Anson Kong撰文解說黑面原因  叱咤樂壇2020 MIRROR爭獎內鬨
Anson Kong撰文解說黑面原因  叱咤樂壇2020 MIRROR爭獎內鬨

Anson Kong撰文解說黑面原因 叱咤樂壇2020 MIRROR爭獎內鬨

《2020年度叱咤樂壇流行榜頒獎禮》圓滿結束,MIRROR成員中的Anson Lo(盧瀚霆)和阿Jer(柳應廷)更以個人身份分別獲得「叱咤樂壇生力軍」的銅獎及金獎,可惜二人並未得到好兄弟Anson Kong(江𤒹生,AK)的祝賀,事後Anson Kong撰文解釋為何全程黑面及表現得極度葡萄,更表示要準備交棒⋯⋯ 其實MIRROR由十二子成軍,各人有長短,不過為爭獎搞到咁唔開心,甚至有損兄弟情就無謂啦!

撰文:東方新地 圖片:叱咤903截圖

今年ViuTV力捧的男子組合MIRROR成績彪炳,除了憑歌曲〈IGNITED〉奪得「專業推介叱咤十大第3位」外,更奪得叱咤「叱咤組合銅獎」,MIRROR成員中的Anson Lo(盧瀚霆)和阿Jer(柳應廷)更以個人身份分別獲得「叱咤樂壇生力軍」的銅獎及金獎,可惜二人並未得到好兄弟Anson Kong(江𤒹生,AK)的祝賀。當住鏡頭前,Anson Kong全程黑面,表現得極度葡萄,MIRROR由十二子成軍,各人有長短,不過為爭獎搞到咁唔開心,甚至有損兄弟情就無謂啦!

MIRROR兩度上台攞獎,Anson Kong個樣都怪怪地唔多寬容,為拎新人獎看來壓力好大。
MIRROR兩度上台攞獎,Anson Kong個樣都怪怪地唔多寬容,為拎新人獎看來壓力好大。
ANSON KONG舞藝精湛,不過歌藝的確一般。
ANSON KONG舞藝精湛,不過歌藝的確一般。

MIRROR三兄弟同爭新人獎

今年的《2020年度叱咤樂壇流行榜頒獎禮》少了樂壇天王天后級撐場,又冇現場觀眾,不過氣氛不減,在頒發「叱咤樂壇生力軍大獎」時更有火藥味,MIRROR中三位成員Anson Lo(盧瀚霆)、阿Jer(柳應廷)和Anson Kong(江𤒹生,AK)都是入圍角逐的歌手,率先獲銅獎的Anson Lo一聽到得獎名單,驚喜得碌大對眼彈起身準備上台,一班兄弟亦好自然湧上前抱抱。

MIRROR中的Anson Lo跳得又唱得,率先上台拎叱咤新力軍銅獎。
MIRROR中的Anson Lo跳得又唱得,率先上台拎叱咤新力軍銅獎。
MIRROR的阿Jer成為吒咤樂壇新力軍的金獎得主,與他同坐的Anson Kong表現得極冷靜,坐定定拍手。
MIRROR的阿Jer成為吒咤樂壇新力軍的金獎得主,與他同坐的Anson Kong表現得極冷靜,坐定定拍手。
成班MIRROR成員衝上去攬住阿Jer,Anson Kong繼續反應冷淡。
成班MIRROR成員衝上去攬住阿Jer,Anson Kong繼續反應冷淡。
全部MIRROR囝囝都好興奮,所以Anson Kong的黑面特別顯眼。
全部MIRROR囝囝都好興奮,所以Anson Kong的黑面特別顯眼。

隊友台上踢爆AK唔開心

好戲在後頭,當再宣布MIRROR另一隊友阿Jer勇奪金獎,MIRROR各成員都非常興奮,離開自己個位好激動衝上前包圍阿Jer,鏡頭影住眾人擁作一團好開心,只有坐在阿Jer旁邊的Anson Kong異常冷靜,坐到個人直一直默默拍手,戴住個口罩都感受到他黑面,當其他MIRROR成員起鬨完,阿Jer感到唔對路,好有風度主動攬攬Anson Kong,在台上致謝詞時更指住台下Anson Kong說:「Anson Kong唔好唔開心,我哋一齊繼續努力,加油!」鏡頭一轉到台下,被踢爆不爽的Anson Kong局住點頭回應,不過塊面依然好黑。

阿Jer在MIRROR中人緣不錯,他當然感受到好兄弟因輸獎而不快。
阿Jer在MIRROR中人緣不錯,他當然感受到好兄弟因輸獎而不快。
估唔到阿Jer會叫台下仲嬲嬲豬Anson Kong唔好唔開心。
估唔到阿Jer會叫台下嬲嬲豬的Anson Kong唔好唔開心。

叱咤樂壇生力軍 金獎柳應廷:「AK 唔好唔開心」去片

夢想破滅忍唔住黑面

同是《全民造星》出身的MIRROR十二子,繼姜濤和Ian陳卓賢之後,就只有Anson Kong、Anson Lo和阿Jer被安排在今年推出solo新歌,三人的歌曲風格各異,有R&B、跳唱和抒情慢歌,當中AK更有三條不同主題的短片配合,可見經理人花姐落足心機栽培。據知Anson Kong為人有性格,一直覺得自己靚仔又識跳舞,對自己信心十足,而他早前接受訪問亦坦言,自小的夢想就是可以拎到叱咤的新人金獎,點知今次與兩位兄弟一齊角逐,自己卻三甲不入,一時唔開心忍唔住黑面,真性情盡現。

全世界都見到Anson Kong這個失落之表情。
全世界都見到Anson Kong這個失落之表情。
MIRROR在吒咤橫掃兩獎,不過Anson Kong最想是以個人身份拎新人獎。
MIRROR在吒咤橫掃兩獎,不過Anson Kong最想是以個人身份拎新人獎。

Anson Kong撰文回應 Hater、分享失望心情

頒獎禮翌日,Anson Kong 在IG寫長文回應:

等了28年終於到今日了
有點失望 因為曾經很期待
但自問今年已經盡了最大努力
抱歉咁多位幫助過我嘅人 特別係監製Terry
2020年你教識我好多嘢 我從來無後悔過搵你做監製 對唔住 答應你會有好消息的 係細佬不才
另外要感謝屋企人一直支持和體諒 無論我練到幾夜幾嘈都好 你地都一句怨言都無 抱歉 未能令你們驕傲
最後要多謝商台叱咤903頒組合獎銅獎俾mirror 對我地嚟講係一個好大嘅鼓勵 我地會繼續進步 俾大家見到更多唔同嘅一面
恭喜所有得獎歌手 看著你們說得獎經歷 給了我很多能量 繼續慢慢努力

講完自己,不忘補回恭嘉手足:

Ps 恭喜姜仔破紀錄成為年紀最細嘅我最喜愛男歌手 噚日太攰 唔記得tag你
還有另外兩位新人獎得主 噚日跌入自己失望漩渦 未有好好恭喜兩位
上一年大家都辛苦了 終於完成我們第一年新人階段 嚟緊準備將棒交俾下一位繼續努力
今年叱咤感受很多 學會很多 亦知道身邊有好多人好錫我 謝謝各位的支持和安慰 我會繼續努力💪🏻
最後感謝商台 2020年很艱難 謝謝你們堅持辦實體頒獎禮 令2021的開始變得不一樣
2021年 繼續努力 Come on Hater
唔好意思 你地打我唔死🔥

Anson Kong IG
Anson Kong表示「跌入自己失望漩渦 未有好好恭喜兩位」透過IG補回祝福。

網友回應 表示體諒

對於AK的反應,以及後續在IG的回應,大多表示體諒,有睇開他演出的觀眾更表示,他向來是真性情,能夠坦白說出失望、補回祝福,都可以以接受:

anson kong叱咤黑面
有網友將話題轉向Anson Lo個鼻⋯⋯
anson kong叱咤黑面
網民認為Anson「只係嬲自己」。
網友對Anson Kong在IG的回應表示收貨。
網友對Anson Kong在IG的回應表示收貨。
anson kong叱咤黑面
近年頒獎禮總有人話「唔識」得獎者,有網友表示類似的言論只係反映事主脫節而己。

關鍵詞
叱咤Mirror

最新吃喝玩樂資訊