己以往在節目《粗口學堂》,以拍手代替粗口,結果因此而「拍」響名堂,Ben Sir覺得這是他人生轉捩點,事關這個節目之前,亦陷入一段迷惘期!

Ben Sir由大學講師轉戰幕前做主持,最近他約滿無綫,想打造一齣擺脫周星馳影子的喜劇。
Ben Sir由大學講師轉戰幕前做主持,最近他約滿無綫,想打造一齣擺脫周星馳影子的喜劇。(圖片來源:《Viu1人物專訪》截圖)

Ben Sir約滿無綫做自由人

Ben Sir為香港科技大學語言學哲學博士,曾任中文大學高級講師,憑出眾口才轉戰幕前,主持不少與廣東話有關的節目,今年7月他約滿無綫離巢做自由人,Ben Sir表示:「走出嚟我會當成畢業咁樣,當我好認真出嚟投入4年同電視台簽約,我哋啲約好散,一路簽到5年,我讀博士都係讀5年咋喎,咁何不真係跳出嚟?。」

Ben Sir在無綫節目《粗口學堂》以拍手代替粗口,結果因此而「拍」響名堂。
Ben Sir在無綫節目《粗口學堂》以拍手代替粗口,結果因此而「拍」響名堂。(圖片來源:《粗口學堂》截圖)

Ben Sir:冇刻意扮周星馳

一向諗頭多多的Ben Sir想將他30年教學經驗,改寫成喜劇《教育風雲》:「我要脫離周星馳啦!我冇好刻意咁扮佢,只不過有研究佢嘅語言,但啲網民係都要話我似都冇辦法。我覺得似一個人好難,係上天畀嘅機緣,我都唔會刻意搣甩佢,好多許冠文同黃子華嘅棟篤笑,我覺得佢哋嘅棟篤笑可以撈埋一齊,只不過我說話嘅聲線比較似周星馳。」

Ben Sir曾將自己P圖成《家有喜事》的周星馳。
Ben Sir曾將自己P圖成《家有喜事》的周星馳。(圖片來源:FB@歐陽偉豪)

指停留周星馳式思維會好舊

Ben Sir指可能跳不出周星馳的框框,但起碼有搣甩它的意向:「我哋都受星爺九十年代電影嘅影響,《國產凌凌漆》情節好正,蠱惑的槍之類;《審死官》特別爆紅,我都有廣告係模仿《食神》,呢啲我哋已經笑咗好耐,到今時今日2022年,如果仲停留喺嗰個思維會好舊,都想嘗試點去攞佢嘅精髓,擺喺新嘅嘢度。」

Ben Sir在廣告中模仿《食神》中的周星馳。
Ben Sir在廣告中模仿《食神》中的周星馳。(圖片來源:《胃食神》截圖)

迷惘期:爆唔出就繼續教書

Ben Sir指在無綫5年間曾陷迷惘期:「扮吓扮吓啲人又識吓你,好開心,連登仔又講吓你,嗰時好沉醉於呢度,但沉醉歸沉醉,我依然清醒,咦,爆唔到出嚟喎,大家認唔到我,『你咪《學是學非》嗰個,中文老師呀!』去到個位我都幾迷惘,我提醒自己做完呢輯都唔爆,我就修心養性繼續教書。嗰時我迷惘到連《IQ博士》卡通人物都攞嚟扮。」

Ben Sir指自己為了出位,迷惘到連「IQ博士」都攞嚟扮。
Ben Sir指自己為了出位,迷惘到連「IQ博士」都攞嚟扮。(圖片來源:《Viu1人物專訪》截圖)

Ben Sir開心被網民封抽水王

對於被網民封為抽水王,Ben Sir笑言:「嗰個係抽水俠,唔係我自己,係水務署搵我拍廣告,我做返我本份,多得網民幫手製造呢個笑話出嚟。咁睇得到只要我唔係起晒槓,咁就唔會搞到fans反感。近年大家都戴口罩生活,都有啲笑位、話題創作出嚟,同埋抽水呢個詞,大家用得多,可思考吓批評係咪等於抽水呢?值得大家反思。」

對於被網民封為抽水王,Ben Sir笑言:「嗰個係抽水俠,唔係我自己,係水務署搵我拍廣告。」
對於被網民封為抽水王,Ben Sir笑言:「嗰個係抽水俠,唔係我自己,係水務署搵我拍廣告。」(圖片來源:《抽水俠Ben Sir醒你慳水小貼士》截圖)

即睇Ben Sir有乜大計:

Ben Sir曾說流着周星馳的血,他解釋為何現在要搣甩周星馳的影子。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:《Viu1人物專訪》截圖、《粗口學堂》截圖、《胃食神》截圖、FB@歐陽偉豪資料或影片來源:原文刊於東方新地