AI 時代未來實習生｜AI神還原20年後女兒！陳展鵬單文柔爆喊 老婆哭到走人勁感人
廣告
《AI 時代，未來實習生》送上催淚洋蔥！節目組利用AI技術生成陳展鵬女兒小豬比20年後的模樣，影片一出即時令陳展鵬及老婆單文柔感動到淚崩，單文柔更哭成淚人！在感人時刻，小豬比的鬼馬反應卻令全場爆笑，究竟發生了什麼事？
AI影片預視未來 陳展鵬單文柔當場淚崩
節目尾聲，製作組為陳展鵬一家送上一份溫馨大禮，利用AI生成一段「20年後的小豬比是怎麼樣」的影片。當看著螢幕上女兒未來長大成人的模樣，陳展鵬與小豬比都感動到眼濕濕，氣氛非常感人。而當日低調現身拍攝現場的媽媽單文柔，更是情緒激動，在鏡頭外早已哭成淚人，場面既溫馨又催淚，足見一家人深厚的感情。
小豬比嘴硬唔認喊 鬼馬追拍媽咪喊樣勁搞笑
正當氣氛非常感動之際，陳展鵬發現女兒眼眶濕潤，隨即「大細路」上身指住阿女取笑：「咦！你想喊咁嘅？！」沒想到小豬比不但嘴硬不認，更搞笑地以打呵欠作藉口：「唔係呀，打喊露呀我」，下一秒更醒目地將焦點轉移到媽媽身上，大叫：「嘩！媽咪先喊呀！」眼見單文柔感動到哭著「逃走」，小豬比更鬼馬地拉著攝影師追上去，要直擊媽媽的感動喊樣，童真的舉動瞬間令感人場面變得非常搞笑。
陳展鵬百感交集剖白父愛：最緊要佢開心
對於這份由製作組準備的驚喜，陳展鵬坦言心情非常複雜，他感觸地剖白作為父親的心聲：「（睇條片）好百感交集，好開心佢大個咗，又唔希望自己咁快老。」他除了真心感謝製作組的禮物，直言「好感動」外，更道出了所有父母對子女的期望：「作為家長，佢做咩職業都冇問題，最緊要佢開心，同埋睇住佢成長。」一番話盡顯濃濃的父愛，令人動容。
網民睇到眼濕濕：呢家人真係好溫馨
這段感人又搞笑的家庭互動引來網民巨大迴響，不少觀眾都表示看到眼濕濕：「睇到展鵬講嗰句『又唔希望自己咁快老』，做人父母嘅一定明，真係好中！」、「單文柔喊到走開，小豬比仲追住影，呢家人嘅互動好真實好可愛！」、「呢個環節好有心思，AI都可以用得咁溫暖。」、「隔住個mon都feel到滿滿嘅愛，好感動嘅一家人。」、「小豬比大個一定好錫爸爸媽媽，好乖女！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
圖片來源：TVB
