黯夜守護者 江嘉敏
黯夜守護者 江嘉敏

黯夜守護者|江嘉敏齊蔭髮型再被熱議 重溫N個出事造型 短髮未算最慘

影視娛樂

廣告

無綫新劇《黯夜守護者》主演之一江嘉敏今次突破性以一個齊蔭髮型亮相,成功掀起不少話題。但原來她去年拍攝期間,為保持造型都花上不少功夫,事關頭髮生得快,仲唔覺意同佢嘅「好姊妹」馮盈盈撞款添!

黯夜守護者 江嘉敏 江嘉敏在劇中飾演陳敏之個女。
江嘉敏在劇中飾演陳敏之個女。(圖片來源:《黯夜守護者》劇照)

江嘉敏髮型再惹爭議

對於今次江嘉敏的髮型,觀眾都有唔少意見!當中大讚江嘉敏可愛兼「後生咗」嘅言論都為數不少!尤其是江嘉敏早期因為拍劇而剪短頭髮被指「顏值大減」,突然行可愛風的確有很大反差,對反,都有人話江嘉敏面圓圓加埋個煲蓋頭,更加盡得面大,「好似粒珍寶珠」。不過江嘉敏在劇中要扮後生都係無可奈何,事關她飾演的盧小寶,角色設定是20歲,仲要係陳敏之個女,二人實際年齡分別係27歲同埋43歲,同劇入面一樣相差16年!

黯夜守護者 江嘉敏 江嘉敏 20歲,似唔似?
20歲,似唔似?(圖片來源:《黯夜守護者》劇照)
黯夜守護者 江嘉敏 江嘉敏 仲要同實際年齡係16歲嘅楊凱博有感情線!
仲要同實際年齡係16歲嘅楊凱博有感情線!(圖片來源:《黯夜守護者》劇照)
黯夜守護者 江嘉敏 江嘉敏 佢自己都有Po舊照幫手宣傳!
佢自己都有Po舊照幫手宣傳!(圖片來源:IG@kaman_kong)

髮型難Keep? 江嘉敏:每星期要剪一次

江嘉敏其實唔係第一次剪齊蔭頭,她笑指對上一次是2018年拍攝劇集《福爾摩師奶》時,又笑言剪齊蔭頭的優點是「前蔭長到可以唔畫眉」,而缺點就係「要每星期見髮型師一次」。

黯夜守護者 江嘉敏 江嘉敏新齊蔭髮型挑機馮盈盈
江嘉敏日前和「小男友」林凱恩約會,令她的新齊蔭頭造型曝光。(圖片來源:IG@kaman_kong)
黯夜守護者 江嘉敏 江嘉敏新齊蔭髮型挑機馮盈盈
不過江嘉敏被林凱恩取笑她厚厚的髮型像一個「煲蓋」!(圖片來源:IG@kaman_kong)
黯夜守護者 江嘉敏 江嘉敏新齊蔭髮型挑機馮盈盈
江嘉敏剪新造型是因為她在新劇《黯夜守護者》飾演一名網紅,將與謝東閔有感情線。(圖片來源:IG@kaman_kong)
黯夜守護者 江嘉敏 江嘉敏新齊蔭髮型挑機馮盈盈
江嘉敏笑言「齊蔭敏」又再出動。(圖片來源:IG@kaman_kong)
黯夜守護者 江嘉敏 江嘉敏新齊蔭髮型挑機馮盈盈
原來她在2019年播出的劇集《福爾摩師奶》中,就曾以齊蔭加孖辮造型飾演女僕「丁曉堯」。(圖片來源:IG@kaman_kong)
黯夜守護者 江嘉敏 江嘉敏新齊蔭髮型挑機馮盈盈
江嘉敏指剪齊蔭頭的確令她睇落細個少少。(圖片來源:IG@kaman_kong)

同馮盈盈撞髮型

其實近年一直都傳聞,江嘉敏同馮盈盈這對昔日好姊妹已反面,早前江嘉敏曾以著旗袍舊相狙擊馮盈盈著旗袍的新相,而當時江嘉敏的齊蔭髮型亦同馮盈盈早前在大熱劇集《反黑路人甲》中飾演的「Madam Koo」髮型撞到應。

黯夜守護者 江嘉敏 江嘉敏新齊蔭髮型挑機馮盈盈
馮盈盈在早前大熱劇集《反黑路人甲》中飾演的「Madam Koo」也剪了一頭齊蔭髮型。(圖片來源:IG@crystalfyy)
黯夜守護者 江嘉敏 江嘉敏新齊蔭髮型挑機馮盈盈
拍劇期間馮盈盈曾大呻:「齊蔭真係唔易Keep,呢段時間要成日來修剪、來染髮,辛苦晒我個頭嘅幕後功臣。」(圖片來源:IG@crystalfyy)
黯夜守護者 江嘉敏 江嘉敏新齊蔭髮型挑機馮盈盈
劇集《反黑路人甲》播出時,馮盈盈更曾特別remake多一次「齊蔭Madam Koo」的招牌髮型。(圖片來源:IG@crystalfyy)

短髮Look致敬仙杜拉? 戰鬥格被嘲滲「東莞味」

而事實上,江嘉敏早前已經為拍攝劇集《四十二章經》而剪去多年長髮,豈料她犧牲嘅唔單止係留落多年嘅髮絲,她更曾自爆因為剪短髮連個男朋友都冇埋!當日她曾經在IG寫道:

知道嗎舊人
嗱長頭髮丫
一個人愛你係唔會理你長頭髮定短頭髮

黯夜守護者 江嘉敏 江嘉敏 去年11月4日江嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one......」網友還以為他放風好事近。
嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one……」網友還以為他放風好事近。(圖片來源:[email protected]
黯夜守護者 江嘉敏 江嘉敏 為咗一部劇,好犧牲呀!
為咗一部劇,好犧牲呀!(圖片來源:IG@kaman_kong)

江嘉敏短髮Look再被批評

其實嫌棄江嘉敏短頭髮的,不單只是佢前男友,仲有一班網民。早前發福不少的江嘉敏於IG貼谷胸照,自稱獲友人大讚「身瘦咗但塊面圓咗」,並謂:「我把自己吃得這麼圓,就是為了不被別人看扁。」自信滿滿的她早前還以戰鬥格,穿黑色Deep V Bra Top披藍色西裝外套入馬場,惟有網民嫌「鄉姑」味濃,紛紛留言「件衫隻色想點,以為返咗大陸」、「東莞夜場小姐」、「啲Taste咁差」、「花家姐咁款」、「以為夾個髮夾喺頭就會似番女人?」等。然而去年底換上新造型時,江嘉敏已被指「完全Carry唔到短髮」,甚至問:「係咪致敬仙杜拉?」

黯夜守護者 江嘉敏 江嘉敏 江嘉敏近日於IG貼出谷胸照,自稱獲友人大讚「身瘦咗但塊面圓咗」。
江嘉敏近日於IG貼出谷胸照,自稱獲友人大讚「身瘦咗但塊面圓咗」。(圖片來源:IG@kaman_kong)
黯夜守護者 江嘉敏 江嘉敏 江嘉敏早前戴上髮夾,怎料被網民嘲「花家姐咁款」,「鄉姑」味濃。
江嘉敏早前戴上髮夾,怎料被網民嘲「花家姐咁款」,「鄉姑」味濃。(圖片來源:IG@kaman_kong)
黯夜守護者 江嘉敏 江嘉敏 江嘉敏去年底換上短髮新造型,有網民問她是否向前輩仙杜拉致敬。
江嘉敏去年底換上短髮新造型,有網民問她是否向前輩仙杜拉致敬。(圖片來源:IG@kaman_kong)

認自己化妝幾恐怖 爆造型原來搵朋友幫手

對於被封「時裝車禍」,江嘉敏接受鄭裕玲(Do姐)主持的商台節目《口水多過浪花》訪問時,大方直認不懂扮靚、幫自己化妝都幾恐怖,「可能件衫本身係靚,但我冇諗到咁深層次,原來件衫唔啱我身形著,我冇留意呢啲。」又表示造型是搵朋友幫手,現會考慮聘請形象指導,Do姐追問:「嗰個朋友絕咗交未?」江嘉敏即解釋:「冇,朋友好好,佢哋有勸我嘅,但我就好堅持,我覺得呢件衫真係好靚,咁其實自己衰囉!」

黯夜守護者 江嘉敏 江嘉敏 江嘉敏日前接受Do姐左)的電台節目訪問,她自認唔識扮靚。
江嘉敏日前接受Do姐(左)的電台節目訪問,她自認唔識扮靚。(圖片來源:IG@kaman_kong)

成「車禍」榜常客 被批造型老氣兼自曝其短

假如「宇宙巨肺」鄧紫棋是歌壇「時裝車禍」的代表,那麼劇界的「佼佼者」必定是江嘉敏,皆因她幾乎次次現身大型活動都例牌炒車!好似2019年出席《萬千星輝頒獎典禮2020》,當時蜜運中的江嘉敏一身「幸福肥」,卻穿上一襲Bling Bling直間緊身魚尾裙,將其腰間贅肉表露無遺,相當趕客;而經常被批評打扮過於成熟的她,上月以黑色喱士襯藍色連身短裙Look亮相《周年慶典節目巡禮2022》,雖然「中門暗開」身形若隱若現,但仍遭網民狂踩顯肥兼老氣。

黯夜守護者 江嘉敏 江嘉敏 江嘉敏於IG自貼《萬千星輝頒獎典禮2020》的造型照。
江嘉敏於IG自貼《萬千星輝頒獎典禮2020》的造型照。(圖片來源:IG@kaman_kong)
黯夜守護者 江嘉敏 江嘉敏 然而媒體鏡頭下的江嘉敏現晒粗腰、肥腩。
然而媒體鏡頭下的江嘉敏現晒粗腰、肥腩。(圖片來源:網上截圖)
黯夜守護者 江嘉敏 江嘉敏 江嘉敏出席《周年慶典節目巡禮2022》的一身造型被指顯肥又老氣。
江嘉敏出席《周年慶典節目巡禮2022》的一身造型被指顯肥又老氣。(圖片來源:IG@kaman_kong)

更多「炒車」之作

黯夜守護者 江嘉敏 江嘉敏近日嘅時髮型,已經長返唔少喇!
江嘉敏近日嘅時髮型,已經長返唔少喇!(圖片來源:IG@kaman_kong)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@kaman_kong、[email protected]、《黯夜守護者》劇照資料或影片來源:原文刊於東方新地