黃依汶為囝囝打造豪華playhouse 巨宅曝光樓梯闊落到有埋滑梯

影視娛樂

廣告

戴咗半年口罩,都爭啲唔記得咗出街唔戴口罩自由呼吸嘅模樣係點,呢排本地感染數字回升,睇怕有排都未有得除罩!所以唔怪得之黃依汶(原名:黃伊汶 Emme)個助手咁盡責,日前陪 Emme 現身旺角等司機時,舊罩換新罩幾秒之間,都抓緊時間影吓老闆個靚樣 po 吓 IG 先,今時今日幾難得至見到全相得㗎!

原文刊於《東方新地》

黃依汶成功轉型從商又旺夫

講開黃依汶,成功轉型從商更成為本港高端名錶代理高層,2014年嫁人亦夠旺夫,老公陳國坤喺內地影視界撈得掂賺夠人仔,仲自己做埋老闆開製作公司,兩公婆名利雙收自然有大把本錢追求舒適生活。追開黃依汶 IG,大部分都係圍繞住4歲囝囝陳真嘅生活動態,喺屋企唱 K、畫畫、打拳、瀡滑梯、camping,活動多到數之不盡。

2014年與陳國坤結婚,2016年誕下兒子陳真,黃依汶旺夫益子,自己鐘錶事業亦愈做愈大。
2014年與陳國坤結婚,2016年誕下兒子陳真,黃依汶旺夫益子,自己鐘錶事業亦愈做愈大。
當戴口罩已經成為半年來常態,呢日黃依汶開完工喺街頭除罩換新,助手都即刻捕捉番個靚樣。
當戴口罩已經成為半年來常態,呢日黃依汶開完工喺街頭除罩換新,助手都即刻捕捉番個靚樣。
開完工換埋口罩,Emme歸心似箭登上七人車回家。
開完工換埋口罩,Emme歸心似箭登上七人車回家。

豪華playhouse曝光 屋企瀡滑梯、camping無問題

係!大家冇聽錯,的確係喺屋企玩到晒,皆因黃伊汶一家三口所住嘅複式巨宅認真唔嘢少,樓底高到擺到半打1比1超級英雄氣球之餘都仲有上升空間;樓梯又長又闊落足夠行走有凸,仲可以度身訂造並排滑梯畀陳真玩到夠;屋企巨廳閒閒哋請到三五十人開 P仲有位剩,亦可以 set 個私家 playhouse 障礙賽畀囝囝放電;電視大到似私人影院,陳真更擁有個人圖書館、畫室、園藝區,仲成日跟爸爸出大花園 camping 野餐享受日光浴,生活幾咁寫意!不過有錢還有錢,detail 位亦睇得出 Emme 同小龍唔單止用錢打造陳真嘅玩樂空間,亦親力親為陪伴在側從玩樂中學習,為人父母,淨係有錢係唔夠㗎!

黃依汶同鄭希怡老友鬼鬼,連帶陳真同梁浸浸自小亦兩小無猜,黃依汶更不時幫老友湊女,梁浸浸同陳真齊齊唱K齊齊玩。
黃依汶同鄭希怡老友鬼鬼,連帶陳真同梁浸浸自小亦兩小無猜,黃依汶更不時幫老友湊女,梁浸浸同陳真齊齊唱K齊齊玩。
閒時兩母子喺巨型大廳中畫吓畫,睇見佢哋一大一小子母畫框嘅畫面份外溫馨。
閒時兩母子喺巨型大廳中畫吓畫,睇見佢哋一大一小子母畫框嘅畫面份外溫馨。
唔係講笑,兩父子真係可以喺大型花園野餐兼曬太陽㗎!其實黃依汶同陳國坤唔止有巨宅同特製裝修為陳真打造玩樂空間,從生活照亦睇得出玩遊戲、遊花園、讀書畫畫唱歌,陳真都有父母陪同玩樂學習。
唔係講笑,兩父子真係可以喺大型花園野餐兼曬太陽㗎!其實黃依汶同陳國坤唔止有巨宅同特製裝修為陳真打造玩樂空間,從生活照亦睇得出玩遊戲、遊花園、讀書畫畫唱歌,陳真都有父母陪同玩樂學習。
舊年二月喺屋企樓梯旁加建滑梯,室內瀡滑梯大家玩過未?
舊年二月喺屋企樓梯旁加建滑梯,室內瀡滑梯大家玩過未?
愛下廚嘅黃依汶不時招呼朋友返屋企飯局,更誇張到將大型飯廳變身為米芝蓮餐廳。
愛下廚嘅黃依汶不時招呼朋友返屋企飯局,更誇張到將大型飯廳變身為米芝蓮餐廳。
屋企大梗係最常做大時大節開P基地,上年聖誕,巨廳閒閒哋坐三、四十人都仲有大把位剩。
屋企大梗係最常做大時大節開P基地,上年聖誕,巨廳閒閒哋坐三、四十人都仲有大把位剩。
早前陳真四歲生日,因疫情關係冇得開P,兩公婆就為佢準備大量高過真人嘅卡通人物氣球陪過生日,一張相睇到陳家巨宅樓底極高。
早前陳真四歲生日,因疫情關係冇得開P,兩公婆就為佢準備大量高過真人嘅卡通人物氣球陪過生日,一張相睇到陳家巨宅樓底極高。
底層大廳有落地大玻璃,布置簡潔空間感十足。
底層大廳有落地大玻璃,布置簡潔空間感十足。
平時黃依汶上載嘅親子日常,可見陳真有專屬圖書 corner 同種植綠化區,並培養囝囝每日閱書最少十分鐘的習慣。
平時黃依汶上載嘅親子日常,可見陳真有專屬圖書 corner 同種植綠化區,並培養囝囝每日閱書最少十分鐘的習慣。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
黃依汶
資料或影片來源:原文刊於東方新地