盧瀚霆
盧瀚霆

Anson Lo首談Edan、姜濤傳不和事件!講P圖竟擺大烏龍 兼被烏蠅突襲

影視娛樂

廣告

MIRROR成員Anson Lo(盧瀚霆)今日(13日)到觀塘出席飲品宣傳活動,吸引了逾500位「神徒」到場支持,他在訪問中回答了有關近日引起網民熱議的「P圖事件」,但竟然講錯了另一張圖。此外在活動上他又被烏蠅圍住,嚇到他面容即時變色,成為繼姜濤後第2位吸引烏蠅的MIRROR成員!

盧瀚霆 Anson Lo MIRROR MIRROR Anson Lo Anson Lo今日到觀塘出席飲品宣傳活動。
Anson Lo今日到觀塘出席飲品宣傳活動。(圖片來源:東方新地)
盧瀚霆 Anson Lo MIRROR MIRROR Anson Lo 現場有500位「神徒」到場支持Anson Lo。
現場有500位「神徒」到場支持Anson Lo。(圖片來源:東方新地)

Anson Lo盧瀚霆 預告10月頭出新歌

已完成新劇《社內相親》拍攝的Anson Lo透露將會在10月頭推出他今年最後一隻派台歌,他笑言:「係一首快歌嚟,因為上一首出咗《浪漫殺死巨蟹座》,係一首慢歌,所以我就想出一啲完全100%唔同嘅嘢,就係由慢去到最快,所以今次首歌會係講速度、我對工作嘅態度同價值觀,同埋我呢幾年嘅工作模式係點。」

盧瀚霆 Anson Lo MIRROR MIRROR Anson Lo Anson Lo同被抽中的幸運神徒在台上合照。
Anson Lo同被抽中的幸運神徒在台上合照。(圖片來源:東方新地)
盧瀚霆 Anson Lo MIRROR MIRROR Anson Lo 上次首《浪漫殺死巨蟹座》係慢歌,Anson Lo話嚟緊新歌會180度改變,係首快歌。
上次首《浪漫殺死巨蟹座》係慢歌,Anson Lo話嚟緊新歌會180度改變,係首快歌。(圖片來源:《浪漫殺死巨蟹座》MV截圖)

解釋做Gym並非為騷肌

而講到新歌MV,Anson Lo表示會在今晚凌晨開拍,由於要跳舞,加上有不同場口和造型,至少要拍30個鐘:「造型上今次係有個theme,係咩theme梗係唔可以講,但應該係我完全未試過嘅,大家放心唔係啲騎呢嘢,亦都唔好expect好性感。」他笑指好多神徒見到他做Gym,都問嚟緊係咪要露肌肉,他解釋:「其實做Gym係一個作為我呢個崗位一定要做嘅嘢,係為咗保持身型,所以你當做Gym同學唱歌、學彈琴一樣就得,其實都只係學嘢。」

盧瀚霆 Anson Lo MIRROR MIRROR Anson Lo Anson Lo話今次MV會試新嘢,但大家唔好expect會好性感。
Anson Lo話今次MV會試新嘢,但大家唔好expect會好性感。(圖片來源:東方新地)
盧瀚霆 Anson Lo MIRROR MIRROR Anson Lo Anson Lo指自己做Gym係為咗保持身型,唔係為咗騷肌!
Anson Lo指自己做Gym係為咗保持身型,唔係為咗騷肌!(圖片來源:IG@ansonlht)

新團綜有聽過會去澳洲

而講到新團綜的目的地,Anson Lo指有聽過會去澳洲和新西蘭,但未confirm:「佢哋話係一個飲食節目,帶我哋周圍行吓街,食吓飯,畀我哋放吓假,但我哋都喺ViuTV嘅磨練之下,都會知道點只咁簡單,實有啲嘢嘅,我諗都一定會有啲驚險嘅Task要做。」他續指預計會拍攝1個多禮拜,但詳情要等公司安排。

盧瀚霆 Anson Lo MIRROR MIRROR Anson Lo Anson Lo話預咗團綜會有驚險Task。
Anson Lo話預咗團綜會有驚險Task。(圖片來源:東方新地)
盧瀚霆 Anson Lo MIRROR Anson Lo Anson Lo直言繼《MIRROR+》後,已好耐冇試過全團齊人拍節目。
Anson Lo直言繼《MIRROR+》後,已好耐冇試過全團齊人拍節目。(圖片來源:ViuTV)

新戲講迷幻、人性

被問到年尾要拍的電影,Anson Lo透露拍完團綜返港後就會開拍,而角色內容他表示已簽了約,所以不能透露,只能說是他從未接觸過的,比較迷幻和講人性的劇種。

盧瀚霆 Anson Lo MIRROR MIRROR Anson Lo Anson Lo透露新戲會講人性,仲有迷幻成份。
Anson Lo透露新戲會講人性,仲有迷幻成份。(圖片來源:東方新地)

稱Edan、姜濤大個仔唔使大家擔心

訪問中Anson Lo又講到隊友姜濤和Edan(呂爵安)近日的是非報道,他表示有睇新聞,但不會勸交,因為這件事不是他的位置去做。他指Edan同姜濤相識已久,私下兄弟情好熟,大家不用太擔心他們友誼受傷害,因為大家都大個仔。

盧瀚霆 Anson Lo MIRROR MIRROR Anson Lo edan 姜濤 姜濤在訪問中否認和Edan不和,在IG Story中更主動錫Edan一下。
Anson Lo指Edan同姜濤私下好熟。(圖片來源:IG@keung_show)

指花姐出手P圖被誤po

被問到最近引起網民熱議的P圖事件,Anson Lo解釋事件竟然關花姐事:「有一次花姐攞咗張相嚟,係佢自己P嘅,跟住send畀我,但佢就send咗去official其中一條link度,咁我就冇諗咁多照download,po咗之後佢先同我講你po錯咗呀,但嗰時已經係講緊三、四個鐘之後嘅事,所以我就冇理由因為來自我嘅錯漏而delete,只能夠下次做好啲。」

盧瀚霆 Anson Lo MIRROR MIRROR Anson Lo Anson Lo話張「出事圖」係花姐P,但原來佢搞錯咗大家講嗰張圖。
Anson Lo話張「出事圖」係花姐P,但原來佢搞錯咗大家講嗰張圖。(圖片來源:IG@ansonlht)

原來擺烏龍講錯攬公仔相

但原來Anson Lo所講的並非網民所指明顯出現P圖痕跡的照片,而是另一張他在主題樂園酒店攬住公仔影的相,該張相也有網民留言指出相中Anson Lo疑似「變臉」到令人認唔出:「張相係咪有啲唔對路?(我本人都好鍾意Anson Lo)」、「我都覺得係,唔同咗樣?」、「怪怪地」、「上唇唔見左」、「太唔似佢本身個樣了」、「或者P圖得過龍」、「真係tune得差」等等。

盧瀚霆 Anson Lo MIRROR MIRROR Anson Lo 其實呢張圖亦有不少網民熱議,話Anson Lo被P到「面目全非」。
其實呢張圖亦有不少網民熱議,話Anson Lo被P到「面目全非」。(圖片來源:IG@ansonlht)

網民熱議「長腿P圖」P到背景全變形

而本身引起網民熱議的Anson Lo疑似P圖,是由公司團隊處理,相中被指有明顯P圖痕跡,因為向來耳仔低過眉的他,耳仔亦被P到變高,腿長更被拉長到近兩米,在他身後的木板、枱腳及插蘇位都P到變晒形,引來網民熱議:「這P圖不夠專業啊」、「果然喺P圖教主」,連神徒都搞笑話:「咪掛住我地掛到腿都長曬?」、「期待你嘅新歌啦~長腿教主」、「撈撈目測有兩米高」等等。

盧瀚霆 Anson Lo MIRROR MIRROR Anson Lo 但大家講得最多都係呢張「長腿圖」,事關喺呢張圖入面,Anson Lo背後嘅嘢都被指P到彎晒!
但大家講得最多都係呢張「長腿圖」,事關喺呢張圖入面,Anson Lo背後嘅嘢都被指P到彎晒!(圖片來源:IG@ansonlht)

即睇Anson Lo 盧瀚霆 訪問 回應P圖事件:

Anson Lo 被烏蠅嬲全因太Sweet?

此外Anson Lo在拍照時,被一隻烏蠅飛到頭上,他笑指自己性格Sweet,加上手持蜂蜜飲品,所以才會吸引到烏蠅,而在接受訪問前他又連續打了三個噴嚏,他解釋是因為鼻敏感,又笑指今次是他出道以來首次在人前打噴嚏,又說他有一招秘技就是無聲打噴嚏,可以谷返個噴嚏入去,就不會有飛沫。

盧瀚霆 Anson Lo MIRROR MIRROR Anson Lo Anson Lo被烏蠅嬲,佢話係因為性格太Sweet。
Anson Lo被烏蠅嬲時,嚇到下巴打摺。(圖片來源:東方新地)
盧瀚霆 Anson Lo MIRROR Anson Lo 繼姜濤後,Anson Lo成為第2位吸引到烏蠅的MIRROR成員。
繼姜濤後,Anson Lo成為第2位吸引到烏蠅的MIRROR成員。(圖片來源:東方新地)

早前姜濤亦被烏蠅嚇到彈起

早前姜濤在演唱會上唱完《我只在乎你》之後,突然於台上左閃右避,原來係有隻烏蠅圍住姜濤飛,搞到姜濤嚇到彈起,更發出尖叫:「有隻嘢嗡住我!尾場搞啲咁嘢!」無論姜濤點樣撥開,隻烏蠅依然圍住姜濤轉,姜濤到最後都無言接受:「點解要追住我!有咁多人!連動物界都嚟睇啊!」

盧瀚霆 Anson Lo MIRROR MIRROR Anson Lo 台上突然出現烏蠅。
台上突然出現烏蠅。(圖片來源:東方新地)
盧瀚霆 Anson Lo MIRROR MIRROR Anson Lo 姜濤 嚇到姜濤左閃右避
嚇到姜濤左閃右避!(圖片來源:東方新地)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:東方新地、《浪漫殺死巨蟹座》MV截圖、IG@ansonlht、ViuTV資料或影片來源:YouTube@東方新地 Oriental Sunday