39歲麻利忽然離職903 上完ViuTV受訪被商台除名撰寫超長文回應

Q: DJ麻利對被傳過檔ViuTV有何回應?

DJ麻利發長文回應離職商台一事，透露因為確診不斷反思人生... 詳情請看

Q: DJ麻利為什麼忽然缺席電台節目《口水多過浪花》?

麻利上月社交平台宣佈確診Omicron，要在家中隔離而不能開工，大家以為她只是等待康復，但商台回覆... 詳情請看

Mar 8 2022

DJ麻利（原名鄧慧妍）效力商台多年表現一直頗受爭議，2月中確診後，一直缺席《口水多過浪花》節目，Do姐及拍檔亦罕有無在節目提及麻利近況，點知上星期麻利竟然現身ViuTV出鏡開心分享病況，及至昨日（7/3）傳出麻利已正式離開商台，經傳媒求證，消息確實，麻利本人亦於IG發布長文回應，千八字的內文唔容易消化，以下為事件重點：

麻利有傳過檔ViuTV 病假期間接受友台訪問

麻利2月21號喺社交網宣佈確診Omicron，之後嘅日子除咗出PO講吓病情，日前MIRROR嘅AK（江𤒹生）同Alton（王智德）出新歌，佢都有介紹吓首歌。當大家以為麻利仲喺屋企隔離緊，未開得工，原來佢已經冇做商台份工喇，商台公關回覆傳媒查詢時表示：「本台與叱咤903主持人麻利已達成共識，她於2022年3月7日起會暫別商業電台及節目《口水多過浪花》。」現時《口水多過浪花》主持一欄，麻利個名已經「消失」咗。有傳麻利「低調」離開商台並樍極等備過檔ViuTV，亦有網民猜測麻利因為唔肯接種疫苗，所以同商台傾唔掂數。

麻利《口水多過浪花》FB — 確診後麻利完全絕跡自己節目「口水多過浪花」，其後Do姐和余迪偉也採用Home Office型式做直播，都無預麻利。（圖片來源：《口水多過浪花》Facebook）

麻利日前麻利以Phone in 形式亮相ViuTV節目《今日疫情》。 — 3月3日麻利以Phone in 形式亮相ViuTV節目《今日疫情》，開聲見樣好精神，同日Do姐節目「口水多過浪花」已經正式Work From Home直播，但都係無麻利開咪，Do姐節目中亦無特別提及麻利病況，當佢不存在。（圖片來源：《今日疫情》截圖）

麻利長文自白解釋去留坦言知道有人開香檳

就在消息傳出後的晚上（7/3），麻利在個人IG分享了一篇長文去解釋自己的去留，並透露因為確診後不斷反思人生，在發高燒時獲得平靜，「認真對待生命入面嘅priority，因為不能夠妥協太多啦嘛？退一步益埋人哋呢啲嘢我唔會再做，要企定定面對嘅我唔走開」，所以決定轉工「分手先啱鬆一口氣」，不過就未有透露「轉工」的目的地。另一方面，麻利亦有留意到網絡上有不少反對她的聲音，她認為自己作為一個半幕前人，能夠在一疫情之下帶給人「開香檳」慶祝的對象，亦算是一種功德。

2022年絕對係面對自己嘅一年，外在環境話你知冇得靠向外尋求distraction，你只能往內去發掘自己想點。好多老師都話今年係探求靈性嘅一年，errr…好多人好討厭我講呢啲嘢，可能你好彩，人生未去到要反思自己搞乜嘅位置，只係我近年經歷令我真係諗多咗好多嘢，多到足夠我去質問自己點解、想唔想、開唔開心。

麻利麻利表示：「本來諗住用一張有Oscar嘅相令佢再次無辜上新聞，但因為太樣衰，我病完個人善良咗，所以算數。用居家look畫返條眼線先唔好講咁多。」 — 麻利表示：「本來諗住用一張有Oscar嘅相令佢再次無辜上新聞，但因為太樣衰，我病完個人善良咗，所以算數。用居家look畫返條眼線先唔好講咁多。」（圖片來源：IG@malisheep_）

反問傳媒邊個無轉過工 8字總結「分手先啱、鬆一口氣」

你哋冇人轉過工咩？你哋冇經歷過分手但係覺得分手先啱鬆一口氣咩？做到有長期服務金牌呢件事震懾咗我好一陣子，我係變動星座，我居然响日常生活玩咁多嘢嚟呃自己我有變動，然後留响一個地方咁耐。until 呢個moment it doesn’t work anymore! 不過直到啲大粒佬都message我，我心諗咁真係要寫下，同埋希望唔會煩到公司同事們，我估已經煩咗，sorry sorry。

麻利在討論區有不少負評，2016年加入《口水多過浪花》節目後長年被網民要求離開商台，有指講嘢神怪，更大問題係理解能力出事、常在節目拉散話題，有聽眾指「Do姐都頂佢唔順」，負評如海蔚為奇觀。（圖片來源：連登討論區）

09年入職至今未曾轉工，麻利表示呢件事震懾咗自己好一陣子。（圖片來源：malisheep）

麻利狂迷事件曾連累當奴被扑傷送院

麻利原名鄧慧妍，畢業於中文大學新聞與傳播學院，其後加入2009年商台，曾主持節目例如《麻利有隻小綿羊》、《今日正》，以於鄭裕玲及余迪偉主持節目《口水多過浪花》。雖然初期她受不少聽眾歡迎，更曾獲封為「商台女神」，惟近年麻利的口碑不如往時，網民尤其對她在節目上講太多New Age話題而反感，加上她經常與AK靠近，經常被傳靠關係出名。2016年，麻利因為受狂迷滋擾，最後卻導致當奴無辜受牽連被狂迷以鐵棍襲擊，手部、頭部受傷送院治理。