15歲康堤亭亭玉立 徐濠縈隨時監控唔俾仔仔埋阿囡身

影視娛樂

廣告

除咗是Fashion Icon,更是跑步健將的徐濠縈,即使再忙,湊女亦會親力親為,自小由她教育成長的女兒陳康堤,不單遺傳媽咪運動細胞,是學校手球隊精英,且樣子標緻兼擁有修長身材,15歲已經索爆,早是校內風頭躉,除咗去年被拍到同貌似彭于晏的男同學約會,身邊還不乏小蜜蜂埋身,雖然 Eason講明對女兒識朋友持開放態度,唔會嚴管女兒拍拖,不過,始終女兒年紀尚小, 緊張爸媽仍是不敢掉以輕心,為咗更了解女兒社交圈子,呢期Eason工作繁忙,睇女重責惟有交 老婆,除咗打理時裝店,阿徐更以人盯人戰術掌控女兒行蹤,日前本刊便拍到她連日來,變身司機親自駕車接送女 兒,狂蜂浪蝶想埋索女身,先要過阿媽一 關!

撰文、圖片:東方新地

康堤情竇初開 同小男友十指緊扣攬到實

身為天王陳奕迅的女兒,陳康堤自小已在大眾目光下成長,一舉一動自然成 為外界焦點,去年康堤被拍到與一貌似彭于晏的小男孩拍拖,情竇初開的她同男 友仔十指緊扣又攬到實,雖然自認係開通父母,阿徐又自爆話一早見過女兒這個男朋友,不過,始終女兒年紀小小便拍拖,父母難免擔心,加上少女康堤外形索爆,身邊有不少小蜜蜂氹氹轉,父母緊張𥄫實亦理所當然!

0
小時候的康堤擁有包包面,當時長得較似爸爸陳奕迅。
0
12歲開始標高,拍埋5呎7吋 Yumiko都去到對方耳仔。
0
身材fit爆的康堤,激罕晒泳衣照!

徐濠縈化身緊張媽咪 阿女第一事業第二

據知情者透露:「阿徐好緊張佢嘅時裝事業,但佢一樣係緊張媽咪,包包 (康堤乳名)出世之後,可以話係由佢一手一腳湊大,無論係搵學校同教功 課,佢都會親力親為,照顧得個女無微不至,同個女感情好好,成日會一齊 孖住行街,不過,依家包包進入青春期,有自己嘅世界,同一般少女一樣好 憧憬愛情,咁佢做阿媽嘅當然特別緊張,但又唔敢管得個女太嚴,怕適得其 反,Eason雖然性格似鬼佬,其實一樣係緊張阿爸,試過跟蹤個女去課外活 動,偷偷幫個女影相,又唔敢畀個女知,當知道個女多仔埋身,兩公婆都好 緊張,有共識多啲陪個女傾心事,了解佢嘅社交圈子,依家阿徐一得閒就會 自己揸車接送個女出入,唔會靠晒司機,所以啲小蜜蜂想埋包包身都唔係 咁易!」

0
湊女親力親為的阿徐,經常被拍到同女兒孖咇行街,潮媽教路,康堤 有氣質亦識打扮,由細潮到大。
0
除咗手握老公財政大權,徐濠縈亦是家中話事人, 15 歲女兒康堤長得亭亭玉立,她亦變身緊張阿媽,即使要睇住自家時裝店生意,仍經常會親自揸車接送女兒出入,全面監控女兒的社交圈子!
0
日前,阿徐親自駕車接送女兒,愈大愈似媽咪的陳康堤,除咗遺傳阿徐修長纖瘦身形,面形輪廓以至五官更如同媽咪倒模,似足姊妹花!

徐濠縈隨傳隨到 做埋司機親自監控乖女

日前,廿四孝好媽阿徐便變身司機出動,親自駕車去接上完課外活動的康堤返壽臣山寓所;另一日,又負責揸車載女兒去天后探朋友,只見康提獨個兒落車上樓離開,送完阿女,阿徐先返時裝店睇住盤生意,今時今日,對潮媽徐濠縈來說,事業再成功都唔及教出個乖女咁有滿足感!

0
阿媽係Fashion Icon ,現時已經長得高過媽咪的康堤,即使打扮樸素仍然型格十足,有媽咪優質遺傳,娛圈又一個索二代。
0
當日阿徐駕車載女兒去天后,只見康堤獨個兒上咗一棟大廈,管教女兒能收能放的阿徐,冇做埋跟得阿媽,但就醒目掌握女兒行蹤,果然教女有法。
0
送完女兒去天后,阿徐才駕車返回位於銅鑼灣的時裝店,教女放第一位,難怪老公咁放心!
0
除咗手握老公財政大權,徐濠縈亦是家中話事人, 15 歲女兒康堤長得亭亭玉立,她亦變身緊張阿媽,即使要睇住自家時裝店生意,仍經常會親自揸車接送女兒出入,全面監控女兒的社交圈子!