林海峰
林海峰

叱咤樂壇2021|林海峰作弄姜濤、教主得罪鏡粉:好似玩得過份咗

影視娛樂

《2021年度叱咤樂壇頒獎典禮》於2022年1月1日假亞洲博覽館舉行,每年林海峰的個人表演都是觀眾最期待的環節之一,而今年林海峰繼續擺MIRROR上枱,以「鏡粉推介MIRROR十大」配以旁白大玩「致敬」,及後仲現場玩殘Anson Lo焫著鏡粉!

文:東方新地|圖:ViuTV截圖、my903.com 商業電台Facebook

林海峰是但噏「鏡粉推介MIRROR十大」

去年林海峰的「是但噏」環節已經透過疫情向MIRROR抽水,先是指成員Ian陳卓賢有個「Ian群組」,又話MIRROR全隊足有12人,一上台會違反「599G」限聚令;今年就再下一城,全段純粹以MIRROR鋪天蓋地的廣告與追星現象作主題,其中改足十首歌詞「鏡粉推介MIRROR十大」包括:

  • 第10位《狂人麥記》
  • 第9位《人類5G閃耀時》
  • 第8位《蒙著嘴去打針》
  • 第7位《大褸的愛》
  • 第6位《留下來Edan》
  • 第5位《俏肥姜》
  • 第4位《係咁先喇﹗》(姜濤維園「搶波事件」
  • 第3位《Anson Lo連環uh-oh事件》
  • 第2位《Dear My雞》
  • 至尊金曲則是《 先夫為敬》,去片重溫:

林海峰的Solo「是但噏」環節是每年焦點。
林海峰的Solo「是但噏」環節是每年焦點。(圖片來源:my903)

林海峰抽水MIRROR衍生的瘋狂現象

林海峰今次把過去一年MIRROR在香港引起的熱潮進行惡搞,例如將阿Jer的作品《狂人日記》惡搞成《狂人麥記》,暗諷鏡粉為儲閃卡瘋狂食快餐;又以《大褸的愛》描述Anson Lo常忽略氣溫身穿厚重的衣服;仲連司棋姐都唔放過,惡搞成《司棋姐連環打上事件》等等,甚至還有向一班「前夫」致敬場景,抽水味濃。但有網民就表示林海峰搞到MIRROR好似得三個人咁,當其它人無到。

林海峰
(圖片來源:連登截圖)
林海峰
(圖片來源:連登截圖)
林海峰
(圖片來源:連登截圖)

林海峰玩殘Anson Lo

抽水都好普通啫!但講到觀眾認為林海峰全晚最過份嘅都係喺逐一介紹「我最喜愛的男歌手」5強名單時,突然恭喜Anson Lo「恭喜晒!」Anson Lo反應唔嚟瞪大雙眼企咗起身,連上屆得主姜濤都立即攬實連番祝賀。豈料林海峰即來個反高潮:「唔係唔係,我恭喜你好忙咋,我都嚇死,我都想恭喜你呀!」一次未夠,林海峰重施故技向姜濤再玩多一次:「姜濤呢個獎係屬於你架!」不過今次姜濤中唔晒計,隔多幾秒,林海峰就補充喇:「上年呀,你哋唔好咁急得唔得呀!而今年係冧莊,係我冧莊再頒呢個獎。」結果好似有啲玩大咗,唔止現場疑有鏡粉立即催他快些頒獎,網民亦都對佢嘅行為非常不滿。

林海峰台上就玩得高興喇!
林海峰台上就玩得高興喇!(圖片來源:my903.com 商業電台Facebook)
林海峰 台下Anson Lo畀你玩殘。
台下Anson Lo畀你玩殘。(圖片來源:my903.com 商業電台Facebook)
林海峰 眼都凸埋呀陰功!
眼都凸埋呀陰功!(圖片來源:my903.com 商業電台Facebook)
林海峰 心血少啲都搞唔掂!
心血少啲都搞唔掂!(圖片來源:my903.com 商業電台Facebook)
林海峰 被玩二人組。
被玩二人組。(圖片來源:my903.com 商業電台Facebook)
事後黃偉文亦對林海峰嘅做法有意見。
事後黃偉文亦對林海峰嘅做法有意見。(圖片來源:[email protected]

圖片來源:ViuTV截圖、my903.com 商業電台Facebook

最新吃喝玩樂資訊