aka
aka

Aka爆喊懷念Super Girls齊人日子 自責冇盡隊長責任 直認曾有組員爭仔

影視娛樂

廣告

Super Girls五成員近年各有發展,團隊有名無實,更多次傳出拆夥﹗隊長Aka(趙慧珊)上ViuTV《晚吹-有酒今晚吹》節目,飲多兩杯一時感觸:「真係好掛住以前五個女仔一齊嘅時光﹗」又直認曾有組員為爭仔而unfriend,期間Aka又不停自責,喊住話好想明年成軍十年會再合體﹗

文:東方新地|圖:《晚吹-有酒今晚吹》、Aka@IG

Aka趙慧珊甩隊友單人上《晚吹》

女團Super Girls(SG)成員Aka(趙慧珊)、Cheronna(吳嘉禧)、Yanny(陳穎欣)、Jessica(蔡明思)和Heidi(李靜儀)於12年出道,曾紅過一陣子,但三年前開始各自有不同發展,Aka和Cheronna主攻唱歌,Yanny更已簽約古天樂的電影公司旗下,亦曾拍攝ViuTV劇集《地產仔》,Jessica嫁台灣老公後轉戰主持,又開設煮食頻道,Heidi轉型做時裝達人﹗自18年Super Girls推出單曲《睡衣派對》後,便沒有組合的作品,加上期間曾傳出有成員為爭仔而不和,屢傳拆夥﹗隊長Aka單人匹馬上 《晚吹-有酒今晚吹》節目一一回應傳聞﹗

Aka單飛後主力唱歌,最近初次拍劇,與林峯、黃浩然、李璨琛合作拍攝邵氏劇《黑金風暴》。(圖片來源:Aka@IG)
Aka單飛後主力唱歌,最近初次拍劇,與林峯、黃浩然、李璨琛等合作拍攝邵氏劇《黑金風暴》。(圖片來源:Aka@IG)
Super Girls最後一次合體已是2018年出單曲的時候﹗(圖片來源:SuperGirlshk@IG)
Super Girls最後一次合體已是2018年出單曲的時候﹗(圖片來源:SuperGirlshk@IG)

Aka趙慧珊認成員為爭仔不和

曾傳出Yanny硬撬Heidi牆腳爭食有米監製,Aka在節目直認真有其事,並指當時大家互相unfollow,Aka話:「女仔嘈起上嚟,就係會unfriend,感情嘅嘢,佢哋都冇辦法控制,當時大家係一時衝動﹗依家有follow番,咁依家大家都有幾好嘅生活﹗」女人堆是非多,Aka直認以前不時為造型、㨂歌、服裝等嘈交,解釋:「因為始終係女仔,大家各有意見﹗」

Aka接受《晚吹》訪問﹗(圖片來源:《晚吹》截圖)
Aka單人匹馬接受《晚吹-有酒今晚吹》訪問﹗(圖片來源:《晚吹》截圖)

回應拆夥?Aka感觸落淚:好掛住五個女仔一齊嘅日子﹗

雖然組女團時有拗撬,但提到當年女團的日子,Aka突然感觸眼濕濕:「真係好掛住嗰時五個女仔一齊嘅做嘢嘅日子,好懷念每一次工作完上保姆車時嘅時光,因為喺工作完上番車換衫呀,最放鬆嘅時候,真係好掛住嗰啲時光﹗」Aka又指曾經有一位成員在除夕時失戀,當時Super Girls出席倒數活動,四位成員安慰失戀成員時齊齊爆喊,到五人上台時都仲喊緊,Aka話:「呢次係好深刻,fans唔知咩事我哋上緊台到上到台都仲係喊緊﹗」

Aka好懷念以前Super Girls一起工作的日子,一時感觸落淚﹗(圖片來源:《晚吹》截圖)
Aka好懷念以前Super Girls一起工作的日子,一時感觸落淚﹗(圖片來源:《晚吹》截圖)
(圖片來源:《晚吹》截圖)
Aka愈講愈激動,直認Super Girls再合體並不容易﹗(圖片來源:《晚吹》截圖)
Aka在節目中不停自責﹗(圖片來源:《晚吹》截圖)
Aka在節目中不停自責﹗(圖片來源:《晚吹》截圖)

Aka不停自責:如果我多啲關懷同愛護大家,情況可能會唔同

主持強尼問明年Super Girls成軍十年,會再合體嗎?Aka坦言好想亦同經理人提出要求:「好想可以Super Girls出首歌、開個音樂會、同啲fans一齊慶祝﹗」強尼問慶祝完十年之後還會合作嗎?Aka指真的好難:「依家大家各自做緊自己嘅嘢,真係好難再集合番﹗」講到呢度,Aka再一次哽咽怪責當年做隊長不力,佢話:「覺得自己唔夠care大家,付出唔夠多愛﹗如果嗰時care同愛多啲,可能所有嘢又唔同﹗」Aka話雖然身為隊長但當時不夠成熟:「嗰時好多嘢做,但仲細唔識諗,淨係想快啲收工返屋企或者約朋友去玩﹗冇更加好咁同大家相處得更好﹗」

Aka自試千杯不醉,豪言酒量是天生﹗(圖片來源:《晚吹》截圖)
Aka爆做女團時自己沒有偶包,與團員開直播會照講「屎尿屁」,公司都唔會叫佢哋收口,但對飲食卻相當著緊,Aka話:「經理人唔畀食咁多凍嘢,佢話對我哋女仔子宮唔好﹗」(圖片來源:《晚吹》截圖)

Aka自認好酒量:係天生嘅﹗

Aka在《晚吹》豪言「酒量是天生」,更指幾乎冇醉過,她笑言曾有一個男仔帶她去試酒,當中紅酒、白酒、雞尾酒試勻,最後男仔已醉倒,但Aka完全沒醉意﹗不過Aka雖然千杯不醉,不過都有飲醉經驗,她說:「以前每年聖誕Super Girls同CAllStar一齊開party,嗰次真係飲醉,我突然喺地下做拱橋,地下仲要又濕又黑,第二日醒番周身瘀﹗」Aka又指自己醉倒會在地上打筋斗,相當神奇﹗令主持強尼、娟姐笑爆﹗

36歲Aka今年單飛第三年,本來舉行音樂會,但因疫情關係而取消﹗Aka指現在最大心願是明年Super Girls舉行成軍十年音樂會﹗(圖片來源:Aka@IG)
34歲Aka今年單飛第三年,本來舉行音樂會,但因疫情關係而取消﹗Aka指現在最大心願是明年Super Girls舉行成軍十年音樂會﹗(圖片來源:Aka@IG)
Aka出道前曾任娛樂主播,更曾被派去做過狗仔隊追蹤陳冠希同農夫﹗所以現在變成藝人會明白狗仔隊的辛苦﹗(圖片來源:Aka@IG)
Aka出道前曾任娛樂主播,更曾被派去做過狗仔隊追蹤陳冠希同農夫﹗所以現在變成藝人會明白狗仔隊的辛苦﹗(圖片來源:Aka@IG)
32歲Cheronna最先單飛出單曲,主力喺樂壇發展。(圖片來源:Cheronna@IG)
32歲Cheronna最先單飛出單曲,主力喺樂壇發展。(圖片來源:Cheronna@IG)
升呢台灣人妻的36歲Jessica為無綫主持過旅遊及煮食節目,又推出個人時尚品牌,有傳她約滿後就專注個人品牌發展,不過Jessica表示自己都唔清楚約滿年期﹗(圖片來源:Jessica@IG)
升呢台灣人妻的36歲Jessica為無綫主持過旅遊及煮食節目,又推出個人時尚品牌,有傳她約滿後就專注個人品牌發展,不過Jessica表示自己都唔清楚約滿年期﹗(圖片來源:Jessica@IG)
31歲Yanny簽約古天樂的電影公司旗下,除了參與電影,又為ViuTV劇集《地產仔》演出,更主唱劇集片尾曲。今年3月成為YouTube頻道試當真常駐幕前成員。(圖片來源:Yanny@IG)
31歲Yanny簽約古天樂的電影公司旗下,除了參與電影,又為ViuTV劇集《地產仔》演出,更主唱劇集片尾曲。今年3月成為YouTube頻道試當真常駐幕前成員。(圖片來源:Yanny@IG)
30歲Heidi(圖片來源:Heidi@IG)
30歲Heidi現為時裝達人,不時分享靚相。(圖片來源:Heidi@IG)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地