呂濤米Lo 花Son Show|Anson Lo即場卸妝素顏傾心事 有風度回應極端粉絲貶低成員風波
Anson Lo卸妝真情流露 重提1個小風波
昨晚(27日)播出的一集,Anson Lo和花姐分享心裡話。面對妝容的批評,Anson Lo罕有地即席卸妝,以素顏示人。他指「妹豬組」的成員組合「無創意」,表示想加入Band小組挑戰彈吉他和打鼓。Anson Lo表示《Strawberry Love》的反應未如預期,更為Fans之間帶來紛爭:「嗰時我地都有自己傾過到底呢個組合會唔會繼續呢?會唔會好多事情都徒勞無功?」


花姐心痛避嫌舉動 Anson Lo學會釋懷Haters
他坦言曾擔心Fans之間的爭執會影響成員對自己的看法,而選擇封閉自己:「不如唔好同大家接觸,工作同私底下都係自己一個,咁咪唔會出現唔想見到邊個同邊個玩,咁就係咪可以一了百了呢」。花姐表示知道他與隊員相處融洽,但為了舒緩Fans的鬥爭而選擇在公開場合故意避開,感到很心痛。


呼籲粉絲減少紛爭 盼MIRROR團結和諧
面對Haters的看法,Anson Lo指現時慢慢學習釋懷,不再容易受到周遭的人事影響。他笑言現在有幸得獎時,會大方接受:「記得第一次攞CHILL CLUB年度男歌手金獎,我係好驚。攞到個下覺得死喇我係咪唔值得、大家會點諗呀、今晚之後就一定會係咁係到鬧我呀、定係我唔攞好啲呀。宜家攞獎個陣,會自信啲。既然有呢個機會拎到獎,就大方去講自己想講既嘢。無論我大唔大方講,唔鍾意嘅人都係會鬧,咁點解唔做自己喜歡嘅嘢呢?而我又無傷害任何人」。
被問到看待極端Fans惡意貶低成員的想法時,Anson Lo慨嘆指「可以唔愛,但唔可以傷害」,坦言理解未必會喜歡每個成員:「如果你鍾意哂MIRROR 12個人,咁就梗係最好喇,亦都係我地最想睇到嘅畫面。但係如果唔係嘅話,完全無問題。如果你想某個人好,咪專注喺某個人身上。我覺得會減少好多紛爭」。

網民支持Anson Lo:素顏個樣都好正常呀
網民送上暖心鼓勵支持Anson Lo:「素顏個樣都好正常呀,其實,素顏仲好睇啦」、「化妝本來就冇問題 even濃妝又有咩問題 ?批評嘅人只係代表自己係性別定型思想過氣」、「素顏一樣很美,期待撈同花姐深情對話」、「Anson Lo天生青靚白淨,係教母遺傳嘅優良基因,唔好再因為啲無聊haters嘅惡言攻擊,而化黑自己皮膚喇。」

將來還有什麼演唱會值得留意?
有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!