獨家!38歲唐詩詠回頭箝46歲馬國明 無懼疫症連日密會遭斷正

影視娛樂

廣告

甩姣心穎封視帝的馬國明如今脫胎換骨,契妹唐詩詠亦對他另眼相看,無綫罕有筍盤當然要箝實,現在先識貨都未遲,二人最近密會次數激增,本刊記者目擊馬明與唐詩詠外出做運動 後,由唐詩詠揸馬明車返香閨,另一日馬明又車載唐詩詠去買 貓抓板,在疫情嚴峻下仍然隨傳隨到陪到實,愛在瘟疫蔓延時。

撰文、圖片:東方新地

馬國明搣甩姣穎有運行 同唐詩詠再續前緣

馬國明因「安心事件」因禍得福,撕破黃心穎真面目後忍痛分 手,整個人醒神晒,仲識開竅成功爭取視帝,所有運返晒嚟。早前黃心穎被斷正與RubberBand成員泥鯭(黎萬宏)去海怡工廈搜購狗用品,前度釣泥鯭,馬明亦不愁寂寞,回復單身十個月,一直有契妹唐詩詠在旁扶持,近月兩契兄妹更過從甚密,關係之親密前所未有。

唐詩詠與馬國明09年拍攝劇集《鐵馬尋橋》開始相熟及互有好感,不過戀人未滿,因此以契兄妹相稱。
唐詩詠與馬國明09年拍攝劇集《鐵馬尋橋》開始相熟及互有好感,不過戀人未滿,因此以契兄妹相稱。

姣心穎釣回復單身泥鯭齊齊買狗用品

指專搞人夫的黃心穎,日前被影到與RubberBand成員泥鯭一齊去買狗用品,更有傳去年盛傳上姣心穎寓所的商台DJ,其實就是貌似林海峰的泥鯭。事後黃心穎解釋因收養了唐狗而搵有經驗的泥鯭幫忙,而泥鯭則澄清與未婚妻結唔成婚,現時單身。

獨家!38歲唐詩詠回頭箝46歲馬國明 無懼疫症連日密會遭斷正

連日接送唐詩詠 一架車兩份揸默契十足

有個錫到自己燶的契哥馬明,唐詩詠當然會好好利用,早前下午3時半左右,家住太古城的馬明駕車前往唐詩詠位於清水灣半島的寓所樓下,未幾戴住口罩包到冚的唐詩詠跳上車,前往坑口村後,她落車去寵物店買了一塊貓抓板,相信是買給她的新寵小貓蛋蛋,而馬明一直留在車等她,之 後馬明送唐詩詠返家,放好東西後二人再同車外出。

當日下午3 時半,唐詩詠戴住口罩落樓,跳上一早在樓下等待的馬明車。
當日下午3 時半,唐詩詠戴住口罩落樓,跳上一早在樓下等待的馬明車。
馬明車唐詩詠去車程不到10分鐘的坑口村買了一塊貓抓板,這日唐詩詠素顏,完全真面目會馬明。
馬明車唐詩詠去車程不到10分鐘的坑口村買了一塊貓抓板,這日唐詩詠素顏,完全真面目會馬明。
上樓放低塊貓抓板,唐詩詠極速再離開寓所,上馬明車一齊外出。
上樓放低塊貓抓板,唐詩詠極速再離開寓所,上馬明車一齊外出。

另一日黃昏6時左右,本刊記者見唐詩詠揸住馬明的Benz 返回清水灣半島,她下車後馬明即返回司機位,自駕返太古城。現場所見,唐詩詠與馬明默契十足,看來一架車兩份揸並非第一次,而馬明更熟練地為唐詩詠遞上一個裝住外賣小食的紙袋,彼此關係盡在不言中。這日馬明在停車場泊好車後,一身運動打扮的他表示最近因新型肺炎肆虐, 與唐詩詠及黃嘉樂等人一齊做運動打發時間,更表示因順路而車載契妹,叫大家不要誤會。

這日黃昏6時 許,二人一身運動打扮外出後,由唐詩詠負責揸住馬明架Benz 返回自己位於清水灣半島的香閨,關係親密到一架車兩份揸。
這日黃昏6時 許,二人一身運動打扮外出後,由唐詩詠負責揸住馬明架Benz 返回自己位於清水灣半島的香閨,關係親密到一架車兩份揸。
落車時馬明拎住一個小食紙袋,熟練地遞給唐詩詠,甚有默契。
落車時馬明拎住一個小食紙袋,熟練地遞給唐詩詠,甚有默契。
之後馬明返回司機位,自駕返回太古城寓所。
之後馬明返回司機位,自駕返回太古城寓所。
馬明與唐詩詠共用的戰車,就是馬明早前車載媽媽同家姐去銅鑼灣名店買包包 的Benz,冇番咁上下身份,又點會可以共享呢?
馬明與唐詩詠共用的戰車,就是馬明早前車載媽媽同家姐去銅鑼灣名店買包包 的Benz,冇番咁上下身份,又點會可以共享呢?

馬國明親自回應:唔好諗咁多

記:你有鄰居確診新型肺炎,見你仲頻頻出街?
馬:都唔驚嘅,做足防禦措施,戴口罩同勤洗手,用酒精搓手液,唔去太多人嘅地方ok 嘅!

記:今日你約唐詩詠去邊?
馬:哦!今日我哋去咗做gym,因為黃嘉樂搵到個健身地方好少人好清靜,所以我哋約埋一齊去做gym。

記:見你哋呢排見得好密,詩詠仲揸你架車喎!
馬:純粹做運動,唔好諗咁多啦!

記:但係你仲成日做司機管接送?
馬:都係一齊去食飯,順路兜埋佢啫!

其實馬明家住太古城,與唐詩詠寓所相距甚遠, 連日車出車入看來絕對不是順路呢!

近日一名居於太 古城的居民被確診對 新冠狀病毒初步呈陽性反應,令太古城居民人心惶惶,住同一屋苑的馬明這日與唐詩詠外出做運動及同車都沒有戴上口罩,看來大家都互相非常信任。
近日一名居於太 古城的居民被確診對 新冠狀病毒初步呈陽性反應,令太古城居民人心惶惶,住同一屋苑的馬明這日與唐詩詠外出做運動及同車都沒有戴上口罩,看來大家都互相非常信任。