40歲楊怡誕下可愛囡囡!羅仲謙IG報喜 創意網民齊齊幫「小珍珠」改名
40歲楊怡誕下可愛囡囡!羅仲謙IG報喜 創意網民齊齊幫「小珍珠」改名

40歲楊怡誕下可愛囡囡!羅仲謙IG報喜 創意網民齊齊幫「小珍珠」改名

40歲楊怡與35歲羅仲謙結婚4年,終於上月情人節前夕開心宣布將升呢做爸爸媽媽,並笑指 BB 係佢哋之間嘅「小小電燈泡」。事隔兩個月,夫婦二人突然今日(4月22日)喺IG宣布囡囡已經出世,比預產期早咗少少,所以B囡比較輕,仲話因為B女細細粒好似珍珠,所以乳名唔叫「小羅白」,而家改口叫「小珍珠」啦!

原文刊於《東方新地》

35歲羅仲謙IG報喜與40歲楊怡成新手父母

恨B恨到出晒面嘅楊怡同羅仲謙,上年終於成功造人,早前宣布預產期係5月,但B囡太心急,4月就已經出咗世啦!羅仲謙今日(4月22日)就喺IG報喜,指囡囡已經平安出世,除咗多謝一班醫護人員,當然唔少得多謝懷胎十月嘅老婆。喺一個咁有愛嘅環境入面成長,「小珍珠」一定會健康又快樂!

羅仲謙感性發文:「十月懷胎,有辛苦,有開心,這份上天給予我們的禮物,對我們來説是無比幸福的...... 急不及待想和大家分享......「這期待已久的禮物,我們已經緊緊的捧在手心中」。雖然較預期早了點,但感恩一切順順利利。我們這對新手爸媽,既戰戰兢兢,卻又無比興奮滿足在這裡謝謝所有家人朋友的關懷協助。」
羅仲謙感性發文:「十月懷胎,有辛苦,有開心,這份上天給予我們的禮物,對我們來説是無比幸福的…… 急不及待想和大家分享……「這期待已久的禮物,我們已經緊緊的捧在手心中」。雖然較預期早了點,但感恩一切順順利利。我們這對新手爸媽,既戰戰兢兢,卻又無比興奮滿足在這裡謝謝所有家人朋友的關懷協助。」
B女細細粒,羅仲謙抱住佢鼻碰鼻咁真係好溫馨啊!

創意網民齊齊幫「小珍珠」改名

兩公婆暫時未公開B女姓名,不過一班網民已經急不及待要幫BB改名,當中不乏搞笑答案,大家一齊揀下啦!

就叫”羅肆拾”囉

羅致光,IQ 160,60歲仲係中年唔俾退休

側田真名-羅定偉 (攞定位)

羅湖商業城

羅友恆、羅友童、羅友正、羅友香

羅白高

羅莽

羅偶鼻

羅囉攣

羅旋掌

羅利控

楊怡曾孖老公拍孕照 感性發文:與BB「合二為一,生活同步」

楊怡懷孕期間曾發文表達初為人母嘅感受:「一個身體,兩顆心跳,素未謀面,卻感受至深。女人一輩子,大概只有這個旅程,會有人與你『合二為一,生活同步』,同憂同喜,同食同睡。感恩我能體會這奇妙的旅程。人說懷孕的女人最漂亮,我想是因她們臉上會流露出一種孕育生命才有的光芒吧 ……. 母愛。」而老公謙謙亦期待小情人嘅來臨,表示知道老婆陀 B 好辛苦,會更努力愛護佢咁話!

楊怡稱珍惜與腹中BB 「合二為一,生活同步」 的奇妙旅程。
楊怡稱珍惜與腹中BB 「合二為一,生活同步」 的奇妙旅程。

40歲楊怡孖老公影孕照 35歲羅仲謙第一B性別係……

40歲懷第一胎嘅楊怡,不自覺散發著成熟女人味,美麗動人。
40歲懷第一胎嘅楊怡,不自覺散發著成熟女人味,美麗動人。

孖老公羅仲謙影孕照 首胎姓別揭盅

正如楊怡所講,懷孕嘅女人最漂亮,所以日前佢就孖老公謙謙影咗一輯大肚寫真,留住自己最美一刻!楊怡分別著上恤衫、T恤及長裙,捧住約7個月嘅孕肚擺甫士,見佢低頭望住孕肚微笑嘅表情,完全流露一股母愛。而攬住老婆嘅謙謙則面上留鬚,增添幾分熟男味道。而日前,楊怡終於為BB性別揭盅,原來「小羅白 」係小公主嚟㗎!見佢哋真情流露笑得咁開心,對 B 女充滿期待!

齊齊著上粉紅米奇老鼠 T 恤,楊怡嘅肚皮畫上笑臉,而羅仲謙則表情鬼馬地指住老婆個肚。
齊齊著上粉紅米奇老鼠 T 恤,楊怡嘅肚皮畫上笑臉,而羅仲謙則表情鬼馬地指住老婆個肚。
換上全黑服裝,準爸爸準媽媽笑得分外燦爛。
換上全黑服裝,準爸爸準媽媽笑得分外燦爛。
謙謙笑言家陣大小事務都由老婆話晒事,最重要係老婆專心養胎。
謙謙笑言家陣大小事務都由老婆話晒事,最重要係老婆專心養胎。
謙謙回想老婆宣布喜訊一刻,感覺奇妙又自豪。
謙謙回想老婆宣布喜訊一刻,感覺奇妙又自豪。

最新吃喝玩樂資訊