41歲黃嘉樂不介意女友曾離婚 愈愛愈高調聽晒女友話

撰文、圖片：東方新地

黃嘉樂不介意女友曾離婚 明言賺多2年錢即結婚

逢過時過節慶祝生日同「鐵馬家族」老友聚會實帶埋Samantha出席，女友結過婚又聲明絕不介意，近日仲愈愛愈高調，男方話明要拼搏事業賺多一、兩年錢後，就會迎娶女友過門。婚事只差一步，不過睇吓小兩口出街拍拖其實已經十足老夫老妻一樣有默契，都係爭嗰一紙婚書啫！

黃嘉樂拍拖多年話題不斷識做男友聽晒女友話

男女朋友去拍拖，就算係黃嘉樂同Samantha，其實來來去去都係行街食飯睇 戲嗰啲指定動作。日前就見嘉樂同Samantha去咗IFC過日辰，去到商場先去食肆 醫肚，拍拖咁耐依然話題不斷，見嘉樂望住女友不停笑，睇到都戥佢開心！醫完 肚行去買戲飛，趁電影未開場，時間校得啱啱好，仲可以一齊去連鎖店買吓新衫 裝吓身。雖然係買衫畀自己，嘉樂樣樣都問女友意見，都未娶過門已經聽晒對方話。買完衫心滿意足，二人十指緊扣行去戲院，冤氣到呢！