拍《法證》參考陳茵媺剝剩黑Bra出位 30歲趙璧渝入行七年戶口窮剩雙位數

撰文、圖片：東方新地

30歲趙璧渝拍《法證》剝剩黑Bra出位

喺娛樂圈一出道就紅大有人在，但更多的是捱足幾廿年先等到一個上位機會，更幾乎是電視常態，好似馬國明入行廿年、提名多次先奪得視帝，姚子羚入行十八年先上到女一。

30歲的趙璧渝入行七年，演過多部劇集，但未有發揮，無家底、收入相當有限，但為了追求夢想一直堅持，曾試過戶口唔夠一百蚊，仍然捱下去。趙璧渝提到當收到《法證》劇本後，相當興奮，更為了角色去買新胸圍，事前keep fit又為免拍攝時水腫，前一天只飲水未有進食。但到真正拍攝時，要站在40樓高的天台，現場大風到可吹郁人，仲要只著住胸圍，趙璧渝坦言當時尷尬怯，幸好當投入角色便把多餘情緒拋諸腦後。演出令人留下深刻印象，趙璧渝為角色所花的心機絕對值得！