麻雀樂團｜Patrick Sir電車猥瑣狂索李佳芯髮香 角色勁搶戲 網民讚：入型入格！
畫面曝光！Patrick Sir電車狂索李佳芯髮香
在昨晚播出的一集中，Patrick sir飾演的變態殺手「楊堅」終於露出真面目，劇情講到他早已睇中由李佳芯飾演的「張鐵」，並展開跟蹤。其中一幕在電車上，楊堅特意坐在張鐵正後方，當微風吹起張鐵的秀髮，楊堅竟立即伸長頸，閉上眼露出迷之笑容，瘋狂「索」聞其髮香，猥瑣的眼神令觀眾不寒而慄。更心寒的畫面接踵而來，鏡頭一轉見到楊堅獨自在家，面露詭異笑容打開雪櫃，裡面竟然藏著死者的斷指，成功將角色的變態陰沉演繹得淋漓盡致，令網民看得極度不安。
Patrick Sir為演活變態佬自爆激減15磅
為了完美呈現角色的陰沉感，Patrick sir在接受訪問時自爆，監製雖然沒有要求，但他主動在一個半月內激減15磅（約7公斤），務求外型上更貼近「變態佬」。他坦言過程相當辛苦：「我覺得變態佬瘦啲感覺似啲，所以我就用咗個半月時間減咗15磅，但因為我好鍾意食嘢，嗰段時間忍口都忍得好辛苦，每次放飯只係食3分1 。」除了身形，他連心理狀態也完全投入，拍攝期間會刻意孤立自己：「我去到現場自己會坐埋一邊，唔同人傾偈，靜靜地令自己進入個角色，望人都唔係正面望而係背後望，練習下啲眼神。」
Patrick Sir感激監製信任：想畀觀眾睇到我唔同嘅一面
對於再度獲監製羅永賢（Marco）邀請飾演反派，Patrick sir直言非常喜歡，更視之為肯定。他表示監製正正看中他本人形象與角色的巨大反差，希望藉此讓觀眾看到他的另一面。Patrick sir坦言：「好多人覺得我哋做主持係唔識做戲，因為我哋有主持腔，但監製好信任我，呢樣都係對我嘅肯定。」他補充道，雖然戲份不多，但非常享受演繹這個充滿挑戰性的角色，並感激監製給予大量意見，幫助他更好地塑造角色，成功打破外界對他只有「主持腔」的刻板印象。
網民洗版式驚呼：Patrick sir好變態！
劇集播出後，Patrick sir的破格演出隨即在網上引爆熱議，討論區及社交平台被網民洗版式留言，一面倒地對其演技表示震驚。大量網民湧入留言區，驚呼：「Patrick sir好變態！」、「Patrick sir果然入型入格！」、個眼神真係好得人驚，睇到毛骨悚然」、「完全唔認得係佢，演技大爆發」、「呢個角色真係好心寒，今晚會發惡夢！」網民的熱烈反應，足證Patrick sir這次的形象顛覆極之成功，其變態殺手的演繹已深深烙印在觀眾腦海中。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
