零售寒冬！56歲謝寧現身九龍城總店親自賣曲奇 兩個標緻女兒不愛幕前攻幕後

原文刊於《東方新地》

謝寧離婚後搞曲奇生意愈做愈大曾計劃上市

賣餅賣到搞上市嘅謝寧，08年同兩位股東喺九龍城賣曲奇開始，依家已經喺港九新界有九間分店，前年更擬搞上市，可想而知生意有幾好。之不過後來又不了了之，但就開多一間分店，生意應該唔會太差。

力不到不為財 現身九龍城總店賣餅

近月新冠肺炎肆虐，唔少商舖都捱唔住，為咗保持生意額，謝寧輪流到不同分店助陣吸客，日前就見戴住口罩嘅謝寧喺九龍城總店現身，一開店就差不多企足大半日，完全冇見佢坐低休息過，過埋個下午茶又去第二間分店巡舖。呢日所見雖然店內有成三個員工，不過謝寧冇擺老闆款做指揮，而係全程落場一腳踢，一時企喺收銀收錢，一時點算紙袋數量，一時又企出門外吸客，相信謝寧深知力不到不為財呢個道理！

重溫：曲奇4重奏蝴蝶酥試食介紹

由前港姐謝寧所創辦，曾在香港掀起「限量曲奇」熱潮，成為不少遊客來港的熱門伴手禮。所製的酥餅強調健康路線，主張低糖少牛油，選用美國有機麵粉，更用上甜度為一般砂糖45% 的海藻糖。此蝴蝶酥於本年度消委會的甜酥餅測試報告中，獲得含致癌物最少的5星評分，老少咸宜。

1. 酥皮夠薄身，一咬多層酥皮齊碎開，非常鬆脆。
2. 原味的牛油味濃郁，配上邊位的糖粒，非常香甜。

1. 形狀不一，色澤較淺，缺乏焦糖。
2. 酥皮層次不明顯。
3. 入口偏乾身。
4. 伯爵茶蝴蝶酥有幾塊偏甜，有幾塊甜度適中，甜度不平均。

曲奇四重奏@九龍城

地址：九龍城獅子石道9A地下
電話：2382 2817
營業時間﹕星期一至日11am- 9pm

85年港姐冠軍 兩個標緻女兒不愛幕前攻幕後

謝寧是 85 年港姐冠軍，有「TVB古裝美人」之稱，1991年和岑建勳結婚，育有兩名女兒，直到05年離婚。28歲大女岑寧童曾拍攝廣告及參與ViuTv劇集，現為副導演，26歲細女岑寧樂也是從事電影製作，兩姊妹都甚有母親的影子，五官標緻。