曾江
曾江

原來四哥唔止掌摑曾江一次 二人一早有個「壽終約定」超感人

影視娛樂

廣告

為悼念曾江離世,無綫於周六及周日兩晚深夜重播《4個小生去旅行》。呢個旅遊節目除咗喺宣傳記招時,謝賢表示因為不滿曾江拍攝節目期間「扮跛」同「阻收工」怒摑對方一事轟動全城,其實佢哋喺節目內都好有「火花」。

四哥喺節目宣傳記招當眾怒摑曾江成為經典
四哥喺節目宣傳記招當眾怒摑曾江成為經典(圖片來源:新傳媒資料庫 )
當日四哥表示忍咗曾江好耐
當日四哥表示忍咗曾江好耐(圖片來源:新傳媒資料庫 )

四位小生遊歷俄羅斯搵命搏

節目於2015年中月首播,由曾江(Ken哥)、謝賢(四哥)、胡楓(修哥)及Joe Junior主持,帶觀眾遊歷俄羅斯。聖巴索大教堂同國家歷史博物館呢啲咁基本嘅打卡點當然有去。四個小生加埋300歲有多,睇佢哋去培訓太空人嘅星城,體驗太空生活,四哥一試太空漫遊;揸四驅越野車穿越森林沼澤;曾江同四哥公園溜老虎…等等,由佢哋去試呢啲非一般嘅行程,的確幾有話題性!

曾江 拍攝期間,據講四位都招來咗一點艷福
拍攝期間,據講四位都招來咗一點艷福(圖片來源:無綫電視截圖)
曾江 四位中只有四哥可以一嘗做太空人嘅感受
四位中只有四哥可以一嘗做太空人嘅感受(圖片來源:無綫電視截圖)
曾江 四哥被指玩起上嚟,連個仔姓咩都唔記得
四哥被指玩起上嚟,連個仔姓咩都唔記得(圖片來源:優酷截圖)
曾江因痛風發作需用拐杖輔助行走
曾江因痛風發作需用拐杖輔助行走(圖片來源:無綫電視截圖)
後來曾江又因身體問題,需坐輪椅繼續拍攝工作,因此令四哥甚為不滿
後來曾江又因身體問題,需坐輪椅繼續拍攝工作,因此令四哥甚為不滿(圖片來源:無綫電視截圖)
曾江
(圖片來源:無綫電視截圖)

重溫多幕火爆場面

四位小生相識多年,佢哋喺節目中寸嚟寸去,都成為咗另一個看點,最精彩一定係「火爆」嘅曾江同「搞事」嘅四哥互窒。四哥喺節目中其實已經摑過曾江一次;曾江就試過同修哥「屈」四哥有私生女。咪以為修哥好易話為,有一幕四哥抱怨修哥喺鏡頭前唔講嘢,修哥即扯火反問係咪有機拍住就要講嘢,仲即刻喺攝影師手上拎部機對住四哥,大聲喝四哥要講嘢,當堂大到四哥。

曾江 被四哥撩㷫嘅修哥即扯火還擊
被四哥撩㷫嘅修哥即扯火還擊(圖片來源:無綫電視截圖)
曾江因流鼻血要卧床休息,同探病嘅四哥又互寸一番
曾江因流鼻血要卧床休息,同探病嘅四哥又互寸一番(圖片來源:優酷截圖)
四哥講講下突然摑曾江一下
四哥講講下突然摑曾江一下(圖片來源:無綫電視截圖)

互窒中亦有愛嘅一面 曾江謝賢勾手指定盟誓

但個節目都有「好有愛」嘅一面,唔係成日咁有火爆。好似佢哋去祈福嘅地方,都會為互相祈求對方健康。四哥同曾江亦曾承諾他日邊個先「瞓」咗(離世),就要「吻別」對方。咁有愛嘅表現,就如節目宣傳片修哥所講,四哥只係「唔熟唔食」,大家互窒可能只係節目效果,幾位老戲骨都交足戲。

曾江 Ken哥四哥約定邊個先「瞓」,健在嗰個就要去「吻別」對方
Ken哥四哥約定邊個先「瞓」,健在嗰個就要去「吻別」對方(圖片來源:無綫電視截圖)

曾江生前曾想添食《4個小生去旅行》

日前修哥表示佢同Ken哥都想開拍第二季,可惜依家天人永隔,修哥亦好可惜少咗一個朋友。

曾江 節目曾傳有意添食,但如今主持四缺一
節目曾傳有意添食,但如今主持四缺一(圖片來源:「4個小生去旅行-修哥開嘅」@FB)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:無綫電視截圖,優酷截圖,4個小生去旅行-修哥開嘅」@FB