37歲李佳芯打破捱窮走樣傳聞保持零死角靚靚開工

Mar 12 2020

廣告

早排有傳李佳芯遭無綫「雪藏」，話佢冇工開又話佢要捱窮搞到落晒形兼走晒樣，謠言滿天飛，總之講到有咁陰功得咁陰功！

撰文、圖片：東方新地

李佳芯劇接劇開足半年工

實情係呢幾個月低調啲啫，佳芯 BB 一樣受重用重頭劇開不完，劇集《愛美麗狂想曲》同《殺手》接住落開足半年工，啱啱過年至有機會攤抖吓咋！以佳芯BB嘅外形同條件，有樣有演技呢啲真係買少見少，TVB大型節目仲見到佢，就證明公司冇放棄佢嘅！

去年中開始，雖然少出席公開場合少出po，其實佳芯BB一直忙緊為TVB開劇。

日前喺中環為《愛美麗狂想曲》開外景，笑容依舊別來無恙。

全情投入工作，日夜趕煞科都冇捱殘，依然明艷照人。

保持零死角靚靚開工

其實做娛樂圈絕對係心理質素大過一切，任憑出面流言滿天飛，有冇被雪有冇工開最緊要自己知，所以早前見到李佳芯喺中環為新劇《愛美麗狂想曲》趕煞科，一樣360度零死角靚爆鏡，心情一樣好靚去到邊都 keep 住笑容喎。天氣涼涼地，見到佳芯 BB無添加甜美笑容，當堂暖番晒！

呢日嘅對手戲係第二女主角蝦頭，心情靚靚嘅李佳芯不時被蝦頭搞到笑。

由天光拍到天黑都未收得工，上番廠車就換個造型再拍過。

佳芯BB同工作人員有講有笑，完全冇被負面新聞影響心情。

關鍵詞

李佳芯愛美麗狂想曲殺手