26歲吳千語聞林峯結婚即收起笑容 堅拒恭喜前度否認蜜運中
廣告
吳千語和林峯當年愛得高調，可惜女方的拜金港女性格，最終令這段感情未能修成正果。那邊廂林峯同林太張馨月愛得火熱，這邊廂吳千語也不甘後人，被傳和富三代翻撻，不過當事人就否認，仲表示拒絕恭喜前度，表現唔夠大方喎！
撰文、圖片：東方新地
吳千語聞林峯結婚即收起笑容 堅拒恭喜前度否認蜜運中
電影《家有囍事2020》日前舉行煞科宴，監製黃百鳴聯同一眾演員Chilam張智霖、張繼聰、周秀娜、陳靜、譚耀文、陳庭欣、張彥博等等出席，而剛升呢為人夫嘅林峯舊愛吳千語亦有到場，不過千語就堅拒恭賀對方，更左閃右避話唔想將焦點放喺自己身上！
對於前度林峯結婚，吳千語堅拒恭喜，並立即收起笑容回應：「又問？答過啦！唔想將呢件事嘅 焦點放喺自己身上。（恭喜都冇一句？）答過啦！佢宣布結婚前已經講過，大家可以搵番。（冇喎，幾時答過？）有呀！（點解連恭喜一句都唔講？）講咗之後會放大好多，答過啦！」至於有指佢去年10月同富三代施伯雄翻撻，問佢係咪蜜運中？千語未有正面承認：「依家身邊好多關心同錫我嘅人，未去到下 一個階段都唔會講。」
《家有囍事2020》煞科宴 Chilam豪爽加碼抽獎
當晚煞科宴有現金抽獎環節，Chilam竟幸運地抽中大利是一封，不過佢未有獨吞，最後更加碼連埋封大利是拎出嚟畀大家再抽過，認真豪爽！其後Chilam孖張繼聰做訪問時，豪氣表示銀紙事小，最緊要大家開心！而張繼聰亦都話希望電影帶到歡樂畀觀眾：「當中一場我用英文打小人，背都背咗兩日，好大壓力，但就好開心，大家睇playback都會笑，可以帶正能量畀大家係開心事。」
