50歲宣萱被Bobby笑微波身材玲瓏出巡銅鑼灣大平反

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Dec 23 2020

已經入行廿八年的宣萱，不但人氣keep住旺，更駐顏有術完全唔識老，靚足五十年令唔少人羨慕！不過早前宣萱與好友歐陽震華（Bobby）一同上節目《諸朋好友》，卻自爆多年前已被Bobby封她Microwave，取笑她身材似男人，就算Bobby只係講笑，愈Keep愈fit的她，擺明要為自己公開平反；無聲勝有聲，日前宣萱單飛出巡到家品店掃貨，雖然口罩Cap帽眼鏡密封凍齡靚樣，但簡單一件Tee已玲瓏身材現形，睇嚟Bobby真係同宣萱太熟，完全唔敢正視女方身材，先會唔知好友咁有料！

原文刊於《東方新地》

宣萱被幕後諷刺又肥又老

要數圈中凍齡魔女， 50歲宣萱肯定當之無愧，99年已經憑《刑事偵緝檔案IV 》封視后的她，17年重返無綫拍《不懂撒嬌的女人》事業再起飛，演技超班個樣亦keep住超班！但原來經常被讚凍齡保養得宜的她，亦曾經試過失手暴肥。16年同意大利型男男友分手，無心戀戰的宣萱亦遇上中年危機，一度暴肥二十磅，但人生最低處總有出路，正如宣萱所言：「人生沒有絕路，這條路不通，就行第二條路。」據知情者透露：「入行冇耐已經走紅，其實宣萱搵落唔少，手上已經有兩層樓揸手，根本冇生活壓力，幾年前佢離開TVB，自己做埋自己經理人，就係想自己可以控制工作，做自己鍾意嘅嘢！嗰時失戀放肆飲食，突然間肥咗二十磅，本來佢都唔太在意，點知有次佢想再返無綫拍劇，就畀個幕後諷刺佢，話佢又肥又老應該退休，就係呢句說話令佢發憤圖強，努力減肥重新出發，事實證明佢係得嘅！」

宣萱早前與老友歐陽震華一同上崔健邦、張秀文主持的《諸朋好友》節目，二人大談當年拍劇往事笑聲停不了，宣萱更自爆被Bobby起朶「 Microwave」。

雖然有半億磚頭揸手，宣萱卻從不追求名牌，日前一個人到銅鑼灣平民家品店掃貨，選購儲物膠箱、防水被套，花盆等埋單都係三百元有找，夠晒貼地慳家！

被 Bobby取笑係「微波身材」，宣萱以行動平反，這日T恤牛仔褲出巡身材玲瓏，50歲身形依然 fit爆！

戴上Cap帽、膠框眼鏡和口罩低調出巡的宣萱，拖住手拉車仔似足師奶仔真係唔易畀人認到！

細心揀完合用膠箱，宣萱轉到放盆栽及花盆位置揀咗一輪，為家居添置小盆栽和花盆點綴！

打扮樸素的宣萱，當日孭住的Tote bag，看來已用了一段時間睇落有啲舊，買完嘢，她亦用自助付款機畀錢，夠晒貼地環保！

買嘢親力親為，宣萱未有帶同助手及外傭同行，一個人享受自在，就算攞嘢有點狼狽亦無阻購物雅興！

保持最佳狀態

現時宣萱每接新工作，開工前都會跟營養餐進食，又會做gym、跑步及行山keep fit，保持最佳狀態演出，努力加實力為自己爭贏一口氣，三年前宣萱簽約古天樂旗下，工作做到冇停手，去年拍完電影《尋秦記》、《 G風暴》，近月又完成無綫劇集《陀槍師姐2021 》，影視同樣當旺，相信宣萱最大遺憾，是以往多段感情都未能開花結果，16年同意國男友分手至今感情仍冇著落，不過性格女神卻有她一套自在的單身理論：「兩個人一齊一定要夾和舒服，如果唔係，單身反而更自在！」早前宣萱一個人到銅鑼灣平民家品店掃貨，一早有備而來的她，先去揀儲物膠箱及防水被套，之後再轉去擺放盆栽區域揀花盆，為家居添置家品親力親為，就連助手、外傭亦未有同行，50歲宣萱完美演繹女人當自強，單身一樣精彩！