黎耀祥
黎耀祥

黎耀祥內地開工與劉青雲敍舊 細數三十多年相識淵源 盤點圈中9對出生入死好兄弟

影視娛樂

廣告

黎耀祥近月留在內地開工,日前相約同在內地工作的劉青雲敍舊,原來呢段兄弟情已有三十多年,友情在無綫年代時建立。黎耀祥指劉青雲是他演藝歷程上一個很重要的人,對自己影響深遠,私底下感情深厚,黎耀祥指早年事業不順遂全靠劉青雲一直鼓勵﹗圈中何止呢對好兄弟,盤點圈中9對出生入死好兄弟﹗

文:東方新地|圖:黎耀祥微博、big big channel截圖
黎耀祥自三月到內地開工,走遍多個省份,不停走商演,閒時與同行的太太兼經理人Julia遊景點﹗日前黎耀祥貼出與劉青雲相聚的片段,網民驚喜發現原來二人好老友,黎耀祥一手搭住青雲膊頭,留了鬍鬚的青雲笑意盈盈,黎耀祥留言:「內地工作相聚,兩個男人,喜歡哪個?」

黎耀祥和劉青雲最近同在內地開工,相約敍舊﹗黎太都有隨行,但未見劉太郭藹明﹗(圖片來源:黎耀祥微博)
黎耀祥和劉青雲最近同在內地開工,相約敍舊﹗黎太都有隨行,但未見劉太郭藹明﹗(圖片來源:黎耀祥微博)

黎耀祥入行全因劉青雲賣廣告

黎耀祥和劉青雲的兄弟情,緣於無綫,黎耀祥入行前已認識劉青雲,之前在無綫營業部當文員,黎耀祥表示因為受到劉青雲所拍的招募廣告影響,而報考了無綫的短期藝訓班﹗黎耀祥加入無綫後同青雲合作過不少劇集,包括有《銀色旅途》、《燃燒歲月》、《遊戲邊緣》《人在邊緣》等,當時劉青雲已是男主角,而黎耀祥只是二打六,但當時劉青雲對黎耀祥留下好好印象﹗

黎耀祥內地開工與劉青雲聚舊 重提多年來全靠青雲鼓勵
無綫big big channel最近重播早年黎耀祥和劉青雲的訪問片段,二人講出兄弟情始於拍攝《銀色旅途》。(圖片來源:big big channel截圖)
黎耀祥內地開工與劉青雲聚舊 重提多年來全靠青雲鼓勵
黎耀祥指當年因為見到劉青雲為無綫拍攝的招募廣告而報名藝訓班,從而加入無綫做藝員﹗(圖片來源:big big channel截圖)

黎耀祥多得劉青雲鼓勵不放棄追夢

黎耀祥直言自己的演藝生涯,劉青雲對他影響至深的一個人,黎耀祥話:「我成日同人講劉青雲喺演戲理念被人走快十年嘅人,我十年後諗到嘅嘢,佢十年前已經諗通晒﹗而作為一個朋友,佢每次都會鼓勵我,我做咗廿幾年,其實一路都冇乜成績可言,但佢成日都會同我講『你得㗎﹗唔好放棄』,佢真係喺我演藝生涯中,一個好重要嘅人 」

黎耀祥內地開工與劉青雲聚舊 重提多年來全靠青雲鼓勵
86年《銀色旅途》劉青雲與黎耀祥首次合作,當時劉青雲是男主角,黎耀祥只是閒角﹗(圖片來源:big big channel截圖)
黎耀祥內地開工與劉青雲聚舊 重提多年來全靠青雲鼓勵
90年《人在邊緣》(圖片來源:big big channel截圖)

劉青雲對黎耀祥印象深刻是合作86年《銀色旅途》,青雲:「嗰場戲好多爆肚,但冇人接到我,有個人接到我幾句就係佢﹗」劉青雲亦大讚黎耀祥唔止演技好,而且是一個好好的人,劉青雲話:「佢本身個人好有修養,呢樣嘢重要過演戲,一個好嘅人,重要過你喺演技上有幾出色多好多,我覺得人最重要係咁﹗」

黎耀祥內地開工與劉青雲聚舊 重提多年來全靠青雲鼓勵
視帝黎耀祥同影帝劉青雲相識三十多年﹗(圖片來源:big big channel截圖)
劉青雲和黎耀祥不時相約飯敍,會互相慶祝生日﹗(圖片來源:)
劉青雲和黎耀祥不時相約飯敍,會互相慶祝生日﹗(圖片來源:)
周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
三十多年兄弟情﹗(圖片來源:新傳媒圖片)

盤點9對圈中好兄弟

娛樂圈興姊妹淘聯群結黨,好似胡說八道、七魔女、處女黨、少婦聯盟等等多不勝數,周不時黐頭芒一齊聚會晒愛,仲必然tag埋對方po上網,要畀全世界知佢哋係閨蜜!其實感情好唔使吓吓周圍唱,相比之下男人的浪漫更低調更長情,仲更經得起時間考驗,以下呢9對明星好兄弟就係最佳例子。

1. 鄭伊健 黎諾懿

05年拍攝電視劇 《隨時候命》成為羽 毛球波友,黎諾懿自爆於05至07年間自己最窮困,要住劏房、捱麵包,全靠伊健叫佢去屋企揀衫著見人,又會介紹佢畀相熟導演拍戲,至能夠解困。不過黎諾懿最終都成功報恩,因為佢介紹咗個好老婆蒙嘉慧畀鄭伊健,算唔話得!

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)
周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
鄭伊健和蒙嘉慧拍拖,紅娘是黎諾懿﹗(圖片來源:新傳媒圖片)

2. 周柏豪 袁偉豪

唔係走紅後入 TVB 至結識,周柏豪同袁偉豪原來早於入行前做 model 時已經係舊相識,柏豪自爆當年用 ICQ 主動結識袁偉豪,之後加入娛樂圈仲有問過袁偉豪經驗,家陣新婚嘅袁偉豪仲搬埋入同一屋苑,同柏豪一齊做鄰居。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
入行前已認識,入行後相認﹗(圖片來源:新傳媒圖片)
周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)

3. 林峯 吳卓羲

林峯99年入讀藝員訓練班,同遲佢一屆嘅吳卓羲喺電視劇《 大唐雙龍傳 》中碰頭,並一齊走紅、一齊被無綫力捧、一齊長大再一齊離巢外闖。兩人friend 到互相有屋企鎖匙,林峯仲會親自改裝私家版風扇做禮物,買底褲又會買埋兄弟嗰條,仲話一日一個電話好黐纏。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:林峯微博)

4. 陳奕迅 謝霆鋒

同期出道,又曾經同屬一間唱片公司,陳奕迅、謝霆鋒識於微時,共同經歷過風風雨雨。當紅時已經會結伴傾偈賞月傾天光,謝霆鋒更話過,陳奕迅係唯一一個唔可以幫佢生仔,但會為佢赴湯蹈火嘅人。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖庫)
周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖庫)

5. 梁朝偉 杜德偉

85年參加新秀歌唱大賽入行,杜德偉即與同期剛剛喺電視圈起步嘅梁朝偉結為好友,仲有呂方、鍾鎮濤等大班老死一齊玩大蒲大,個個如今年過五十都定期聚會,彼此開騷、出碟、電影上畫必定到場支持。杜德偉12年娶老婆,梁朝偉都畀面做兄弟團㗎!

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)
杜德偉結婚,梁朝偉任兄弟﹗(圖片來源:杜德偉微博)
杜德偉結婚,梁朝偉任兄弟﹗(圖片來源:杜德偉微博)
周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)

6. 古天樂 鄧一君

97年加入電視台冇耐嘅鄧一君,因為拍攝《 美味天王 》同古天樂成為好友,其後更五度合作友情愈嚟愈深厚。鄧一君05年離開娛樂圈,轉行擔任理財顧問,多得老友古仔幫襯,之後開士多賣車仔麵,都有古仔花到人又到。今年開拍電影版《 尋秦記 》古天樂只係開句聲,鄧一君就即刻出山順手過戲癮。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)
周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:鄧一君IG)

7. 苗僑偉 黃日華

三哥苗僑偉早前接受崔建邦、張秀文主持嘅節目《諸朋好友》 訪問,被問到會帶邊個朋友上嚟,三哥只講咗兩 個字 「黃華」 。三哥同華哥同屬第九屆藝員訓練班,畢 業後同被力捧、同步走紅,一樣喺電視台搵到愛妻,一樣都係老婆奴女奴,四十年來一齊走過高山低谷,華哥仲剖白最近經歷喪妻之痛都係全靠三哥陪伴度過。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)

8. 張繼聰 張振朗

33歲張振朗明明同40歲張繼聰,無論背景、年齡都有段距離,不過就因為玩復古電單車啱嘴形而相逢恨晚,除咗會約埋一齊玩,仲一齊揸古董電單車遊車河,張振朗女友楊偲泳離巢過檔古天樂旗下,有傳都係張振朗託張繼聰幫手搭路。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:張繼聰IG)

9. 蕭正楠 黃祥興

蕭正楠同黃翠如18年4月秘密結婚,不過同年3月已經被黃祥興一個唔小心,喺節目《 1+1的深情 》爆響口,天大秘密得黃祥興知情,點會唔係老死?原來蕭正楠08年加入 TVB 已經認識黃祥興,基本上一齊長大。

周柏豪ICQ主動結識袁偉豪、黎諾懿做鄭伊健媒人!盤點圈中十對出生入死好兄弟
(圖片來源:新傳媒圖片)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地