31歲岑杏賢脫單4個月 認愛34歲圈外加籍金融才俊

影視娛樂

廣告

告別上一段戀情已經三年,前度袁偉豪同新歡張寶兒都就快好事近,條件好到加零一嘅岑杏賢感情一直未見感情有著落。但早前情人節,岑杏賢就透過IG晒幸福,Caption表示自己已經成功脫單,真係可喜可賀!

撰文:東方新地 圖片:東方新地、岑杏賢IG

岑杏賢脫單4個月 男友為圈外加籍金融才俊

當年因為缺乏安全感,岑杏賢同袁偉豪終於都喺2016年宣布分手,分手後條件優厚嘅岑杏賢一直單身,好多姊妹都替佢心急,但原來佢喺4個月前已經成功「脫單」,早前情人節仲喺網上放閃,透露男友係加拿大籍香港人,叫Kelvin,今年34歲,任職金融投資,喺朋友婚禮上認識,之後一拍即合,今年係佢哋首個情人節,真係so sweet!

 岑杏賢喺情人節貼出一束玫瑰花同心型甜品的照片,Caption寫今年同「特別的人」慶祝首個情人節,勁sweet!
岑杏賢喺情人節貼出一束玫瑰花同心型甜品的照片,Caption寫今年同「特別的人」慶祝首個情人節,勁sweet!

31歲岑杏賢脫單4個月 認愛34歲圈外加藉金融才俊

 岑杏賢多謝好姊妹朱千雪結婚時將花球掉俾佢,令佢成功「脫單」!
岑杏賢多謝好姊妹朱千雪結婚時將花球掉俾佢,令佢成功「脫單」!

舊愛袁偉豪IG送祝福 網民發現早已被unfollow

舊愛袁偉豪亦有喺岑杏賢IG留言祝福,不過岑杏賢無回覆,網民仲發現原來岑杏賢一早已經unfollow咗佢,咁就啱啦,人要向前望,祝福岑杏賢同新男友可以甜甜蜜蜜,開花結果!

 二人拍拖3年,最終因為岑杏賢覺得缺乏安全感而離開。
二人拍拖3年,最終因為岑杏賢覺得缺乏安全感而離開。
 舊愛袁偉豪亦有喺岑杏賢IG留言祝福。
舊愛袁偉豪亦有喺岑杏賢IG留言祝福。

戲外有男友戲外有歐瑞偉扮大媽齊撐枱腳

愛情得意,事業都唔錯,入到處境劇《愛・回家之開心速遞》,唔愁無工開。日前記者見岑杏賢喺電視城飯堂同人約埋撐枱腳,一坐低雞啄唔斷不知幾好傾,不過對方化到鬼五馬六咁,睇真啲,原來係岑杏賢喺處境劇《愛・回 家之開心速遞》中嘅另一半「KC」歐瑞偉,因為角色造型講佢扮民初婦女,貪方便,就索性大媽look踩落canteen撐枱腳囉!歐瑞偉呢啲實力派甘草演員有戲又有喜感,為效果不計形象零包袱,所以話老戲骨去到邊都咁搶手!

 電視城飯堂驚見岑杏賢身邊出現「新歡」陪撐枱腳。
電視城飯堂驚見岑杏賢身邊出現「新歡」陪撐枱腳。
 行埋啲睇真係嚇到個心都離一離,原來係岑杏賢喺處境劇《愛· 回家》中另一半 KC 歐瑞偉。
行埋啲睇真係嚇到個心都離一離,原來係岑杏賢喺處境劇《愛· 回家》中另一半 KC 歐瑞偉。

31歲岑杏賢脫單4個月 認愛34歲圈外加藉金融才俊

 岑杏賢飾演嘅Icy同歐瑞偉飾演嘅 KC ,喺劇中嘅父女戀觀眾似乎好受落,而且呢個組合都幾新鮮。
岑杏賢飾演嘅Icy同歐瑞偉飾演嘅 KC ,喺劇中嘅父女戀觀眾似乎好受落,而且呢個組合都幾新鮮。
 當中一集一眾演員都變晒妝回到民初, KC 個恐怖大媽 look 咪就係咁嚟囉。
當中一集一眾演員都變晒妝回到民初, KC 個恐怖大媽 look 咪就係咁嚟囉。

最新吃喝玩樂資訊