黎振燁、李潤庭「賤男相撞樣」背妻偷食有樣睇!網民等睇鞠躬認錯

影視娛樂

廣告

人有相似,賤男都一樣!前有無綫《東張西望》主持李潤庭4年前被揭瞞結婚五年空姐妻子,偷食人妻,今有2016年港男冠軍人夫黎振燁偷食朱智賢,兩男向來被指撞樣,90%似樣連口味都相若!重溫當年李潤庭在公司安排下兩度鞠躬認錯,下場是離婚兼停工,黎振燁會唔會落入相同的「雙失」下場?!

原文刊於《東方新地》

三年前李潤庭,瞞空姐索老婆偷食人妻,雖然已經結婚5年,事發後聲淚俱下誓言要箍煲,公開鞠躬求原諒,結果再次斷正甩人妻失敗,被無綫踢走。

今次被踢爆「車震偷食」朱智賢的黎振燁,跟潤庭同黎振燁無論膚色、身型、樣貌都似到足,當年黎振燁選港男入行,亦有與李潤庭合照留念,連李都笑稱二人是「失散兄弟」!!估唔到兩位的經歷都會咁相似!

0
雖然有說黎振燁係「老翻古天樂」,但佢自己都覺得同李潤庭似失散兄弟⋯⋯
0
事件中被派帽的謝東閔似乎就無呢款賤男相⋯⋯

黎振燁背大肚妻 偷食朱智賢黑森林蛋糕

參選港男時被喻為「老翻古天樂」的黎振燁最近在《機場特警》憑情深男一角上位,現實中卻被記者踢爆佢同落選港姐朱智賢 ,二人共同在車廂品嚐黑森林蛋糕,被揭發一刻驚到語無倫次,仲立即將IG關閉,傳媒表示二人將會在公司安排下舉行記者會交代事件。

0
朱智賢係第一代憑《3日2夜》性感上位的前港姐。

黎振燁扮晒「愛妻號」 與太太識與微時

黎振燁同太太喺中學時代已經開始拍拖,一直都夢想要做演員嘅佢,都得到太太支持,曾經入過訓練班,但係都係做啲唔起眼嘅小角色,到後來入咗港視,以為會有出路,點知港視又因為牌照問題,開台不成。2016年,黎振燁參選港男自爆已婚,憑「好老公」形象成為大熱,喺拉票環節中表示參選港男係人生奇迹嘅開始,喺台上對老婆發表「愛的宣言」,成功打動觀眾!

0
參選香港先生先,拎埋太太出嚟拉票。
0
爆出車震新聞前,黎振燁最近在IG暗示太太有喜榮升爸爸。

重溫:離婚兼停工 雙失李潤庭兩度鞠躬認錯 0

偷食人妻空姐

日前無綫《東張西望》主持李潤庭被爆趁任職空姐的太太Crystal出國工作時,不止一次與小三當街激吻摸Pat Pat,更公然一齊搭港鐵返屋企。李潤庭明目張膽帶小三登堂入室。新聞爆出後,小三極速被起底。小三Tiffany竟然是老婆同公司的前空姐同事,事後李生不但沒有認錯,竟口出狂言指太太事前一早知,再度辣㷫全港市民。
0

即召開記者會

李潤庭昨晚從北京回港後,今天一早即返電視城被照肺,下午隨即召開記者會交代事件。記者會於3點半開始,身穿灰衫及戴上黑白框眼鏡的李潤庭,全程毫無表情,一開口就即向家人、太太及受影響的人道歉。他說這件事完完全全係佢一個人嘅錯,所以覺得自己應該行出嚟一力承擔,之後就企起身向住鏡頭鞠躬。

0

離婚分房瞓

事情發生後,佢話老婆對佢只有「失望同傷心」。被問到會唔會離婚,佢就話自己完全沒有選擇權,因為自己錯晒,要讓老婆話事。而自己喺呢一刻絕對尊重老婆決定,話佢可以選擇離婚或者繼續在一齊。而在記者追問嘅情況下,佢先答老婆呢一刻嘅決定係離婚,而兩人雖然仲一齊住,但就冇講嘢,而且係分房瞓。

0

激嬲父母

最後李生再次向外父外母同雙方家人道歉,因為令咁多人面對呢個咁尷尬情況,佢都唔想發生。問到自己父母有冇責怪自己,佢就話未聯絡父母,父母亦都冇搵佢,直言應該係嬲咗自己。有記者再次追問有關小三Tiffany嘅事,問佢識唔識何生(即Tiffany老公),佢就即時起身拆咪離開記者會。

0

停工直到另行通知

在場記者見狀,再度追問佢現在是否停工,但李潤庭離開座位後就沒有再回答任何問題,而在場的企業傳訊部助理總監(宣傳科)蘇燦榮就代佢答,話李生會停工直到另行通知。

0