黃美棋鍾健威婚禮倒數！與索爆姊妹團開婚前派對：多謝你哋陪我癲

「美棋BB」婚前派對非常熱鬧

在婚禮前夕，黃美棋在個人社交平台上載了與一眾好姊妹開心慶祝「婚前派對」的照片，當中最搶鏡的一幕是黃美棋穿著白色露腰婚紗，模仿林淑敏在《愛·回家之開心速遞》中的大小姐招牌動作「篤魂精」，而且是由黃美棋親自「篤」林淑敏。她們因曾經一同主持《流行都市》而結緣成為了無話不談的好姊妹。黃美棋在上載照片的同時，還寫下了感性的話語：「衷心多謝你哋每一位成為咗我嘅索爆姊妹團❤️多謝你哋俾咗一個難忘嘅晚上我✨👰🏻‍♀️感受到你哋每一位給我濃濃的愛❤️明天見啦✨✨🫶🏻」

黃美棋婚禮姊妹團成員星光熠熠

黃美棋的婚禮姊妹團成員包括了多位圈中知名人士，如「大小姐」林淑敏、林奕匡太太李靄璣（Rikko）、盧頌恩、黃芳雯等。這些姊妹們將在婚禮上扮演重要的角色，為黃美棋的大日子添上一抹亮色。

網友熱切期待婚禮盛況

隨著婚禮的臨近，網友們也紛紛留言表達對這場婚禮的期待和祝福。黃美棋的粉絲們都在猜測婚禮當天會有哪些驚喜和感人時刻，並且對這對新人的未來生活充滿了美好的祝願：「Congratulations 美琪BB，要幸福下去」、「恭喜妳呀美琪BB！希望妳地永遠都恩恩愛愛！開開心心～」、「索爆人妻，正呀」、「恭喜美棋BB預祝妳新婚快樂❤️年生貴子😍」等。

更多：

黃美棋婚禮前夕派大禮！大騷超深長事業線相當吸睛

黃美棋結婚｜童星出身的34歲黃美棋和男友鍾健威婚禮將於周六（6日）舉行，將升呢做幸福靚人妻的美棋BB早幾日（3/2）在社文平台晒出新一輯婚紗相，美棋BB大騷超深長事業線，相當吸睛！

黃美棋婚照夠晒激大騷超深長事業線

婚紗相中可見，美棋BB穿上一套桃紅色長裙華麗晚裝示人，大騷超深長事業線，相當吸睛！美棋BB表示：「唔覺唔覺時間過得咁快～原來得番幾日咋🙈🙈 can’t wait to see u all原來婚禮前真係好忙架～結婚嘅前奏就係同大家share下我地嘅靚相～」不少網友激讚：「靚靚靚呀！」「你們兩個好似樣，好有夫妻相」「最靚又最索嘅新娘」

黃美棋結婚｜點解我咁幸福

黃美棋去年生日在IG公布喜訊，原來其男友鍾健威（Ray）以為她預祝生日為由，在親朋好友的見證下，向她驚喜求婚，結束兩人近10年的愛情長跑，黃美棋以長文抒發感動的心情，並大讚未婚夫Ray的各種驚喜安排「完美無瑕」，給了她一個難忘的生日：

Dear 未婚夫 Ray :

我哋出年真係結婚啦💍❤️
多謝你為我安排嘅呢一個驚喜party 🙈
原本無諗過要特別攪生日…
所以見到d朋友同屋企人嗰下真係好感動🥲
到咗切蛋糕嘅時候，竟然仲有一個神秘嘉賓🕊️
嗰下真係真係好開心亦都好感動，因為你竟然安排咗個氣球帶住隻我地隻求婚戒指飛埋嚟🙈🙈
我無諗過你會記得我講過好得意…好鍾意😆😆
一晚入邊喊咗幾次🥹🥹
但係全部都係幸福嘅眼淚🥰
好多謝大家對我地嘅寵愛…
我真係覺得自己好幸運
好幸福…成長嘅階段，分別遇到身邊嘅每一位❤️～
我切蛋糕嘅時候…手都震埋
心入邊諗…點解我咁幸福…
所有屋企人、好朋友、重要嘅朋友都好錫我…
我心入邊默默祝福你地每一個都要身體健康，事事順心☺️
人大了，已經唔係好在乎自己幾歲…
重視嘅身邊嘅人過得開唔開心
健唔健康😊
未婚夫，多謝你嘅精心安排🥰我哋終於唔使守秘密啦😂
多謝你安排咗呢個咁難忘嘅生日俾我，多謝你由搵地方、偷偷聯絡我嘅屋企人、朋友、買花、搵decor佈置、安排座位、扮做嘢出去先，今次樣樣都完美無瑕，我真心要俾個叻你👍🏻
今次你係勁嘅🥳🥳
冇乜特別嘢可以報答你，
只能用我嘅餘生去繼續煩死你😂
以後我地要繼續相親相愛😘
繼續去創造屬於我地嘅未來❤️

未婚妻 美棋上

✨最後我要再次多謝噚日有出席嘅所有朋友講聲，
多謝你哋一直陪住我成長～
多謝你哋對我嘅愛❤️

黃美棋老公｜鍾健威：多謝妳選擇了我

鍾健威亦以「未婚妻」稱呼美棋BB，並透露明年就係兩人相識10周年，又爆出原來他早在兩年前已向美棋BB求過婚，仲開啟不停「多謝」模式，逐一講出今次再度驚喜求婚的籌備過程：

Dear 未婚妻Meiki✨
生日快樂🎂🎂🎂

出年就相識十年喇～
今個生日就為妳搞得隆重一點點
齊集妳最愛嘅香水玫瑰西瓜蛋糕汽球佈置
同埋我！
邀請妳屋企人及最好既朋友一齊給妳驚喜
然後再給朋友們另一個驚喜～
我帶上兩年前的求婚戒指
再為妳戴上！
宣布我地，出年結婚喇✨✨✨

多謝妳嘅信任
可以俾我借工作之名出去做籌備

多謝妳鍾意留喺屋企
可以出去買花睇禮物唔怕撞到妳

多謝妳睇電視話我知鐘意個搖控汽球裝置
可以俾我諗到隻戒指嘅出場儀式

多謝妳教我用淘寶
可以俾我搵到架搖控飛機汽球

多謝妳無話鍾意嗰間遙控氣球裝置酒店
可以俾我慳返10萬蚊

多謝妳有輕輕化個妝著條裙
可以唔怕俾妳事後埋怨我

多謝妳平時對待朋友有情有義
能夠個個一口答應俾我咁順利約到佢地

多謝妳開啟咗連環感動模式
開心嘅淚水令我哋都覺得好感動

多謝妳肥喺其他地方而無肥喺手指到
可以隔左咁耐仲戴得落

多謝妳笑得咁開心
妳開心我就開心！

最後
多謝妳選擇了我！
I Love You❤️

黃美棋結婚｜2014年拍旅遊節目撻著

早在2014年，美棋BB與鍾健威就因合作拍攝有線旅遊節目《好想戀愛三藩市》而傳出緋聞，但直至2016年，兩人才正式公開戀情，當時兩人早已認定對方，計劃過三年後結婚，更想舉行海外婚禮，但被疫情打亂了他們的結婚計劃。

黃美棋婚紗照反傳統玩型格Style

黃美棋與未婚夫鍾健威之前飛往日本拍攝婚紗照，打破傳統，選擇了白色西裝作為主打，展現出一種獨特的型格風格。這對新人的婚紗照在網上引起了不少關注和討論，大家都為這對即將步入婚姻殿堂的情侶感到高興。