58歲杜德偉好男人最佳示範 年齡相差25年無阻愛意
撰文、圖片：東方新地
杜德偉做好爸爸疫情下享受父子樂
型男杜德偉就係其中之一，個人IG突然多咗好多同三歲囝囝AJ（Alex Junior）溫馨父子時光，一時帶個仔出沙灘去公園玩，一時又陪仔沖涼兼幫仔吹頭，仲好感慨咁話諗番起以前自己最鍾意同爸爸冰天雪地浸溫泉，話有朝一日要帶埋AJ延續呢個杜家父子傳統咁話！
50歲娶26歲 杜德偉自爆跟岳父同年
2012年結婚時，50歲的杜德偉自爆跟岳父同年，岳母還比自己年輕一歲，半百之年娶到嫩妻，真係「杜得米」。
老婆Ice Lee係寫實短片導演
杜德偉嫩妻Ice Lee，是本港短片導演，當年曾執導香港鲜浪潮寫實短片《胡不歸》，並在香港電影節播放，拍拖後擔任杜德偉私人攝影師，為演唱會作紀錄。二人相識緣於偶像米高積遜離世，2009年前MJ離世，Alex與友人集資鑄造紀念銅像並拍攝紀錄片，正是由Ice擔任導演，二人一撻即著，Ice是家中長女，細妹李嘉琳曾獲得「聯合文學頒獎」的小說新人獎，可謂一門兩傑。
重溫：杜德偉50歲娶嫩妻 星級醉爆伴郎團！
50歲杜德偉迎娶26歲李曉冰Ice的大日子，是2012年11月11日，取其一生一世之意，杜德偉但伴郎團有影帝梁朝偉、鍾鎮濤、呂方等，婚宴在深灣遊艇會舉行，婚禮大玩懷舊風，現場設有Live Band，眾賓客唱歌又跳舞，連向來內斂的偉仔都被氣氛感染，紅酒、威士忌杯杯清，未散場成班五張嘢兄弟們已經飲到啤啤夫，冧曬！
兄弟團年過半百
杜德偉和年齡相差廿四年的Ice拍拖兩年結婚，大日子當日，杜德偉的兄弟團有12人，全部相識超過二十五年，夾埋超過600歲，當中最矚目當然是梁朝偉，首次做兄弟的偉仔，本身在內地趕戲中，專登向劇組請假一天回港，眾兄弟早上八點已齊集沙田凱悅酒店，然後出發到粉嶺接新娘，一對新人下午到深灣遊艇會進行註冊儀式及晚上婚宴。
偉仔做兄弟做全套，除了跟足全日，又樂做布景板，被新人的親戚朋友，甚至鄰居捉住影合照，但他心情大靚有求必應笑唔停。雖然偉仔舟車勞頓，但戥兄弟高興，他在婚宴上情緒高漲，陪住新郎滿場飛不停和賓客敬酒，比起自己當年不丹結婚時更盡興，離去時要嘉玲扶住行，其餘兄弟鍾鎮濤、呂方、陳國熹、林立洋又上台夾band唱歌，平均年過五十的兄弟團全部異常亢奮，又酒又雪茄，散席時成班兄弟團已經飲到醉醺醺，眾人面紅紅腳步浮浮離去。
