52歲周慧敏仙氣現身銅鑼灣懶理倪震與短髮女子外出繼續晒貓

新假期 - 影視

Apr 16 2020

廣告

突如其來嘅疫症，令到娛樂圈唔少活動記招都要叫停，演唱會、首映停辦嘅停辦，延期嘅延期，連永遠女神周慧敏原本喺今個月舉行嘅世界巡迴演唱會美國一站都被迫延期。

原文刊於《東方新地》

周慧敏身形fit 到漏滿身仙氣現身銅鑼灣

不過Vivian 都冇鬆懈，仲戴住口罩照常開會練舞準備，又頻頻喺個人IG出po update近況同大家分享。個個防疫留喺屋企吽到出菇，keep住可以做吓嘢見吓人係幸福嘅，所以早前見到 Vivian 現身銅鑼灣，例牌精神例牌仙氣，身形依然fit 到漏，點睇都唔似已經52歲。

受疫情影響，娛樂圈大部分演藝活動都叫停，連周慧敏美國站世界巡迴演唱會都被迫延期，不過女神並冇偷懶，有keep住練舞準備。

長髮飄飄、手腳纖幼、仙氣十足，野生捕獲素顏Vivian依然有少女味，點睇都唔似52歲。

練習完畢，Vivian 一早call 定司機喺樓下等，隨即上車走人。

新貓背後有故事懶理倪震與短髮女子外出

講開個人 IG，女神一向工作動向為主晒貓為副，好少晒恩愛。早前出 po 表面細數與愛貓們的情誼和小故事，實情睇埋細節，原來倪震當年為咗博老婆一笑，喺愛貓周慧豹過身後，千辛萬苦搵到同阿豹有血緣關係兼且生日正值周慧豹死忌嘅一對貓B回家，咁細心又有心思冧Vivian，相信近日倪震被影到同一短髮女子買零食，亦無損夫婦之感情，正如倪震所講「和太太周慧敏很好」。

89年邂逅，09年結婚，多年來兩公婆一直保持低調，好少將私事擺上枱。

Vivian好少公開放閃，今次出po細訴愛貓豬皮同BB來歷，先知道倪震原來為氹老婆花過唔少心機。

周慧敏雖未有回應老公同靚女去買零食一事，但日前出po自己除罩展露笑容並寫上beautiful day，相信繼續選擇撐老公。

日前被影到同倪震同行買零食的女子，被指疑似有「翻版周慧敏」之稱的蘇皓兒。

52歲凍齡似18歲 IG分享舊照網民like爆

有Follow開周慧敏IG嘅Fans都知道，女神不時會分享一啲舊劇照懷念一番，每次都令人驚歎女神點解可以容顏不老。近日大陸有網媒上載咗幾張佢嘅舊劇照，話係周慧敏18歲時嘅相，不過Vivian記憶力驚人，一睇就知唔係18歲，而係24歲，不過相中人青春可人，話係18歲絕對無人會懷疑啊！

就係呢張相被大陸網媒指係18歲，大家係咪都覺得有可能？

周慧敏不時會分享一啲舊劇照懷念一番，然後就知道，女神真係完全無走過樣！

黎明都無走樣！

真係點睇都唔似52歲！

關鍵詞

周慧敏倪震