黃宗澤《新聞女王2》挽女裝Chanel袋勁搶鏡 網民質疑打扮違和：姣姣地嗰啲款

黃宗澤手袋造型「太姣出事」

有網民在Threads發文表達疑惑，點評黃宗澤飾演的Kingston作為新聞部總監，每日西裝骨骨上班，但卻手挽女裝Chanel手袋，令人費解。該網友更猜測「個袋係咪方太啲舊嘢送咗俾佢當係公司包用？」引起其他觀眾關注這個造型細節。不少網民都認為這個搭配與角色設定存在違和感，特別是在報導一般新聞時使用如此搶眼的配飾。

網民：佢私伙啦佢平時着衫都係咁

面對質疑聲音，有熟悉黃宗澤的網民為他辯護，表示「係佢私伙啦佢平時着衫都係咁」、「佢一向都係用Chanel多」。更有網民指出「呢個真係好明顯係佢自己嘅私伙袋，因為成個袋就係好黃宗澤，姣姣地嗰啲款」，認為這是演員將個人風格帶入角色的表現。不過亦有觀眾認為「好難想像佢個角色會用Chanel…除非佢係報緊Fashion新聞」，質疑造型與角色職業的配搭。

劇情安排或有特別用意

部分網民從劇情角度分析，認為黃宗澤使用女裝手袋可能與劇中情節有關。有人推測由於劇中方太（龔慈恩飾演）與古肇華有不少接觸，「亦有可能係有一日方太同Man姐講買袋經嗰陣揀嘅」，暗示手袋可能是劇情道具安排。另外有網民留意到「仲要日日都十幾盒奶係入面」，非常實用！

網民：佢想扮G-Dragon？

討論延伸至黃宗澤近年的整體造型風格，有網民指出他出席活動時打扮都別樹一幟，更有人質疑「佢想扮G-Dragon？」將他與韓流天王G-Dragon（權志龍）比較。不過亦有網民認為「GD都係咁拎⋯⋯不過佢唔係GD」。

第14集劇透！黃宗澤解釋拎大手袋原因

第14集講到，黃宗澤解釋自己拎大手袋的原因， 其中一段片長3分鐘的「方太管理手袋論 」，重演上一輯揀手袋比喻，道出老闆用人困境，黃宗澤飾演的新聞總監Kingston最後向老闆推薦 Chanel 「小廢包」，並表示願意用自己個女裝大手袋為老闆孭起重擔，掌握職場擦鞋之道 。